Habakkuk 1:6 - সান্তালী বাইবেল

⁶ Iń do Babelrenkoń sapṛaoetʼkoa; onko do kurmutạha jạtren kanako, onko do eṭakʼkoakʼ disạm hatjoṅ lạgitʼ dhạrti reakʼ sanam ṭhạ̃iteko calakʼkana.

Habakkuk 1:6 Referans Kwoze

2 Rapajko 24:2

Probhu Isor do Jehoyakim upạrte Babelrenko, Aramrenko, Moabrenko ar Amonren luluṭ hoṛkoe kolketʼkoa. Probhu Isor do acʼren guti, metakʼme nạbiko hotete okaṭakʼ kathae roṛ saḍeletʼ onkage uni do Jihudạ disạm marao lạgitʼ onkoe kolketʼkoa.

Jirimiạ 5:15

Probhu Isore meneda, “E Israel jạtrenko, am upạrte sạṅgiń disạm khon mitʼ jạtrenkoń ạgukoa. Onko do sedae jugren ṭikạu akan jạtrenko kanako; onko hoṛkoakʼ pạrsi do bape baḍaea ar onkoakʼ katha hõ bape bujhạu daṛeakʼa.

Jirimiạ 25:9

Iń do utạrren sanam jạtrenko ar ińren golam Babelren Nebukadnesar rajiń hoho ạguiyea. Noa disạm ar onaren hoṛko upạrte ar beṛhaeten sanam jạtrenko upạrte onkoń ạgukoa. Iń do purạte onko hoṛkoń maraokoa ar onko do botoran ar landa-dhutʼan jạtrenkoń hoyocokoa; onkoakʼ disạm do jaejug lạgitʼ iń ḍahao maraoa.

Jesaea 23:13

Kạldikoakʼ disạm beṅgetʼakʼpe; mitʼ okte uniren hoṛko do celege bako baḍaeyetʼko tahẽkana. Ạsurrenko Babel do hahaṅkarren janwarkoakʼ ṭhạ̃iko hoy ocoakada, menkhan Babelrenko do Tur upạrte jhãp em lạgitʼ pahra oṛakʼ leka usul usul rãt gạḍiko benao akada, ar uniyakʼ maraṅ maraṅ oṛakʼko luṭ akada ar dhaṅ dhaserakʼ ḍạṅ lekako hoyocoakada.

Jirimiạ 21:4

Israelren Probhu Isor do niạ kathae meneda, ‘Babelren raj ar okoe Babelrenko do pạcri bahreteko gherao esetʼ akatʼme onko upạrte lạṛhại lạgitʼ amakʼ tire okako khanḍa bhanḍa menakʼ onako doń ạcur ruạṛtapea ar nagraha talareń samṭao jarwaea.

Jirimiạ 4:8

Onate gõṛẽ kicricʼ horokʼkate homor halaṅpe ar jare jarekʼpe, ente Probhu Isorakʼ jolokʼkan edre do abo ṭhen khon baṅ ruạṛ sen akana.”

Jirimiạ 4:6

Sion secʼ mitʼṭecʼ nisạn tul rakabtape. Ar bin bilomte ńir bańcaokʼpe, ente iń do utạr secʼ khon maraṅ jarkharokʼgeń ạgu lạgidokʼ kana.

2 Bõsbudạ 36:17

Onko upạrte Probhu Isor do Babelren raje ạgukedea. Uni raj do mundil oṛakʼre onkoren juạnkoe gocʼketʼkoa, uni do juạn kuṛi ar koṛako, haṛamko se umerte laha akanko okoege bae mãyãwatʼkoa. Isor do onko sanamkoge uni rajakʼ tireye jimạkatʼkoa.

2 Bõsbudạ 36:6

Babelren raj Nebukadnesar do uniye akromonkedete pitạl reakʼ sikṛite tolkate Babelteye idikedea.

Jirimiạ 4:11

Unre Probhu Isor do onko hoṛ ar Jerusalemren koe metatʼkoa, “Hahaṅkar reakʼ ceḍe ḍuṅgriko khon lolo hoe do ińren hoṛko secʼ hijukʼkana, menkhan phosol oṭaṅ saphae lạgitʼ do baṅkana;

Jirimiạ 8:10

Ona iạte akoren bạhuko do eṭakʼ hoṛko ar onkoakʼ khet baṛge do nãwã mạlik koń emakoa. Huḍiń utạricʼ khon maran utạricʼ hạbicʼ jotoge lab lạgitʼko lalocakʼ kana; nạbiko ar naekeko jotoge eṛeyakʼko kạmikana.

Jirimiạ 13:20

Probhu Isore meneda, “E Jerusalem, beṅgetʼ rakabme, ńelme utạr secʼ khon bạiriko daraekana. Okaṭakʼ palrenko do amakʼ tireko em hoylen, ar okoeko bhiḍiko iạtem bạḍạiyetʼ tahẽkan onko doko okayena?

Jirimiạ 21:7

Ona tayom iń do mahamạri, lạṛhại ar akal khon bańcao tahen Jihudạren Sedekiạ raj, uniren rajkạmiyạko ar niạ nagraharen sanam hoṛ do Babelren raj Nebukadnesar rajakʼ tire ar okoe onkoakʼ gujukʼko khojkan onko bạirikoakʼ tireń soprotkoa. Nebukadnesar do onkoe gocʼkoa; uni do jãhãn daya ar mãyãge onkore bae dohoya. Iń Probhu Isorge noa katha doń meneda.’ ”

Jeheskel 16:40

Ar am upạrte mitʼ dol hoṛko uskạukoa; ar onko do dhiriteko tiń gocʼmea ar onkoakʼ tarwaṛeteko kaṭra kuṭrạmea.

Jeheskel 21:31

Ińakʼ edre do ape cetanreń dula ar ape upạrte ińakʼ khĩs reakʼ seṅgeliń oṅa. Ar nonkan kurmutạha hoṛkoakʼ tireń soprotpea okoe do makʼrao kạmireko gạkhuṛge.

Jeheskel 28:7

Ona iạte ńelme, iń do am upạrte bidisiạkoń ạgukoa, jạt jạtrenko talare onko do kurmutạhakoge, onko do amakʼ ạkil reakʼ mońjakʼ upạrte apan ạpin tarwaṛeko bojtakoa, ar amakʼ ṭhonokko maraotama.

Jeheskel 31:12

Boṅgan hoṛ jạtrenko talare joto khon kurmutạha jạtren hoṛ do uniko makʼ bhinḍạṛ akadea arko bạgi oṭoakadea. Uniyakʼ maraṅ maraṅ ḍạrko do buruko ar nalako cetanre ńur akana; uniyakʼ ḍạrko do rạputʼente disạm reakʼ sanam ạtukʼ dakʼkore ńur akana. Dhạrtiren sanam jạtrenko do uniyakʼ umul khon oḍok kate uniko bạgi oṭo akadea.

2 Rapajko 24:1

Jehoyakimakʼ rajokʼ oktere Babelren raj Nebukadnesar do Jihudạ disạme akromonkeda. Jehoyakim do pe bochor uniyakʼ gobolreye tahẽkana. Menkhan tayomte uni do Nebukadnesar upạrteye hulkeda.

Jirimiạ 30:5

“Iń Probhu Isorgeń meneda, suluk reakʼ aṛaṅ do baṅ bickom toras reakʼ ãṭ aṛaṅge ańjomokʼ kana.

Joel 2:3

Onko laha lahate do seṅgele jojomkana ar onko tayomte do seṅgel lepʼe roṅgokana. Onko samaṅre disạm do Eden bagwan leka, ar onko tayomre do ujạṛakʼ hahaṅkar; ona khon rukhiyạ do cetʼge bae ńameda.