Genesis 9:16 - সান্তালী বাইবেল

¹⁶ Rimilre tinre noa liṭạ akʼ ńelokʼa unre iń do ona ńelte dhạrtiren sanam jiwiyanko lạgitʼ ińakʼ noa bondobos reakʼ kathań disạya.”

Genesis 9:16 Referans Kwoze

Jirimiạ 32:40

Onko lạgitʼ iń do noa jaejug bondobosiń dohoya ar onko lạgitʼ bhạlại do tisge bạń bonda. Iń do onkoakʼ monre botoriń rakapʼ ocoytakoa jemon iń khon tishõ aloko ruạṛ calakʼ.

2 Samuel 23:5

Isor ṭhen ińakʼ bõs do cetʼ onka do baṅkana? Iń iạte uni do mitʼṭecʼ jaejugakʼ bondobose dohoakada. Ona bondobos reakʼ sanamakʼko ṭhik leka sajao are khạṭi dohoakada. Ińakʼ bańcao doe jo baha ocoya, ar ińakʼ monsubạ doe puruntińạ.

Genesis 17:19

Unre Isore menkeda, “Amren bạhu Sara do sạrige gidrại hoyokʼtaea, ar uniyakʼ ńutum do Isahakem dohoytaea (metakʼme ‘landa’). Uni ar uni bõsren hoṛko lạgitʼ iń do ińakʼ jaejug hạbicʼ bondobosiń dohoya. Tobe Ismael reaṅ okam menketʼ iń doń ańjomkeda.

Genesis 17:13

Iń do arhõń meneda, okoe guti amakʼ oṛakʼreye janamakana se okoe do ṭaka poesateye kiriń akan, onko hõ sanamgeko khatna ocokʼa. Ar noage hoyokʼa apeakʼ hoṛmore ińakʼ jaejug reakʼ bondobos do.

Ibriko 13:20

Oka mãyãmte sulukren Isorakʼ jaejug bondobos doho akan ona hotete Isor do aboren Probhu Jisu Mạsi, metakʼme bhiḍikoren maraṅ gupiyicʼ do gocʼko khone jiwetʼ beretʼkedea.

Genesis 17:7

Noa bondobos do eken am ar iń talare tahena ona do baṅ; ona do amren hoponko ar ińre piṛhike piṛhi hạbicʼ calakʼa. Noa do hoyokʼa jaejug reakʼ bondobosge. Niạ bondobos do amakʼ ar am tayom bõsren hoṛkoren hõ Isoriń hoyena.

Jesaea 55:3

Ińakʼ katha luturakʼpe, ar iń ṭhen hijukʼpe; jemon ińakʼ katha ańjomkate jiwetʼpe tahen. Iń do pạtiạrte perecʼ dulạṛ iạte Dạud ṭhen okań gokʼletʼ ona lekage ape lạgitʼ mitʼṭecʼ jaejugakʼ bondobos iń bandhaoa.

Genesis 9:17

Ona tayom Isor do Nohae metadea, “Dhạrtiren sanam jiwiyanko lạgitʼ okaṭakʼ iń bondobos akatʼ noage ona reakʼ cinhạ do hoyokʼa.”

Jeheskel 34:26

Iń do onkoń bhorakoa ar ińakʼ buru reakʼ beṛhaeteakʼ ṭhạ̃iko hõń bhorakʼa. Iń do okte nạpitre dakʼ iń kola; ar ona do ạsirbad reakʼ dakʼge hoyokʼa.

Jeheskel 37:26

Onko lạgitʼ mitʼṭecʼ bhạlạiyanakʼ bondobosiń dohoya; ar ona do jaejug lạgitʼ mitʼṭecʼ bondobosge hoyokʼa. Onko do daṛeankoń hoyocokoa ar onkoakʼ lekhań baḍhao ocoytakoa ar ińakʼ oṛakʼ do jaejug lạgitʼ onko talareń bạisạutińạ.