Genesis 7:14 - সান্তালী বাইবেল

¹⁴ Onko sãote mimitʼ jạtren mimitʼ joṛkate bir ar ạsul janwarko, leńokʼ ṭunḍạṅko ar joto lekan cẽṛẽko hõko boloyena.

Genesis 7:14 Referans Kwoze

Genesis 1:21

Nonkate Isor do jalapuriren maraṅ maraṅ jiwiyanko ar dakʼre jhake jhak aema lekan jiwiyankoe sirjạuketʼkoa. Ona chaḍa aema lekan cẽṛẽko hõe sirjạuketʼkoa. Ar apan ạpin jạtrenko lekate bạḍokʼ reakʼ daṛe hõe danatʼkoa. Isore ńelkeda ona do ạḍi mońjge hoyakana.

Genesis 1:24

Ona tayom Isore menkeda, “Ot khon nonkan jiwiyankoko janamokʼma ar jemon onko do apan ạpin jạtrenko leka saṅgekʼ reakʼ daṛe tahentakoma. Onko modre ạsul janwarko, bir janwarko ar sanam lekan leńokʼ ṭundạṅkan jiwiyanko hõko tahenma.” Ar onkage hoyena.

Genesis 6:19

Am sãote jiwetʼ tahen lạgitʼ sanam jạtren jiwiyanko khon am do mimitʼ joṛ eṅga ar ạnḍiạ ona jahajtem aderkoa.

Genesis 7:13

Oka hilokʼ dadakʼe ehopʼketʼ enhilokʼ Noha do, acʼren bạhu, acʼren hopon Shem, Ham ar Japhet ar onkoren bạhuko salakʼ jahajteye boloyena.

Genesis 7:15

Sahẽtʼetʼkan jiwetʼ sanam jiwiyankoge joṛ joṛ Nohawakʼ jahajteko rakapʼena.