Genesis 49:29 - সান্তালী বাইবেল

²⁹ Tayomte Jakob do acʼren hoponko noae metatʼkoa, “Hapṛamko ṭhen calakʼ reakʼ okte hoyakantińạ. Hitti Ephron reakʼ jumire okaṭakʼ dander menakʼ ona danderre ińren hapṛamko ṭhen ińhõ topayińpe.

Genesis 49:29 Referans Kwoze

Genesis 50:13

Onko do uniyakʼ mạ̃ṛĩ Kanan disạmteko idikeda ar Mamre ṭhenakʼ Makpela reakʼ dander ṭhen uniko topakadea. Topa ṭạnḍi benao iạte jumi sudhạ noa danderge Abraham do Hitti Ephron ṭhen khone kirińleda.

Genesis 47:30

ente iń do ińren hapṛamko talare topa ocokʼiń khojkana. Am do ińakʼ mạ̃ṛĩ Misor disạm khon oḍokkate ińren hapṛamko okareko topa ocoakan onḍe idikatem topayińạ.” Josephe menkeda, “Iń do amakʼ katha lekageń kạmiya.”

Genesis 15:15

Ar am do ona laharege ḍher umerre suluktem topa ocokʼa ar amren hapṛamko ṭhenem calakʼa.

Ibriko 12:23

pạhil janam hopon reakʼ ạidạriko ńamakatʼ hoṛ lekate okoekoakʼ ńutum sermare ol akan, onko hotete benaoakʼ manḍer ṭhenpe hecʼakana; okoe doe sanamkoren bicạricʼkan uni Isor ṭhenpe hecʼakana; ar okoekoko sạbit ocoakan onko sanam dhorom hoṛkoakʼ jiu ṭhenpe hecʼakana;

2 Samuel 19:37

ar ona tayom do ruạṛ ocoạńme jemon ińakʼ oṛakʼre ińren go-babakinakʼ topa ṭheniń gujukʼ. Nũkʼũe ńeleme amren guti Kimham; unige am sãote jordan gaḍae parom ocoge. Ar unire oka bhagem hudis onage onkawaeme.”

Genesis 35:29

Ar purạ jion khemaokate uni doe haṛamena are gocʼente acʼren hapṛamko ṭhene calaoena. Uniren hopon Esau ar Jakob do unikin topakadea.

Genesis 23:16

Ephronakʼ katha ańjomkate Abraham do bạnij beparkoakʼ soṅ lekate pon keji irạl sae gram rupạ uniye soṅadea. Ephron do Hethrenko samaṅre noa pon keji irạl sae gram rupạ reakʼ kathae menleda.

Genesis 23:17

Mamre nagraha ṭhen Makpelare Ephronakʼ oka jumi tahẽkan ona jumi ar ona reakʼ dander ar jumi beṛhaeteakʼ dareko do Abraham ṭhen sompotti lekateye ạkhrińkeda. Ar okoe Hethrenko nagraha reakʼ phaṭok duạr ṭhenko tahẽkan onko samaṅrege uni do onae kirińkeda.

Genesis 49:28

Noko joto do Israelren gelbar gusṭiren kanako. Onkoren apattetʼ do onkoe bhorako jokhecʼ noako kathae menleda. Uni do sanamkoge apan ạpin lek leka bhore ematʼko tahẽkana.

Genesis 49:33

Jakob do acʼren hoponko galmaraoakoe sạtketʼ khan aṭetʼre acʼakʼ banar jaṅgae rakapʼketʼtaea are giticʼena. Ar ona tayom do jiwi oḍokentaete acʼren hapṛamko ṭhene calaoena.

Genesis 23:20

Nonkate Makpela reakʼ ona dander sudhạ jumi do topa thạ̃i lekate Hethrenko ṭhen khon Abrahamakʼ tire hecʼena.

Genesis 35:27

Mucạtʼre Jakob do Kiriat-Arab, metakʼme Hebron ṭhenakʼ Mamre nagrahare acʼ apat Isạhak ṭhene hecʼena. Noa ṭoṭharege Abraham ar Isạhak dokin girobasokʼkan tahẽkana.

Genesis 50:12

Israel do acʼren hoponko okaṭakʼe metatʼko tahẽkan onko do onageko kạmikeda.