Genesis 50:23 - সান্তালী বাইবেল

²³ Uni do Ephrayemren hoponko pe piṛhi hạbicʼe ńel oṭokatʼkoa. Ona chaḍa Makirren hoponko hõ janam tayom Josephakʼ hoborreko doho ocolena. Makir do Manaseren hopone tahẽkana.

Genesis 50:23 Referans Kwoze

Numeri 32:39

Manasi hopon Makirren bõsko do Gilead disạmte senkate laharege disạmko dokhol akatʼ tahẽkana ar onḍe okoe Amoriko tahẽkan onkoko laga ńirketʼkoa.

Jobakʼ 42:16

Inạ tayom Job do arhõ mitʼsae pongel bochor jiwetʼe tahẽkana. Uni do acʼren hopon ar hoponerako ar onkoren hoponko pon piṛhi hạbicʼko ńel tiyokʼledea.

Genesis 30:3

Rahele menkeda, “Ińren kạ̃ṛmĩ Bilhạ hataoem. Am do uni ṭhen bolokʼme jemon uni hotete hoborre gidrạń ńame, ar nonkate iń hõ mitʼṭecʼ gharońj iń benao rakaba.”

Sereńko 128:6

Am do amren goṛom gidrạko jemonem ńel tiyokʼko. Israelko cetanre suluk hijukʼma baṛe.

Josuạ 17:1

Manase do Josephren maraṅicʼ hopone tahẽkante gulibãṭ hotete uniren gusṭiko hõ mitʼṭecʼ jaegako emocolena. Manaseren maraṅicʼ hoponakʼ ńutum do tahẽkana Makir. Makir do Gileadren apate tahẽkana. Makir do mitʼṭen maraṅ birbanṭa hoṛe tahẽkante Gilead ar Bason reakʼ ạidạri do laharegeye ńamakatʼ tahẽkana.

Numeri 32:33

Unre Mose do Amorikoren Sihon rajakʼ rajosṭi ar Basonren Og rajakʼ rajosṭi do Gad ar Ruben gusṭiren hoṛko ar Manasi adha gusṭiren hoṛkoe hạṭińatʼkoa. Nui Manasi do Josephren hopone tahẽkana. Ato ar nagraha ar onako beṛhaeteakʼ jaega goṭage onko lạgitʼe dohokeda.

Genesis 48:19

Menkhan apattetʼ doe menkeda, “Iń doń baḍaegea. Uni hõ maraṅe hoyokʼa ar uni bõsren hoṛ do mitʼ jạtrenko hoyokʼa. Menkhan huḍińicʼ boeha do uni khon hõ maraṅe hoyokʼa ar uni bõsren hoṛko khon ạḍi utạr jạtrenko hoyokʼa.”

Genesis 49:12

Uniyakʼ mẽtʼkin do darkha rasa leka arakʼge hoyokʼa, ar ḍaṭa do toa khon hõ ponḍge hoyokʼtaea.

Genesis 50:22

Joseph ar acʼ apatakʼ gharońjren hoṛ do Misorrege girobas akanko tahẽyena. Joseph do mitʼsae gel bochor hạbicʼ jiwetʼe tahẽkana.

1 Bõsbudạ 7:14

Manasiren hoponko doko hoyokʼkana Osriyel ar Gileadren apat Makhir. Manasiren do Aramren chuṭki erawakʼ kukhireye janamlena.

Kạhtukko 17:6

Goṛom gidrạko do haṛam hoṛkoren mukuṭ leka, ar baba do acʼren hoponkoren ṭhonok kanako.