Genesis 49:28 - সান্তালী বাইবেল

²⁸ Noko joto do Israelren gelbar gusṭiren kanako. Onkoren apattetʼ do onkoe bhorako jokhecʼ noako kathae menleda. Uni do sanamkoge apan ạpin lek leka bhore ematʼko tahẽkana.

Genesis 49:28 Referans Kwoze

Johan sodor 7:4

Ona tayom onko mohor chap akan hoṛkoakʼ lekhań ańjomkeda. Israelren sanam bõsko mod khon jotote mitʼ sae pongel pon hajar hoṛko mohor chap ocoakana:

Aposkạmi 26:7

Aleren gelbar khũṭren hoṛko do siń-ńindạ mon ar ontorte Isor sewawaete ona gokʼakʼ reakʼ purạukʼtetʼ ńel reakʼ asre menakʼkoa. E maharaj, ona as iạtege Jihudiko do ińko dusiyediń kana.

Ester 8:11

Ahasberos raj do ona ciṭhire Adar cando reakʼ, metakʼme gelbar cando reakʼ gelpeyakʼ dinre uniyakʼ rajosṭi reakʼ mimitʼ nagraharen Jihudiko jemon mitʼ ṭhenko jarwakʼte akoakʼ jiwi rukhiyạitako reakʼ ạidạriye ematʼkoa. Jãhãn jạt se tabe disạmren hoṛko jodi Jihudiko ar onkoren maejiuko ar hoponko ar hoponerako cetanre akromonko calao enḍekhan Jihudiko hõ akoren bạirikoko marao utạrko ar onko bạirikoakʼ sompotti luṭ reakʼ ạidạriko ńamkeda.

Ester 8:9

Onako din reakʼ tesar cando, metakʼme Siwan cando reakʼ bargel tesar hilokʼre rajren olokʼkoko hoho ocoyena. Ar Mordekaiyakʼ hukum lekate Bharot khon Kus hạbicʼ mitʼsae bargel eae tabe disạmren Jihudiko, tabe disạm cakʼlaoko, cetan hudạren kạmiyạko ṭhen ciṭhi ol hoyena. Ar niạ ciṭhiko do mimitʼ tabe disạm reakʼ harop ar mimitʼ tabe disạm reakʼ pạrsi lekate ar Jihudikoakʼ harop ar pạrsi lekate olena.

Ester 8:7

Onate Ahasberos raj do Ester rạni ar Jihudi Mordekai tạkine metatʼkinạ, “Haman do Jihudiko upạrteye kạmiletʼte uniyakʼ sompotti do Ester iń emadea ar hoṛko do uniko pạsikedea.

1 Rapajko 18:31

Uni do Jakobren hoponkoakʼ mimitʼ gusṭi lạgitʼ mimitʼ goṭecʼkate gel bar goṭecʼ dhiriye hataoana. Nui Jakobge Probhu Isore metade tahẽkana, “Amakʼ ńutum do hoyokʼa Israel.”

Numeri 23:24

Noko hoṛko do kul eṅga lekako teṅgo rakapʼa, ar dhạcri kul lekage onko doko beretʼa. Sendra gocʼko reakʼ mãyãm ar jel ạuriko jom hạbicʼ onko do bako jirạukʼa.”

Genesis 35:22

Israel do tinre ona ṭoṭhareye girobasokʼkan tahẽkana unre Ruben do acʼ apatren bạhu Bilha sãoteye laṭghaṭkeda. Ar ona do Israel hõe ańjomkeda. Jakobren do gelbar goṭen hoponko tahẽkantaea.

Jakob 1:1

Isor ar Probhu Jisu Mạsiren golam iń Jakob do dhạrti reakʼ sanam jaegareko chirchạtur akan Jihudikoren gelbar bõsrenko johariń emakokana.

Exodus 28:21

Israelren gelbar goṭen hoponko lạgitʼ jotote gelbar goṭecʼ mạnik dhiriko tahena. Ar ona reakʼ mimitʼ goṭecʼre gelbar khũṭren mitʼṭecʼkate ńutum do rokʼ caṛhao hoyokʼa, mohor chapakʼ lekage.

Genesis 49:27

“Benjạmin do mitʼṭen cikʼrạkan hunḍạr kanae; uni do setakʼre sendra jele joma ar ạyupʼ do luṭakʼ jiniskoe hạṭińa.”

Genesis 49:29

Tayomte Jakob do acʼren hoponko noae metatʼkoa, “Hapṛamko ṭhen calakʼ reakʼ okte hoyakantińạ. Hitti Ephron reakʼ jumire okaṭakʼ dander menakʼ ona danderre ińren hapṛamko ṭhen ińhõ topayińpe.

Dosar Biboron 33:1

Isorren hoṛ Mose do acʼakʼ gujukʼ lahare Israelko noa menkateye bhoratʼkoa,