Genesis 50:15 - সান্তালী বাইবেল

¹⁵ Babae gocʼen khan Josephren boehako do ako akoreko mepenena, “Josephre oka bon cekaletʼ ar ona reakʼe hala ruạṛ abon khan unre cetʼ bon cekaea?”

Genesis 50:15 Referans Kwoze

Kạhtukko 28:1

Bedhoromko do begor khudạukotegeko dạṛ joṅa, menkhan dhorom hoṛ do dhạcri kul leka dil akaeko tahena.

Sereńko 53:5

Amre jhãp emokʼkankoakʼ jaṅ do uniye gejertakoa; onko do lahate botor baṅ tahẽkantakore hõ, enhõ ńitokʼ do ạḍi bạṛicʼko botorena; Isor do onkoe bad giḍikatʼkoa, onate onko do lajaorem paṛao ocoakatʼkoa.

Sereńko 14:5

Isor do acʼren dhorom hoṛko sãote menaea, onate onko hoṛ do ạḍi botor paṛao akoa.

Levitikus 26:36

Aperen okoe do bạirikoakʼ disạmre jiwetʼko tahen onkoakʼ ontorre nonkan botor iń caṛhao ocoya, onko do hoete sakam reakʼ saḍeko ańjomlere hõ botorteko ńir pharakokʼa. Lạṛhại botorte cetʼleka manwako ńir pharakokʼ onkage onko hõko ńirjoṅa. Ar bako lagalekore hõ onko doko ńir pharakokʼa arko tohotʼ bhindạṛokʼa.

Romiko lạgitʼ Pạul Apostolakʼ ciṭhi 2:15

Ente ạn lekate oka lekge ona do onkoakʼ ontorrege ol menakʼa. Ar onkoakʼ bibek hõ ona gohageye emetʼkana. Onkoakʼ hudisge oka oka jokhecʼ doe dusikoa, arhõ oka jokhecʼ doe onko sejokʼa.

Genesis 42:17

Noa menkate Joseph do pe din hạbicʼ jotoge hajotreye dohokatʼkoa.

Genesis 37:28

Ar Midiạnren bạnij-bepariko do tinreko hecʼ sorena unre Josephren boehako do kuń khonko or rakapʼkedea ar bargel rupạ ṭakate Ismaelren bepari ṭhenko ạkhrińkedea. Onko bạnij-bepariko do Misorte Joshepko idikedea.

Genesis 50:14

Apattetʼe topakede khan Joseph, uniren boehako ar tinạkʼ do uni topaye lạgitʼko senlen onko sanamkoge Misorteko ruạṛ calaoena.

Genesis 50:16

Onko do Joseph ṭhen katha roṛgotʼkateko menkeda, “Gujukʼ lahare babae menleda, amre okaṭakʼle behok akatʼ ona aleakʼ kại baṛe ikạitaleme. Onate aleakʼ nehõr do amren golamkoakʼ behokakʼ baṛe ikạitaleme.” Ar Joseph do onkoakʼ katha ańjomkateye rakʼkeda.

Genesis 37:18

Onko do sạṅgiń khon Josephko ńel ńamkedea ar ako ṭhen ạuriye seṭerokʼrege goje reakʼko solhawana.