Genesis 9:2 - সান্তালী বাইবেল

² Ar dhạrtiren sanam janwarko, coṭren cẽṛẽko, leńokʼ ṭunḍạṅko ar jalapuriren hakoko do apeko botorapea. Noko do apeakʼ tiregeko jimạ ocoyena.

Genesis 9:2 Referans Kwoze

Jakob 3:7

Manwa do joto lekan janwarko, cẽṛẽko, leńokʼ ṭunḍạńko ar dakʼren jiwiyankoe koboj daṛeakoa arko kobojetʼkogea,

Genesis 1:28

Isor do unkin bhoratʼkinteye metatʼkinạ, “Saṅgekʼ reakʼ daṛete perejokʼpe, ar apnarakʼ lekha ḍhertape ar dhạrti perejpe ar dhạrti do apeakʼ ḍanṭaore dohoype. Ona chaḍa ape do jalapuriren hakoko, coṭren cẽṛẽko ar otren sanam lekan jiwiyanko cetanre mạlik lekate ektiạripe calaoa.”

Hosea 2:18

Enhilokʼ uni lạgitʼ do janwarko, cẽṛẽko ar leńokʼ ṭunḍạṅokʼ jiwiyanko sãote bondobosiń bandhaoaea. Ar disạm khon akʼ-sar, tarwaṛe ar lạṛhạikoń sạṅgiń gidikakʼa jemon sanamko nirạiteko giticʼ jirạu daṛeakʼ.

Jeheskel 34:25

“ ‘Iń do onko lạgitʼ bhạlại reakʼ mitʼṭecʼ bondobosiń dohoya ar disạm khon botoran janwarkoń marao utạrkoa jemon ińren bhiḍiko do khạtirjomako tahente bir-gajaṛkore hõko jạpitʼ daṛeakʼ.

Levitikus 26:6

“Unre iń do disạmre sulukiń emokʼa. Ar suluktepe jạpitʼjoṅa; okoe hõ bako botor ocopea. Iń do disạm khon kaṭaha janwarkoń laga ńirkoa. Cele palṭonge apeakʼ disạmre do bako cahṭao daṛeakʼa.

Genesis 35:5

Ona tayom onko doko mohnḍayena. Onkoakʼ calakʼ horre Isor do aḍe pase nagraharen hoṛko talare nonkan mitʼṭecʼ botore rakapʼ ocokeda ar onate Jakobren hoṛ do celege bako khudạuletʼkoa.

Genesis 2:19

Ar Probhu Isor do hasa khon otren okoe jiwiyanko ar coṭren cẽṛẽkoe benaoletʼko onko sanamko uni manwa ṭhene ạguketʼkoa. Probhu do ńeńele khojkeda, onko do cetʼ menteye hohoakoa mente. Ar uni okoeṭakʼ oka lekae ńutumkede onkage onko jiwiyankoakʼ ńutum do hoyena.

Levitikus 26:22

Ape talare jojom kaṭaha janwarkoń kolkoa. Onko do aperen gidrạkoko jomkoa, ar aperen mĩhũ-meromkoko maraokoa ar aperen hoṛko komaokʼtapea. Onate apeakʼ horko do khạlige tahena.

Genesis 1:21

Nonkate Isor do jalapuriren maraṅ maraṅ jiwiyanko ar dakʼre jhake jhak aema lekan jiwiyankoe sirjạuketʼkoa. Ona chaḍa aema lekan cẽṛẽko hõe sirjạuketʼkoa. Ar apan ạpin jạtrenko lekate bạḍokʼ reakʼ daṛe hõe danatʼkoa. Isore ńelkeda ona do ạḍi mońjge hoyakana.

Genesis 9:1

Isor do Noha ar uniren hoponkoe bhoratʼkoteye menkeda, “Ape do saṅgekʼ reakʼ daṛete ḍher idikʼpe ar dhạrti perejpe.

Genesis 9:3

Jiwetʼ ar ạcur baṛae sanam jiwiyankoge aperen jomakʼko hoyokʼa. Ar jomakʼ lekate iń do laharege cetʼleka ape lạgitʼ aṛakʼ sakamkoń emlen onkage ńitokʼ hõ onakogeń ematʼpea;

Genesis 1:26

Ona tayom Isore menkeda, “Ńitokʼ do abo leka ar abo sãote jurikʼ leka manwa bon benaokoma. Onko do jalapuriren hakoko, coṭren cẽṛẽko, otren janwarko, leńokʼ ṭunḍạṅkan sanam lekan lạṭu ar kạṭicʼ ạsul ar bir janwarko ar dhạrti reakʼ sanamakʼko cetanre mạlik lekate ektiạriko calaoma.”

Jobakʼ 39:11

Uniyakʼ asambheṛ daṛe iạte uni cetanrem bhorsakʼa? Amakʼ hamal kạmi do cetʼ unim kạmi ocoaea?