Genesis 50:11 - সান্তালী বাইবেল

¹¹ Atadkoakʼ khạrạire nonka rakʼ hokʼmorko ńelketʼ khan ona disạmren hoṛ do, metatʼme Kananren hoṛko menkeda, “Noa do Misorrenkoakʼ ãṭ homorkangea.” Onate jordan gaḍa eṭakʼ aṛe reakʼ noa jaega do Abel Misrayim ńutumko dohokeda (Metakʼme, “Misorrenkoakʼ rakʼ homor”).

Genesis 50:11 Referans Kwoze

Genesis 24:6

Abrahame menkeda, “Men sontorokʼme, ińren hopon do tishõ onḍe alom idiyea.

1 Samuel 6:18

Onko mõṛẽ goṭen rapajko tabere Philisṭikoakʼ do mõṛẽ goṭecʼ pạcri esetʼ nagraha ar onako são reakʼ begor pạcri atoko khon sonaren goḍoko kolletʼkoa. Philisṭikoakʼ ṭoṭha do tahẽkana Bet-semesre Josuạwakʼ khet tala reakʼ maraṅ dhiri hạbicʼ, one ona cetanre onko do Probhu Isorakʼ sindukko pheḍ doholetʼ tahẽkan. Ar ona do teheń hạbicʼ hõ onḍege menakʼa.

Dosar Biboron 11:30

Ape dope baḍaegea, jordan gaḍa pạchim senakʼ hor aṛe reakʼ Gilgal ar ona sor reakʼ Arabreko tahenkan Kananikoakʼ disạm talare More reakʼ Elon dareko ṭhen ona barea buru do menakʼ mente.

Dosar Biboron 3:27

Am do Pisga buru muthnite rakapʼkate utạr- dạkhin ar purub-pạchim secʼ beṅgedme. Jordan gaḍa bam parom daṛeakʼre hõ amakʼ mẽtʼte disạm do mitʼdhao ńelme.

Dosar Biboron 3:25

Jordan gaḍa paromkate ona napae utạr disạm, metakʼme ona buru disạm ar ona Lebanon disạm baṛe ńel ocoạńme.’

Genesis 50:10

Onko do jordan gaḍa aṛe reakʼ Atadkoakʼ khạrại hạbicʼko senena ar Joseph do apattetʼ lạgitʼ eae din hạbicʼe homor halaṅkeda. Ar uni sãote hoṛko hõko homor halaṅkeda.

Genesis 34:30

Jakob do noa tayom Simeon ar Liwiye metatʼkinạ, “Aben do noa disạmren hoṛko ṭhen, bạ̃ṛtikaete Kananrenko ar Pherisiko ṭhen sĩṛĩcʼge ben so ocokedeńte muhinre ben paṛao ocokedińa. Aboren hoṛ doko thoṛagea. Onko do jarwa mitʼkate abo cetanre jhãpko ema, ar onate iń do gharońj sudhạń meṭao utạrokʼa.”

Genesis 13:7

Onate Abram ar Lotren gutiko talare jaoge jhogṛa hoyokʼkan tahẽkana. Ona chaḍa onako oktere Kananrenko ar Pheresiko hõ ona disạmreko girobasokʼ kan tahẽkana.

Genesis 50:12

Israel do acʼren hoponko okaṭakʼe metatʼko tahẽkan onko do onageko kạmikeda.