Genesis 5:22 - সান্তালী বাইবেল

²² Mathusalawakʼ janam tayom pesae bochor hạbicʼ Enok do Isor sãote jopoṛao tahẽkantaea. Onako dinre uniren do arhõ hopon ar hoponerako hoylentaea.

Genesis 5:22 Referans Kwoze

Genesis 17:1

Abramakʼ umer do tinre are gel are bochor tahẽkana unre Probhu Isor do uni ṭhen ńel ocoyenteye menkeda, “Iń kangeạń sanam daṛean Isor. Am do iń sãote helmel dohoyme ar ińakʼ sana leka calakʼme.

Luk 1:6

Isor samaṅre unkin bana hoṛge dhorom kin tahẽkana. Ar Probhu Isorakʼ sanam hukum ar niạmko ṭhik lekakin manaoetʼ tahẽkana.

Malaki 2:6

Onkoakʼ mocare sạriyakʼ reakʼ cecetʼakʼge tahẽkana ar onare jãhãn eṛeteakʼ do baṅ tahẽkana. Sạriyakʼ ar dhoromte onko do iń sãoteko dãṛãnkan tahẽkana ar ḍherkoge kại khonko ruạṛ ạguiyetʼko tahẽkana.

Genesis 6:9

Nohawakʼ jion reakʼ katha. Noha do mitʼṭen dhorom hoṛe tahẽkana. Ar acʼ okteren hoṛko modre uni eskarge dhorom hoṛ doe tahẽkana. Uni do Isor sãote jaoge helmel tahẽkantaea.

1 Johan 1:7

Menkhan Isor do cetʼleka marsalre menae ar onkage abo hõ marsalre bon taṛametʼ khan enḍekhan abo talare helmel menakʼtabona ar uniren Hopon Jisuakʼ mãyãm do sanam kại khone sapha bona.

Mikạ 6:8

E manwa, okaṭakʼ bhageakʼkan ona ma coṅ udukʼ akawatʼme. Hok reakʼem kạmi, dayam dulạṛ ar amren Isor tulucʼ nindhạntem taṛam chaḍa Probhu Isor do ar cetʼhõ coṅ am ṭhen khon ma bae khojkan.

Sereńko 116:9

Iń do jiwetʼko talare Probhu Isor samaṅreń dãṛãbaṛaea.

Levitikus 26:12

Ape sãotegeń dãṛãna ar aperen Isoriń hoyokʼa ar ape do ińren hoṛpe hoyokʼa.

Kolossiko lạgitʼ Pạul Apostolakʼ ciṭhi 1:10

Onate boge kạmikote bhage jope jokʼte Isor do arhõ jemon mońjtepe baḍae daṛeae; ar nonkate jotowakʼre Probhu Isorpe kusi ocoyete unire lek lekape colon.

1 Thessalonikikko 4:1

Ado E boehako arhoń mena, Isor kusi ocoye lạgitʼ cetʼleka colon lek kan ona sikhạuna do ale ṭhen khonpe ńamakatʼgea, ar sạrige ape do onkagepe colonetʼ kana. Enhõ Probhu Jisu secʼte solha arle nehõrape kana jemon arhõ bạ̃ṛti onka lekape colon.

Ephesiko lạgitʼ Pạul Apostolakʼ ciṭhi 5:15

Ape cetʼlekape calakʼkan ona reaṅ mońjte hudiskate ńelpe. Bebuj hoṛko leka baṅ calaokate akelanko leka baṛe calakʼpe.

Genesis 48:15

Ona tayom Uni do Joseph bhoradeteye menkeda, “Uni Isor, one ińren hapṛam Abraham ar Isahak do uniyakʼ sanaleka kin calakʼkan tahẽkan, unige ińakʼ jionre pạhil khon teheń hạbicʼ gupiyicʼ lekae ạyur ạguyedeń kana,

Genesis 24:40

“Uni doe metadińạ, ‘Probhu Isor, okoe doń botoraekan, unige acʼren goḍet am sãoteye kolea jemon amakʼ daṛanrem jo baha daṛeakʼ. Ar nonkate ińren babawakʼ oṛakʼte senkate ińren hoṛko modrenko khon mitʼṭen kuṛi do ińren hopon lạgitʼem bachaoea.

Kolossiko lạgitʼ Pạul Apostolakʼ ciṭhi 4:5

Okoe Isorren hoṛko baṅkan onko tulucʼ do akel salakʼ colonpe ar Mạsi reaṅ goha em reakʼ ạtko kạmire lagaope.

2 Korinthiko 6:16

Isorakʼ mundilre boṅga muṭhạnkoakʼ jaega do okare? Aboge coṅ jiwetʼ Isorakʼ tahen oṛakʼkan bon. Sonot sostore meneda, “Iń do ińren hoṛko talareń girobasokʼa, ar onko tulucʼ iń dãṛãna. Iń do onkoren Isorriń hoyokʼa, ar onko do ińren hoṛko hoyokʼa.”

Romiko lạgitʼ Pạul Apostolakʼ ciṭhi 8:1

Okoe Jisu Mạsireko kolom mitʼakan Isor do onko sạjạiyokʼ lek kanako mente bae hudiskoa.

Aposkạmi 9:31

Ona oktere Jihudạ, Gạlil ar Samariạ disạm reakʼ manḍerkore do suluk tahẽkana, ar ona manḍerko benao rakabokʼkan tahẽkana. Onate Probhu Isor botoraete ar sonot Jiu reakʼ uskurte onko doko saṅge idikʼkan tahẽkana.

Mikạ 4:5

Jạt jạtrenko do akoren debotakoakʼ daṛeteko kạmiyetʼre hõ abo do jaejug aboren Probhu Isorakʼ daṛete bon kạmi idiyma.

Amos 3:3

Laha khon jãhãe bạkin ṭhik dohole khan cetʼ mitʼ sãotekin calao daṛekokʼa?

Hosea 14:9

Ạkilan doe okoekana? Uni do noako reaṅe baḍaema. Probhu Isorakʼ hor do dhorom reakʼ hor kana; dhorom hoṛ do ona hortegeko taṛama, menkhan bedhoromicʼ doe tohotʼ gurokʼa.

Soros sereń 1:4

Iń do rajiń metadea, “Am sãote idiyińme; dela, alaṅ do laṅ ńir senokʼa.” Uni do acʼakʼ oṛakʼteye aderkedińa. Ale do am sãotele rạskạkʼa arle hulạsokʼa; darkha rasa khon hõ amakʼ dulạṛ do ḍherle sarhaotama. Onko amko dulạṛetʼme ona do jutakʼ kangea.

Sereńko 128:1

Bhạgangeako onko do, okoe do Probhu Isorko botorae kan ar uniyakʼ horteko calakʼkan.

Sereńko 86:11

E Probhu Isor, amakʼ hor reaṅ cetʼạńme baṛe, jemon amakʼ sạri horteń taṛam daṛeakʼ; ar am sewawam lạgitʼ ińakʼ bar monan ontor baṛe mitʼ kạtińme.

Sereńko 56:13

ente gujukʼ reakʼ ti khon am do ińakʼ jiwim rukhiyạ akatʼtińạ ar ńurokʼ khonem bańcao akadińạ, jemon jion reakʼ marsalre Isor samaṅreń dãṛãbaṛa daṛeakʼ.

Sereńko 26:11

Mekhan iń do sạbit colonreń taṛameda; onkoakʼ ti khon chaḍaoińme, ar dayawạńme baṛe.

Sereńko 16:8

Probhu Isor do jaoge iń samaṅreń ńelekana; uni do ińakʼ jojomsa aṛere menaete iń doń ṭarhao akana.

2 Rapajko 20:3

“E Probhu Isor, disạime baṛe, am samaṅre oka leka pạtiạrạnicʼ iń tahẽkana ar goṭa ontorte am botoram tulucʼ iń dãṛãnkan tahẽkana ar amakʼ mẽtʼre oka ṭhikakʼkan onageń kạmiyetʼ tahẽkana.” Ar niạ menkate Hiskiạ do hũk hũke rakʼkeda.

1 Rapajko 2:4

Enḍekhan Probhu Isor do iń ṭhen okae gokʼakatʼ ona sanamakʼe purạua. Ona gokʼakʼ do hoyokʼkana, ‘amren bõsko goṭa monte pạtiạr salakʼ iń samaṅre taṛam lạgitʼ sontorte akoakʼ jionko khemao enḍekhan Israelkoakʼ siṅghạsonre duṛubokʼ lạgitʼ amakʼ bõsre hoṛkoakʼ okulạn do baṅ hoyokʼa.’

Dosar Biboron 28:9

“Aperen Probhu Isorakʼ kathakope manao arpe ganao ar uniyakʼ hortepe taṛam enḍekhan uni do acʼakʼ gokʼakʼ lekate, acʼren begar akan jạtrenko lekateye teṅgo rakapʼpea.

Dosar Biboron 13:4

Ape do aperen Probhu Isorakʼ katha leka calakʼ hoyokʼtapea ar uni botorae hoyokʼtapea. Ape do uniyakʼ hukumkope manaoa arpe bataotaea; unipe sewawaea ar unirege jamaṛ akaepe tahena.

Dosar Biboron 5:33

Ape jemonpe bańcao tahen, apeakʼ jemon bhạlại hoyokʼ ar okaṭakʼ disạmpe ạidạrijoṅ onḍe ḍher din jemonpe tahẽdaṛeakʼ onate aperen Probhu Isor oka horte senokʼe hukum akatʼpe ona hortege taṛampe.

Exodus 16:4

Unre Probhu Isor do Moseye metadea, “Iń do serma khon jạṛi dakʼ leka jomakʼ iń ńur ocoya. Ar hoṛko do dinạm hilokʼ bahrete senkate enhilokʼ reakʼ jomakʼko halaṅ joṅa. Ar ińakʼ hukum lekako senokʼa se baṅ ona reaṅ iń biḍạukoa.

Genesis 5:24

Inạ tayom uni do okare hõ ar bae ńellena. Isor sãote uniyakʼ jopoṛao tahẽkante Isor do acʼ ṭhene idikedea.

1 Korinthiko 7:17

Onate Probhu Isor okoe okalekae dohoakade ar Isor okoe oka lạgitʼe hohoakawade, uni do onka lekageye calakʼma. Noa hukum do goṭa manḍerrenkogeń emakokana.

Genesis 5:21

Enokakʼ turuigel mõṛẽ bochor umer tahẽkanre uniren hopon Mathusala doe janamena.

Genesis 5:23

Enok do jotote pesae turuigel mõṛẽ bochor noa dhạrtire jiwetʼe tahẽkana.