Genesis 7:2 - সান্তালী বাইবেল

² Am do sapha jiwiyan mimitʼ jạtrenko khon eae joṛkate eṅga ar ạnḍiạ, ar be sapha jiwiyanko khon do mitʼ joṛakate eṅga ar ạnḍiạm hataokoa.

Genesis 7:2 Referans Kwoze

Levitikus 10:10

Ar okaṭakʼ sonotakʼkan ar okaṭakʼ do begor sonotakʼkan ar okaṭakʼ do chutakʼkan ar okaṭakʼ do chutakʼ baṅkan ona bujhạukate calakʼ hoyokʼtapea.

Genesis 8:20

Ona tayom Noha do Probhu Isor ńutumte mitʼṭecʼ pinḍe benaokeda ar mimitʼ jạtren sapha janwarko ar cẽṛẽko khon hataokate pinḍ cetanreye dãṛẽketʼkoa.

Genesis 7:8

Isor do Noha oka lekae hukumade tahẽkana onkage sapha ar besapha jiwiyanko ar cẽṛẽko ar leńokʼ ṭunḍạṅko do eṅga ar ạnḍiạ joṛa joṛa Nohawakʼ jahajteko rakapʼena.

Jeheskel 44:23

Iń ńutumte okaṭakʼ begar dohoakan ar oka baṅ begar akan ona tala reakʼ ińren hoṛko cetʼakoa ar okaṭakʼ saphawakʼ ar okaṭakʼ baṅ saphawakʼ onako udukʼakoa.

Genesis 7:3

Coṭre uḍạukʼ sapha cẽṛẽko khon hõ eae joṛkate eṅga ar ạnḍiạm hataokoa. Dhạrtire onkoren bõsko jiwetʼ dohoko lạgitʼge am do onam onkaea.