Genesis 48:9 - সান্তালী বাইবেল

⁹ Joseph do acʼ babae roṛ ruạṛadea, “Unkin do ińren hopon kanakin. Isor do noa disạmre unkine emakawạdińa.” Israele menkeda, “Iń ṭhen ạgukinme. Iń do unkin hõń ạsirbad ạkina.”

Genesis 48:9 Referans Kwoze

Genesis 27:4

Ar ona tayom do ińiń kusiyakʼ leka sebel jomakʼ tearme ar ạguạńme, jemon gujukʼ lahare ona jomkateń bhor oṭowam.”

Genesis 33:5

Tayomte Esau do onko maejiu ar gidrạko secʼe beṅgetʼketʼteye kulikedea, “Am sãote noko doko okoe kana?” Jakobe menkeda, “Isor do dayate amren guti noko gidrạkoe emakadea.”

Ibriko 11:21

Biswạs iạtege Jakob do gujukʼ jokhecʼ Josephren banar hopone bhoratʼkin tahẽkana ar ṭheṅgare tirupʼkate Isore sewawade tahẽkana.

Jesaea 8:18

Nokʼõe ńelpe, iń ar onko hoponko okoe do Probhu Isore emakawạdiń. Uni phạdkoren Probhu Isor, okoe do Sion burureye tahẽnkan ale do uniren cinhạkole hoyakana.

Sereńko 127:3

Gidrạ do Probhu Isor emakʼ ạidạri kanako, ar kukhiren gidrạ hõ uni emakʼ kuṛạige.

1 Bõsbudạ 25:5

Noko joto do rajren gunạnicʼ Hemonren hoponko tahẽkana. Isorakʼ gokʼakʼ lekate Hemon daṛe ocoye lạgitʼ Isor do gelpon hoponko ar pea hoponerae emade tahẽkana.

1 Samuel 1:27

Iń do nui gidrạ ńame lạgitʼ iń koeleda, ar Probhu Isor ṭhen okań khojletʼ uni do onageye em akawạdińa.

1 Samuel 1:20

Onate Hanna doe bhạrti hoṛmoyena ar okte purạuen khan mitʼṭen koṛa gidrại janamkedea. Ar Hanna doe menkeda, “Iń do Probhu Isor ṭhen khoniń koe hatao akawana,” Ar gidrạwakʼ ńutum do Samuele dohoketʼtaea.

Dosar Biboron 33:1

Isorren hoṛ Mose do acʼakʼ gujukʼ lahare Israelko noa menkateye bhoratʼkoa,

Genesis 49:28

Noko joto do Israelren gelbar gusṭiren kanako. Onkoren apattetʼ do onkoe bhorako jokhecʼ noako kathae menleda. Uni do sanamkoge apan ạpin lek leka bhore ematʼko tahẽkana.

Genesis 30:2

Unre Jakob do Rahel cetanre ạḍiye raṅgaoena. Uniye menkeda, “Iń doń Isor kana se cetʼ? Unige coṅe bạńjhi ocoakatʼme.”