Habakkuk 1:13 - সান্তালী বাইবেল

¹³ Am do nunạkʼgem khạṭigea je, am do bạṛicʼakʼ secʼ beṅgetʼ hõ bam beṅgetʼeda ar behokakʼ hõ bam sahao daṛeakʼ kana. Enḍekhan cekate onko bepạtiạr hoṛ do bhage mẽtʼtem ńeletʼkoa? Dusṭạmi hoṛ do tinre ako khon hõ bhage hoṛko tạhuṛetʼkoa unre cedakʼ am do hape akanem tahenkana?

Habakkuk 1:13 Referans Kwoze

Sereńko 50:3

Aboren Isor doe daraekana, uni do mocae jhijtaea; ar seṅgel do uni laha lahate sanamakʼe atar giḍiya; ar uni beṛhaete ạḍi botorgeye hoe bharḍoea.

Sereńko 10:15

Bedhorom ar bạṛicʼ hoṛakʼ ektiạri do caba utạrme baṛe; ar uniyakʼ sanam behok reakʼ hisạb hataome.

2 Samuel 4:11

Enḍekhan mitʼṭen bindusạn hoṛ okoe do uniyakʼ oṛakʼre bolokate aṭetʼreye khũn akade, uni bạṛicʼ hoṛ cetʼ artetʼge bạń sạjạiyea. Ona iạte iń do apeakʼ ti khon uniyakʼ mãyãm reakʼ iń hala hạliya ar dhạrti khon apeń meṭao cabapea.”

Aposkạmi 2:23

Isor, okoe do laharege jotowakʼe baḍaekan, uni do laharegeye ṭhik dohoakatʼ tahẽkana je, apeakʼ tire Jisui soprotea. Ar ape hõ bạṛicʼ hoṛko hotete unipe kuruskedea arpe gocʼ ocokedea.

Jesaea 64:12

E Probhu Isor, niạko tayom hõ cetʼ am do duṛupʼ hape akanem tahena? Am do cetʼ hape akan tahente ãṭte sạjạiyem emalea?

Jesaea 33:1

E jarkharicʼ, hae am do! Am do bam jarkhar akanre hõm jarkhareda; am do bam pạtiạu ocoakanre hõ am dom bepạtiạu ocoakana. Jarkhar reakʼ kạmi sạtlen khange am dom jarkhar ocokʼa; bepạtiạrtetʼ sạtlen khange am dom bepạtiạr ocokʼa.

Jesaea 21:2

Mitʼṭecʼ botoranakʼ dorsongeń ńel ocoyena, luluṭicʼ doe luluṭkana, nonosṭoyicʼ doe nonosṭokana. E Elam, rakapʼ senokʼme, gherao esedme, E Madiạ. Iń do uniye hoyocoakatʼ sanam kurkurạuakʼkoń caba utạra.

Sereńko 83:1

E Isor, alom duṛupʼ hapekokʼa; E Isor, am do moca alom bondtama, roṛme baṛe.

Sereńko 73:3

Ńelkedạń, bedhoromko do ạḍi sukre menakʼkoa, ar onko bạḍại hoṛko ńelte ińakʼ mẽtʼ do jolokʼkan tiń tahẽkana;

Sereńko 50:21

Noako joto do amem onka akada, menkhan iń do moca bạń jhicʼ akatʼtińa; amem hudiseda am lekan mitʼ hoṛ kạnạń, menkhan iń do amakʼ doskoń udukʼama ar amakʼ sanamakʼ do am mẽtʼãhã samaṅreń uduga.

Sereńko 35:22

E Probhu Isor, am do noakom ńeleda, am do alom thir hapekokʼa; E Probhu Isor, am do iń sorrege tahenme.

Jobakʼ 15:15

Isor do acʼren goḍetko cetanre bae bhorsa daṛeakʼkan khan, ar uniyakʼ mẽtʼre serma hõ miridos baṅkan khan,

Ester 4:14

Menkhan niạ oktere hape akangem tahen enḍekhan eṭakʼ secʼte Jihudiko do rukhiyạko ńama arko bańcaokʼa, menkhan am dom gujukʼa ar am apumren bõs hõko marao utạrokʼa. Okoe baḍaea pasecʼ niạ okte lạgitʼge am do rạni hudạm ńam akatʼ!”

1 Rapajko 2:32

Ar uni tinạkʼ mãyãme joro ocoakatʼ ona reakʼ do Probhu Isorgeye hala ruạṛaea, ente ińren ạpuń begor baḍae ocoyete uni do bar hoṛe gocʼketʼkinạ. Unkin do lạṛhại phạdkoren senaputi Nerren hopon Abner ar Jihudạ lạṛhại phạdkoren senaputi Jether ren hopon Amasa.

Jobakʼ 21:7

Bedhoromko do cedakʼ jiwetʼko tahenkana ar cedakʼko haṛamokʼkana? Cedakʼ onko do ḍher dinko bahaokʼkana?

Sereńko 18:26

Ar khạṭiko tulucʼ do khạṭigem beohareda, ar phẽpṛakʼko do amakʼ bud reakʼ phundim udukʼako kana.

Sereńko 25:3

Okoe amre bhorsae dohoyetʼkan uni do bae lajao ocokʼa, menkhan okoe ạuṛiyakʼteko chol kopoṭetʼ onkoge lajaoreko paṛaokʼa.

Sereńko 35:17

E Probhu Isor, am do ar tinạkʼ din noakom ńela? Onkoakʼ santao khon rukhiyạyińme baṛe; noko dhạcri kulkoakʼ ti khon ińakʼ jiwi bańcaotińme.

Sereńko 35:25

Ar mon monte alom roṛ ocoakoa, “Bhagege! Okaṭakʼle khojkan tahẽkan onage hoyakana.” Onko do alom roṛ ocokoa, “Onko dole marao akatʼkoa mente.”

Jesaea 24:16

Dhạrti reakʼ ses simạ khon ale do niạ sereńle ańjom ńameda, “Dhoromicʼ Isorakʼge sarhao baṛe hoyokʼtae ma!” Menkhan ińiń meneda, “Hae! Iń do sorbonasreń paṛao akana, ente bepạtiạrko doko bepạtiạreda; hẽ onko do ạḍitetʼko bepạtiạr akada.”

Rak̕joṅ 3:36

ar dhoromte baṅ bicạrokʼkan Probhu Isor do cetʼ noako bae ńeleda?

Habakkuk 1:14

Cedakʼ am do hoṛko jalapuriren hako ar leńokʼkan jiwiyanko leka cakʼlaoicʼ bạnuitako hoṛ lekam doho akatʼkoa?

Sakariạ 8:17

ar okoe upạrte hõ bạṛicʼakʼ do alope phundiya ar eṛe goha hõ alope ema. Iń Probhu Isor do noakoń hirkhạwakʼ kana.

Dosar Biboron 23:15

“Jãhãeren guti do ape ṭhen hecʼkate asraye hatao enḍekhan uniren kisạ̃ṛakʼ tire alope jimạ ruạṛkaea.

Jobakʼ 24:23

Uni do bedhoromko khạtirjomae jirạu ocokoa, menkhan uniyakʼ mẽtʼ do onkoakʼ hore ńel horetʼtakoa.