Genesis 5:2 - সান্তালী বাইবেল

² Uni do herel ar maejiukategeye sirjạuketʼkinạ are bhoratʼkinạ. Ar unkin do manwae ńutumketʼkinạ.

Genesis 5:2 Referans Kwoze

Mark 10:6

Menkhan noa hõ ol menakʼa, sirjon reakʼ etohopʼre ‘Isor do herel ar maejiukategeye sirjạuketʼkinạ.

Mathae 19:4

Jisui roṛ ruạṛatʼkoa, “Bape paṛhao akada, Sisirjạuicʼ do pạhilre herel ar maejiukategeye sirjạuketʼkinạ are menkeda,

Genesis 2:23

Uni ńelte Adame menkeda, “Ńitokʼ do hoyakana. Nuiyakʼ jaṅ ar jel do ińakʼ jaṅ ar jel khonge benao akana. Ar herel hoṛakʼ hoṛmo khone benao akante nui do maejiue ńutum ocoyena.

Genesis 1:27

Tayomte Isor do acʼleka mitʼṭen manwae benaokedea. Hẽ acʼakʼ muṭhạn lekageye benaokedea, uni do herel ar maejiukategeye sirjạuketʼkinạ.

Aposkạmi 17:26

Uni do mitʼṭen manwa khon sanam jạtren hoṛkoe sirjạu akatʼkoa jemon goṭa dhạrtireko girobasokʼ. Onko do tinre okakoreko girobasokʼa ona hõ acʼakʼ sana lekae goṭa dohoakada.

Malaki 2:15

Probhu Isor do jãwãe ar maejiu cetʼ bae mitʼ akatʼkinạ? Hoṛmo ar jiu do uniren kangea kin. Unkin do cekate kin mitʼgea? Ente uni do unkin hotete Isore botorae kan mitʼ bõsrenko rukhiyạkoe menleda. Ar onate ape do apeakʼ ontor babotre sontor akae tahenpe; jemon juạn okteren bạhuko sãote phạsiạrako alope hoyokʼ.

Genesis 2:15

Probhu Isor do uni manwae idikedete Eden bagwanreye dohokadea jemon uni do onḍe cas-baskate onae ńel todarot daṛeakʼ.

Genesis 1:28

Isor do unkin bhoratʼkinteye metatʼkinạ, “Saṅgekʼ reakʼ daṛete perejokʼpe, ar apnarakʼ lekha ḍhertape ar dhạrti perejpe ar dhạrti do apeakʼ ḍanṭaore dohoype. Ona chaḍa ape do jalapuriren hakoko, coṭren cẽṛẽko ar otren sanam lekan jiwiyanko cetanre mạlik lekate ektiạripe calaoa.”

Genesis 5:3

Adamakʼ mitʼsae pegel bochor umer tahẽkanre uniren do mitʼṭen koṛa hopone hoyena. Uni hopon do acʼlekageye hoyena. Adam do uniyakʼ ńutum Sethe dohoketʼtaea.