Genesis 50:13 - সান্তালী বাইবেল

¹³ Onko do uniyakʼ mạ̃ṛĩ Kanan disạmteko idikeda ar Mamre ṭhenakʼ Makpela reakʼ dander ṭhen uniko topakadea. Topa ṭạnḍi benao iạte jumi sudhạ noa danderge Abraham do Hitti Ephron ṭhen khone kirińleda.

Genesis 50:13 Referans Kwoze

Aposkạmi 7:16

Ar onkoakʼ mạ̃ṛĩko do Sikemre idikateko topakada. Noa mạ̃ṛĩ poḍa Abraham do Sikem nagraharen Hamorren hoponko ṭhen khone kirińleda.

2 Rapajko 21:18

Tayomte Manase do acʼren hapṛamko ṭhene senena ar uni do raj oṛakʼ reakʼ bagwanre, metakʼme Usakʼ bagwanreko topakadea. Ar uniyakʼ jaegare uniren hopon Amon do raje hoyena.

Genesis 35:29

Ar purạ jion khemaokate uni doe haṛamena are gocʼente acʼren hapṛamko ṭhene calaoena. Uniren hopon Esau ar Jakob do unikin topakadea.

Genesis 35:27

Mucạtʼre Jakob do Kiriat-Arab, metakʼme Hebron ṭhenakʼ Mamre nagrahare acʼ apat Isạhak ṭhene hecʼena. Noa ṭoṭharege Abraham ar Isạhak dokin girobasokʼkan tahẽkana.

Genesis 25:9

Mamre nagraha reakʼ purub secʼ Sohar hopon Ephronakʼ jumire Makpela reakʼ danderre acʼren hopon Isahak ar Ismael do unikin topakadea.

Genesis 23:20

Nonkate Makpela reakʼ ona dander sudhạ jumi do topa thạ̃i lekate Hethrenko ṭhen khon Abrahamakʼ tire hecʼena.

Genesis 47:30

ente iń do ińren hapṛamko talare topa ocokʼiń khojkana. Am do ińakʼ mạ̃ṛĩ Misor disạm khon oḍokkate ińren hapṛamko okareko topa ocoakan onḍe idikatem topayińạ.” Josephe menkeda, “Iń do amakʼ katha lekageń kạmiya.”

Genesis 50:12

Israel do acʼren hoponko okaṭakʼe metatʼko tahẽkan onko do onageko kạmikeda.

Genesis 50:14

Apattetʼe topakede khan Joseph, uniren boehako ar tinạkʼ do uni topaye lạgitʼko senlen onko sanamkoge Misorteko ruạṛ calaoena.

Genesis 25:8

Mitʼṭecʼ mońj ar suk jion khemao tayom ḍher umer paromkate uni doe gocʼena ar acʼren hapṛamko ṭhene calaoena.

Genesis 46:4

Iń do am são sãote Misorteń calakʼa ar khạṭige arhõń ruạṛ ạgumea. Ar gujukʼre Joseph do acʼakʼ tite amakʼ mẽtʼkine hạrubtama.”