Genesis 6:6 - সান্তালী বাইবেল

^6-7 Onate Probhu Isor do ontorreye dukena. Ar dhạrtiren manwae sirjạukedete bhabna iạteye menkeda, “Ińren benaoicʼ manwa do dhạrti khoniń marao utạrea; ar uni sãote sanam jiwiyanko, leńokʼ ṭunḍạṅko ar coṭren cẽṛẽko hõń maraokoa. Noakoń benao akatʼte iń do monre ạḍi dukiń ńameda.”

Genesis 6:6 Referans Kwoze

Jesaea 63:10

Enhõ onko doko hulkeda ar uniren sonot Jiuko duk ocokedea. Ona iạte uni do onkoren bạiriye hoyena ar acʼtetʼge onko upạrte lạṛhạiye ehopʼena.

1 Samuel 15:11

“Sạul do ińakʼ monduk reakʼe hoyakana, ente uni do iń ṭhen khone pharak akana ar ińakʼ hukume bebatao akada.” Niạ katha ańjomkate Sạmuel doe khĩsena ar goṭa ńindạ Probhu Isor ṭhene rakʼ aṅgakeda.

Ephesiko lạgitʼ Pạul Apostolakʼ ciṭhi 4:30

Isorren sonot Jiu do alope mon duk ocoyea, one uni hotete Isor do chaḍaokʼ reakʼ din hạbicʼ apeye mohor chap dohoakatʼpe.

Ibriko 3:10

Iń do onko cetanre ạṛislenteń menleda, ‘noko hoṛakʼ ontor do bạṛicʼ secʼ ạcur baṛaekana; onko do ińakʼ hor bako baḍaelakʼa.’

1 Samuel 15:29

Okoe doe Israelkoren ṭhonokicʼ kan uni do eṛe katha bae roṛa se mon hõ bae bodoltaea. Uni do manwa doe baṅ kana, onate mone bodoltaea mente.”

2 Samuel 24:16

Jerusalem marao lạgitʼ serma goḍet do tinre tiye tulketʼtaea unre Probhu Isor do ona bạṛicʼ sạjại khon mone ạcurketʼtaea. Ar okoe serma goḍet do hoṛkoe maraoetʼko tahẽkan uniye metadea, “Inạkʼkakʼme, ḍher hoyakana. Amakʼ ti do or ruạṛtam.” Un jokhecʼ Probhu Isorren goḍet do Jebusiạ Arownakʼ khạrại ṭhene teṅgo akan tahẽkana.

Numeri 23:19

Isor do manwae baṅkana onate uni do eṛe kathae roṛa; uni do manwa khon hõ bae janam akana, onate moneye bodoltaea. Uni okae men ona do hoyokʼgea, ar acʼakʼ gokʼakʼ do jaogeye purạueda.

Jona 3:10

Ar Isor do onkoakʼ kạmikoe ńelketʼtakoa, cetʼleka onko do akoakʼ bạṛicʼ hor khonko ạcurena, ar Isor do ona bạṛicʼ ńutumteye kastaoena one oka onko cetanre kạmi lạgitʼe roṛletʼ ona do ar bae onkaleda.

Joel 2:13

Apeakʼ kicricʼ do baṅ menkhan ontor oṛejtape. Aperen Probhu Isor ṭhen ruạṛ hijukʼpe, ente uni do daya ar mãyãteye perecʼgea; uni do bae edre hodokʼa, uniyakʼ daya do asambheṛgetaea ar bạṛicʼakʼko iạteye kastaokʼkana.

Exodus 32:14

Niạ katha ańjomkate Probhu Isor do daya hecʼadea. Uniren hoṛko cetanre oka muhin ạgui reakʼ kathae menletʼ ona do ar bae ạguleda.

Jeheskel 33:11

Am do onkom metakoa, iń Probhu Isorge, iń ńutumte kiriạkateń meneda, bạṛicʼ hoṛkoakʼ gujukʼte jãhãn rạskạ do bạń ńameda, bickom bạṛicʼ hor khon ruạṛkate jemonko bańcaokʼ onate iń doń rạskạkʼa. E Israel jạtrenko, dela ruạṛpe, apeakʼ bạṛicʼ hor khon ruạṛ hijukʼpe. Ente cedakʼpe gujukʼa?

Jirimiạ 26:19

Jihudạren raj Hiskiạ se Jihudạren eṭakʼ jãhãe do cetʼ Mikại gocʼledea? Hiskiạ do cetʼ Probhu Isor bae botorae kan tahẽkana ar uniyakʼ daya do cetʼ bae khojletʼa? Onate Probhu Isor do hoṛko cetanre oka muhin paṛao ocoy reakʼ kathae roṛletʼ ona do ar bae kolleda. Menkhan abo do apnarte mitʼṭecʼ maraṅ botor bon ạgujoṅkana. ”

1 Bõsbudạ 21:15

Jerusalem nagraha ḍahao marao lạgitʼ Isor do mitʼṭen goḍete kolkedea. Menkhan uni goḍet do tinre ona kạmi lạgitʼe calakʼkan tahẽkana unre Probhu Isor do ona bebạṛicʼ sạjại khon mone ạcurketʼtaea. Uni do ḍahao maraoicʼ goḍete metadea, “Tahẽ ocoakʼme, ḍherge hoyakana, ńitokʼ do ti or ruạṛ tam.” Probhu Isorren goḍet do unre Jebusiạ Arownakʼ khạrại ṭhene teṅgo akan tahẽkana.

Jesaea 48:18

Ape do eken ińakʼ hukumpe ańjomletiń khan apeakʼ suluk do gaḍa leka ar dhorom do jalapuriko leka hoyokʼtapea.

Sereńko 106:45

Onko lạgitʼ acʼe dohoakatʼ bondobos reakʼ kathae disạkeda; ar acʼakʼ asambheṛ dulạṛ lekate onkoreye mãyãyena.

1 Samuel 15:35

Sạmuel tinạkʼ din jiwetʼe tahẽkan unạkʼ din uni do Sạul sãote ar bae ńapamlena. Israelko cetanre Sạule rajkedete Probhu Isorakʼ duk reakʼe hoylente Sạmuel do uni lạgitʼe dukokʼ kan tahẽkana.

Dosar Biboron 32:36

Probhu Isor tinreye ńela, acʼren hoṛkoakʼ daṛe do caba akana, guti se sạdhin okoeyakʼ daṛege bạnukʼa, unre uni doe acʼren hoṛko sejokʼa, ar acʼren gutiko cetanreye mãyãkʼa.

Dosar Biboron 32:29

Ạklinanko tahẽlen khan honaṅ ona kathako bhujhạukea ses dosa cetʼ hoyokʼtakoa mente.

Dosar Biboron 5:29

Ińko botorạń ar ińakʼ sanam hukumko dohoy lạgitʼ jaejug onkoakʼ mon baṛe nonkage tahentakoma. Onate onko ar onkoren hoponko do jaejug hạbicʼ bhạlại hoyokʼtakoa.

Jakob 1:17

Jion reakʼ mimitʼ bhage ar niphuṭ dan do serma khon pheḍ hijukʼ kana, ona do Isor ṭhen khonge hijukʼ kana, ar uni do sanam marsalkoren Baba kanae. Uni do parom calakʼkan umul leka bae pheraokʼa.

Ibriko 3:17

Okoe upạrte Isor do pongel bochor hạbicʼe ạṛislena? Onko do cetʼ noko hoṛ doko baṅkana one okoe doko kại akatʼ tahẽkan, ar okoe do hahaṅkarre mạ̃ṛĩ tahẽkantako?

Malaki 3:6

“Iń kangeạń Probhu Isor do, ińakʼ jãhãn mon bodol do bạnukʼtińạ. Ona iạte E Jakob bõsrenko, ape do bape marao ocokʼa.

Hosea 11:8

“E Ephrayim, am do cekateń bạgimea? E Israel, cekate am do eṭakʼ hoṛakʼ tireń jimạmea? Cekate iń do Adma ar Seboyim lekań marao utạrmea? Am lạgitʼ ińakʼ ontor do ahkaokʼkantińa; ińakʼ daya do amre rakabokʼkana.

Sereńko 119:158

Bepạtiạrko ńelte iń doń hirkhạkʼ kana, ente onko do amakʼ katha leka bako calakʼ kana.

Sereńko 110:4

Probhu Isor doe kiriạ akana, “Am do jaejug hạbicʼ Melkisedek lekan naeke kanam.” Noa reaṅ uni do ar bae kastaokʼa.

Sereńko 95:10

Pongel bochor hạbicʼ ona piṛhirenkote iń do ạḍiń ạṛis cabalena; ińiń menleda, ‘noko hoṛakʼ ontor do eṭakʼ secʼ ghańjeṛ akantakoa; ińakʼ hor do bako baḍaelakʼa.’

Sereńko 81:13

Hae, ińren hoṛko do eken iń tabereko tahẽlen khan, ar Israel do ińakʼ hortegeye taṛamle khan,

Sereńko 78:40

Hahaṅkarre samani dhao uni upạrteko hulleda, ar ona hahaṅkarre samani dhao uniko duk ocokedea?

Romiko lạgitʼ Pạul Apostolakʼ ciṭhi 11:29

Isor okae dan ar okoeye hohowae ona babotre acʼakʼ mon do bae bodoltaea.

Jirimiạ 18:7

Jãhãtis jãhã jạtrenko se jãhã rajosṭirenko rehetʼ sudhạń totʼ giḍikako, ariń rạputʼ giḍikako se marao giḍikako reakʼ iń lại sodor lekhan ar onko jạtrenko ona sontor katha ańjomkate bạṛicʼ khonko ruạṛokʼ, enḍekhan oka muhin ạgui reakʼ iń goṭaletʼ ona do ar bạń paṛao ocoya.