Genesis 7:16 - সান্তালী বাইবেল

¹⁶ Isor do Noha okalekae hukumade tahekan onkage onko do eṅga ạnḍiạ jahajteko rakapʼena. Ar ona tayom Probhu Isor do jahaj reakʼ duạre sińkeda.

Genesis 7:16 Referans Kwoze

Luk 13:25

Unre oṛakʼren kisạ̃ṛ beretʼkate silpińe siń esetʼlere ape do bahrere teṅgokate silpiń ṭhopʼ ṭhopʼkatepe mena, ‘E Probhu, jhicʼ aleme.’ Menkhan uni doe roṛ ruạṛ apea, ‘bạń baḍaeyetʼpea okaren kan coṅpe.’

Mathae 25:10

Ado onko lilhi kuṛi sunum kirińko sen akan tahẽkanrege Jãwãe beṭa doe hecʼena. Ar unre sapṛao akan tahẽkan kuṛiko do Jãwãe beṭa sãote bapla oṛakʼteko boloyena. Ar sanamkoko boloyen khan silpiń do sińena.

1 Patras 1:5

Ar purạ puri bańcao ạuripe ńam hạbicʼ Isorakʼ daṛete biswạs hotete ape dope horho jaṅge ocoakana. Ar mucạtʼ oktere sodorokʼ lạgitʼ ona bańcaokʼ reakʼ do tear dohoakana.

Sereńko 46:2

Dhạrti dal dalaolenre hõ, buruko jalapurire dasao ńurlenre hõ, ona reakʼ dakʼko se rakapʼkate photolenre hõ ar ḍheoko reakʼ tạpiste buruko dal dalaolenre hõ, enhõ abo do oho bon botorlena.

Dosar Biboron 33:27

Okoe doe jug hilokʼren Isorkan unige amren asarae do; acʼakʼ jaejug reakʼ tite uni do ame sapʼ dohokama. Am samaṅren sanam bạiriko uni doe laga ńirkoa; are mena, ‘noko mohor meṭaokom.’

Kạhtukko 3:23

Unre am do amakʼ horkore khạtirjomam tahena, ar amakʼ jaṅga do bam tohodokʼtama.

Genesis 7:15

Sahẽtʼetʼkan jiwetʼ sanam jiwiyankoge joṛ joṛ Nohawakʼ jahajteko rakapʼena.

Genesis 7:17

Ar dakʼ do pon gel siń hạbicʼ dhạrtire ḍher idikʼtege tahẽyena. Dakʼ ḍher idiyen khan jahaj do ot khon cetante cape rakabokʼ ehopʼena.

Genesis 7:5

Probhu Isorakʼ hukum lekage Noha do jotowakʼe kạmikeda.

Jobakʼ 12:14

Uniye rạputʼ giḍilere celege bako benao ruạṛa; ar jãhãe hoṛe siń esetʼlere celege bako jhijea.