Genesis 5:5 - সান্তালী বাইবেল

⁵ Adam do jotote are sae pegel bochor jiwetʼe tahẽkana ar ona tayom doe gocʼena.

Genesis 5:5 Referans Kwoze

Genesis 5:11

Enos do jotote aresae mõṛẽ bochor jiwetʼe tahẽkana ar ona tayom doe gocʼena.

Genesis 5:8

Seth do aresae gelbar bochor jiwetʼe tahẽkana ar ona tayom doe gocʼena.

2 Samuel 14:14

Otre dakʼ dul giḍile khan cetʼleka ona ar baṅ hạr ruạṛokʼ onkage abo hõ bon gujukʼa. Menkhan Isor do jiwi bae hataoa bickom nonkae bebostaea jemon ocokʼ giḍi akade hoṛ acʼ khon pharakre aloe tahen.

Genesis 3:19

Ar okaṭakʼ hasatem benao ocoakan ona hasate ạurim ruạṛ calakʼ hạbicʼ bohokʼ reakʼ balbal dakʼ do jaṅgare ńurokʼtama arem joma. Amakʼ noa dhuṛi reakʼ hoṛmo do dhuṛitege ruạṛ calakʼtama.”

Ibriko 9:27

Isor doe ṭhik dohoakada je, manwako mitʼ dhaoko gujukʼa, ar ona tayom do bicạr hoyokʼtakoa.

Jeheskel 18:4

Jiwetʼ sanam hoṛge ińren kanako, apat ar hopon banarge ińren kanakin. Jãhãegeye kại unigeye gujukʼa.

Sosolhayic̕ 12:7

Hasa do hasarege ruạṛ calakʼa. Isor okoe jiue emakade uni jiu do acʼ ṭhengeye ruạṛ calakʼa.

Sosolhayic̕ 12:5

Unre usul jaegate ar horte calakʼ doe botorokʼa. Ar badam dare do bahakʼa, sosrocʼ do hoḍgor hoḍgore taṛama hichạ baha do mosodokʼa. Ona tayom manwa do jaejug reakʼ oṛakʼteye calakʼa, ar hokʼmorko do kulhireko dãṛãbaṛaea.

Sosolhayic̕ 9:5

Jiwetʼ hoṛ doko baḍaegea, onko do gujukʼ hoyokʼtakoa mente, menkhan gocʼko do cetʼ hõ bako baḍaea. Onko lạgitʼ kuṛại do bạnukʼa, ente onkoakʼ katha do hiṛińena.

Sereńko 90:10

Aleakʼ bahaokʼ din do eken eae gel bochor, ar ḍher khan do irạlgel bochor hõ hoyokʼa; aleakʼ bahaokʼ din jãhãtinạkʼ dinge hoyokʼ onare do eken duk ar kosṭoge menakʼa; bochor do parom calao godokʼkana ar ale hõle maraokʼkana.

Sereńko 89:48

Okoe kanae uni daṛean hoṛ do, okoe do jiwetʼge menae ar bae gujukʼ? Nonkan okoe menakʼkoa, okoe do patal puri khon apnarteye rukhiyạ daṛekokʼ? (Sela)

Jobakʼ 30:23

Baḍaegeạń am do gujukʼ secʼem idiyedeń kana, sanam jiwetʼ hoṛko lạgitʼ dohoakatʼ ṭhạ̃item idiyedeń kana.

Sosolhayic̕ 9:8

Jao okte amakʼ kicricʼ do ponḍge tahenma ar bohokʼre sunum ojokʼ kate rạskạkʼme.

Genesis 5:4

Seth janam tayom Adam do irạl sae bochor jiwetʼe tahẽkana. Ar onako dinre uniren do ạḍi utạr hopon ar hoponerako hoyena.

Genesis 5:6

Seth do mitʼ sae mõṛẽ bochor umer tahẽkanre uniren hopon Enose janamena.

1 Bõsbudạ 1:1

Adamren hopon do Seth, Sethren hopon do Enos,