Genesis 49:24 - সান্তালী বাইবেল

²⁴ Menkhan uniyakʼ akʼ do keṭecʼge tahẽkana ar uniyakʼ tikin reakʼ sopo hõ jojosakʼge, ente Jakobren Isorakʼ daṛeanakʼ ti do unire menakʼa. Ar uni tayomre do uni gukʼpiyicʼ menaea, Israel reakʼ ona dhirige.

Genesis 49:24 Referans Kwoze

Sereńko 132:2

Uni do Probhu Isor ṭhene kiriạlena, Jakobren uni daṛeanicʼ Isor ṭhen noae gokʼletʼ tahẽkana,

Jesaea 28:16

Onatege Probhu Isor do niạ kathae meneda, “Ńelpe, biḍạu aṭkarkate mitʼṭecʼ dhiriyiń bachao akawana; ona do Sion reakʼ konac dhiri lekateń bạisạu akada. Okoe onareye pạtiạukʼ uni do ṭarhao akane tahena.

Sereńko 132:5

ar tin hạbicʼ Probhu Isor lạgitʼ mitʼṭecʼ ṭhạ̃i bạń sendra ńam, Jakobren uni daṛeanicʼ Isor lạgitʼ mitʼṭecʼ tahen ṭhạ̃i bạń sendra ńam.”

Sereńko 80:1

E Israelren gupiyicʼ, am do aleakʼ katha luturakʼme; am do Joseph bõsrenko bhiḍi pal lekam ạyuretʼkoa. Am, one Kerub cetanrem duṛupʼ akan, ar amakʼ marsal baṛe bamber ocoyme.

Sereńko 18:30

Isorakʼ horre jãhãn bin sạbitanakʼ do bạnukʼanaṅ, Probhu Isorakʼ katha do khạṭi mente sạbud akana. Uni do acʼre hirlạjoṅ kan sanam hoṛren ḍhal kanae.

Jobakʼ 29:20

Hudisetʼ tahẽkạnạń hoṛko ṭhen ińakʼ man do nãwãge tahena, ińakʼ akʼ hõ ińakʼ tire nãwãge hoyokʼ tińạ.

2Timothi 4:17

Menkhan Probhu Isor do iń sãoteye tahẽkana ar daṛeye dan ạdiń tahẽkana. Onate iń do purạte bhage sombatiń porcar daṛeakʼ tahẽkana ar sanam boṅgan hoṛ jạtrenkoko ańjomleda. Isor do dhạcri kulakʼ moca khone rukhiyạledińạ.

Ephesiko lạgitʼ Pạul Apostolakʼ ciṭhi 2:20

Apostol ar nạbiko do rehetʼ kanako, ar ona rehetʼren konac dhiri do Jisu acʼtetʼ kangeae. Ar ona rehetʼ cetanrege ape dope gathao ocoakana.

Jesaea 1:24

Ona iạte phạdkoren Probhu, Israelkoren daṛeanicʼ Isore meneda, “Aha, iń secʼren okoeko baṅkan onko khon iń do rukhiyạń ńama ar ińren bạiriko cetanreń hala hạliya.

Sereńko 118:22

Rajmistriko okaṭakʼ dhiriko nihạ̃t giḍiletʼ onage konac reakʼ asolakʼ dhiri do hoyena;

Dosar Biboron 32:4

“Uni kangeae asray buru do, uniyakʼ kạmi do sạbitgetaea; uniyakʼ sanam horko do hok reakʼ kana. Uni do ṭekʼhãḍicʼ Isor kanae, unire jãhãn behokakʼ do bạnukʼanaṅ; uni do sạri are dhoromgea.

Genesis 45:5

Ińpe ạkhrińledeńte alope dukokʼa ar apnar cetanre alope raṅgaokʼa. Manwa jiwi rukhiyạitako lạgitʼge Isor do ape lahate nonḍeye kol akadińạ.

Kolossiko lạgitʼ Pạul Apostolakʼ ciṭhi 1:11

Noa do hoydaṛeakʼgea, ente Isor do acʼakʼ maraṅ daṛete apeye daṛe ocoakatʼpea jemon jao ghuṛi rạskạ salakʼ jotowakʼ sahao ar sombhurikate Isor Babape gun manao joharae. Marsal reakʼ rajosṭire Isorren hoṛko oka ạidạriko hameṭ joṅ ona reakʼ bhạgiyạdar hoyokʼ lạgitʼ uni do lekmankoe hoyoco akatʼpea.

Romiko lạgitʼ Pạul Apostolakʼ ciṭhi 14:4

Am dom celekante, eṭakʼ hoṛren gutim bicạrede kana? Uni doe teṅgo ṭahraokʼa, seye ńurocokʼa, ona do uniren kisạ̃ṛgeye bujhạua. Menkhan uni doe teṅgo ṭahraokʼa, Probhu Isorge uni doe teṅgo ṭahrao ocoyea.

Aposkạmi 4:11

Sonot sostor reakʼ katha leka Jisu Mạsi kangeae ‘ona dhiri do, one okaṭakʼ raj mistiriko, metakʼme apepe nihạ̃t giḍiletʼ; ar onage konac reakʼ asolakʼ dhiri do hoyena.’

Luk 20:17

Unre Jisu do onko secʼ beṅgetʼkateye menkeda, “Enḍekhan sonot sostorre noa katha ol akan reakʼ mane do cetʼkana, ‘raj mistiriko okaṭakʼ dhiriko nihạ̃t giḍiletʼ, onage konac reakʼ asolakʼ dhiri hoyena.’

Mark 12:10

Ape do cetʼ sonot sostorre bape paṛhao akada? ‘Raj mistiriko okaṭakʼ dhiriko nihạ̃t giḍiletʼ onage konac reakʼ asol dhiri hoyena;

Mathae 21:42

Jisui metatʼkoa, “Sonot sostorre tis hõ bape paṛhaoakada, ‘raj mistiriko okaṭakʼ dhiriko nihạ̃t giḍiletʼ, onage konac reakʼ asolakʼ dhiri hoyena; noa do Probhu Isor khonge hoyena, ar aboakʼ mẽtʼ samaṅre do hahaṛawakʼge?’

Sakariạ 10:12

Ińakʼ daṛete onko do daṛeankoń hoyocokoa ar ińakʼ sana lekageko calakʼa. Iń Probhu Isorge noa katha doń meneda.”

Sakariạ 3:9

E Josuạ, iń do am samaṅre mitʼṭecʼ dhiriń dohoakada. Ona dhiri cetanre do eae goṭecʼ mẽtʼ menakʼa, ar ona cetanre mitʼṭecʼ kathageń rokʼ dohokakʼa ar mitʼ dinrege noa disạm reakʼ kại doń sạṅgiń giḍikakʼa.

Jesaea 60:16

Gogo cetʼleka acʼren hopone nunuae onkage boṅgan hoṛ jạtrenko ar rapajko do akoakʼ bhage bhage jinisko emama. Ar unrem baḍae daṛeakʼa, iń Probhuge amren babańcaoicʼ, amren chakʼḍaoicʼ, ar ińge Jakobren uni daṛeanicʼ do.

Jesaea 41:10

Onate alom botorạńạ, ente iń do am sãotegeń tahẽnkana; ar alom andesalekʼa, ente iń doń amren Isor kana. Iń doń daṛe ocomea ar khạṭigeń goṛowama ar ińakʼ jit reakʼ jojom titeń sapʼ ṭarhaomea.

Jesaea 29:24

Ar okoe ṭhik leka bako bujhạu daṛeakʼkan tahẽkan onko do mońjteko bujhạua, ar okoeko karacʼ kurujokʼkan tahẽkan onko do ạkilko cetʼjoṅa.

Sereńko 89:1

Iń do jaejugge Probhu Isorakʼ asambheṛ dulạṛ reakʼ iń sereńa; ar bõske bõs sanamko samaṅre amakʼ pạtiạrtetʼ reakʼ kathań lại jạhira.

Sereńko 44:7

Menkhan amge bạiriko cetanre alem jitạu ocoakatʼlea, ar ale upạrtenko do lajaorem paṛao ocoakatʼkoa.

Sereńko 28:8

Probhu Isorge, acʼren hoṛkoakʼ daṛe; unige acʼren ojokʼ akatʼkoren rukhiyạyicʼ gaṛ do.

Sereńko 27:14

Ape do Probhu Isor cetanre as dohojoṅpe; monre daṛe ar dil baṛe dohoytape ar Probhu Isorre as akae tahenpe.

Sereńko 23:1

Probhu Isor kangeae ińren gukʼpiyicʼ, iń do ohogeń ṭonṭalena.

Sereńko 18:1

E Probhu Isor, am kangeam ińakʼ daṛe, ar iń do amgeń dulạṛetʼmea.

Nehemiạ 6:9

Onko do aleakʼ kạmi bond lạgitʼte niạ katha iạte botor udukʼ aleko kurumuṭuiyetʼ tahẽkana. E Isor, ńitokʼ do ińakʼ tire daṛe emokʼme.

Dosar Biboron 34:9

Nunren hopon Josua cetanre Mose do tiye capoade tahẽkante uni do ạkilte ar Jiuteye perecʼena. Onate Israelko do uniyakʼ katha leka calakʼko ehopʼena ar Probhu Isor Mose hotete okae hukumletʼ ona dokʼhoko ehopʼena.

Exodus 3:6

Iń do am babaren Isor kạnạń; ar iń kangeạń Abraham, Isahak ar Jakobren Isor do.” Unre Mose do acʼakʼ mẽtʼãhãe betʼketʼtaea, ente Isor secʼ beṅgetʼ doe botorena.

Genesis 50:21

Onate ape do alope botorokʼa. Iń do ape ar aperen hopon ar hoponerako lạgitʼ jomakʼ iń jogaoapea.” Noako as reakʼ kathate uni do jiwi raṛecʼe ematʼkoa.

Genesis 47:12

Joseph do acʼren apat, boehako ar onkoakʼ gharońjrenko jomakʼ jogao akoe ehopʼena. Uni do onkoren hopon ar hoponerakoakʼ hisạb lekateye emakokan tahẽkana.

Genesis 45:11

Am ar gharońjrenkoakʼ jemon jãhãn haron alo hoyokʼ onate iń do nonḍege amakʼ jom ńũ reakʼ iń bebostaea, ente akal do ńithõ mõṛẽ bochor hạbicʼ calakʼa.’

Genesis 45:7

Dhạrtire aperen bõsko jiwetʼ dohoko lạgitʼ ar ḍahao maraokʼ reakʼ ti khon bańcaokate apeakʼ jiwi rukhiyại lạgitʼge Isor do ape lahate ińe kol akadińạ.

Genesis 48:15

Ona tayom Uni do Joseph bhoradeteye menkeda, “Uni Isor, one ińren hapṛam Abraham ar Isahak do uniyakʼ sanaleka kin calakʼkan tahẽkan, unige ińakʼ jionre pạhil khon teheń hạbicʼ gupiyicʼ lekae ạyur ạguyedeń kana,

Genesis 49:23

Dhinkiạko do sarte uniko tuńe kana, ar muhinreko paṛao edekana.

Dosar Biboron 33:27

Okoe doe jug hilokʼren Isorkan unige amren asarae do; acʼakʼ jaejug reakʼ tite uni do ame sapʼ dohokama. Am samaṅren sanam bạiriko uni doe laga ńirkoa; are mena, ‘noko mohor meṭaokom.’

2 Samuel 5:2

Sạul do aleren raje tahẽkanre Israelkoren lạṛhại phạdko do amgem ạyuretʼko tahẽkana; ar Probhu Isor do amgeye metatʼme tahẽkana acʼren hoṛko, metatʼme Israelko ńel todarotkom ar onkoren mukhiyạ hoyokʼme.”

Sereńko 73:23

Enhõ iń do jao ghuṛi am sãorege minạńa; amge ińakʼ jojom tiyem sapʼ akatʼtińạ.

Sereńko 132:1

E Probhu Isor, am do Dạudakʼ sanam kosṭo reakʼ katha disạime.

Jesaea 49:26

Okoe amko santaome onkoakʼ jel do onkogeń jom ocokoa; onko do bubulakʼ leka akoakʼ mãyãmko ńũiya arko bulokʼa. Unre sanam manwako baḍaea, iń Probhu Isorge amren babańcaoicʼ ar chakʼḍaoicʼ, ar Jakobren uni daṛeanicʼ do.”

Josuạ 17:18

Bir-gajaṛte perecʼ buru ṭoṭhako hõpe ńama. Ona makʼ saphae hoyokʼtapea. Gajaṛ ar ona sãoteakʼ sanam jumiko do apeakʼ ạidạrire tahena. Kananikoakʼ mẽṛhẽtʼ reakʼ rãt gạḍi tahẽlenre hõ arko daṛegere hõ ape do onkope laga ńir daṛeakoa.

Bikʼcạrko 1:22

Josephren hoponko do Bethel nagraha hat lạgitʼko calaoena. Ar Probhu Isor do onko sãoteye tahẽkana.