Genesis 49:21 - সান্তালী বাইবেল

²¹ Naphtali do chuṭạ jel eṅga kanae; uni do mońj mońj kathakoe phuṭạueda.

Genesis 49:21 Referans Kwoze

Dosar Biboron 33:23

Napthali reaṅ uni doe menkeda, “Napthali do Probhu Isorakʼ mãyãteye perecʼgea; uniyakʼ bhorte uni doe perecʼakana. Gạlil doreão ar ona reakʼ dạkhin disạm am do ạidạri joṅme.”

Genesis 30:8

Unre Rahele menkeda, “Isor do maraṅ lạṛhạire ińren boeha khone jitạu akadińa.” Onate uni gidrạwakʼ ńutum do Napthaliye dohoketʼtaea (metakʼme “Lạṛhại”).

Bikʼcạrko 5:18

Lạṛhạire Sebulonren hoṛko do gujukʼ hạbicʼ jiwiko alaekeda; Napthaliren hoṛko hõ ṭạnḍi reakʼ usul jaegakore.

Bikʼcạrko 4:10

Ar Barak do Sebulon ar Napthali gusṭiren hoṛkoe hohowatʼkoa. Onate gel hajar hoṛ do uni sãoteko senena ar Debora hõ onko tulucʼe calaoena.

Bikʼcạrko 4:6

Uni do Napthali disạm reakʼ Kedes nagraha khon Abinoam hopon Barake hoho ạgu ocokedeteye metadea, “Israelkoren Probhu Isor do niạ hukume emamkana, ‘Napthali ar Sebulon gusṭirenko khon gel hajar hoṛko hataokom ar soṅgekate Tabor burute idikom.

Genesis 46:24

Napthaliren hoponko do Jahseyel, Guni, Jeser, ar Silem.

Kạhtukko 5:19

Uni do dulạṛte perecʼ, ar ńelokʼte napae jel leka; uniyakʼ sohag do jotowakʼteye purunmea. Am do jao ghuṛi unirem moṅgonokʼa.

Soros sereń 2:7

E Jerusalemren kuṛiko, Poṭretʼ jel ar posta eṅgako ńutumteń nehõrokʼ kana, dulạṛ do alope buskuyea ar alope ebhenea uniyakʼ okteko ạuri hoyokʼ hạbicʼ.

Jirimiạ 14:5

Ar ṭạnḍire hạriạṛ ghãs bạnukʼte jel eṅga hõ janamkate hopone bạgi oṭoae kana.

2 Bõsbudạ 10:7

Onkoko roṛ ruạṛadea, “Teheń onko hoṛko sãote bhagem beoharte onkom kusi ocoko ar onkoakʼ nehõr joṅakʼem ańjomtako enḍekhan onko do jao okte amren golam menteko tahena.”