Genesis 48:5 - সান্তালী বাইবেল

⁵ Am ṭheniń hijukʼ lahare amren okoekin hoponkin janamlen unkin hõ ińren hoponko talarekin lekhakʼa. Ruben ar Simeon cetʼleka ińren kanakin onkage Ephrayem ar Manase hõ ińren kanakin.

Genesis 48:5 Referans Kwoze

Josuạ 14:4

Manase ar Ephrayim ńutuman Josephren hoponkin hotete barea gusṭi benaolena. Liwiko do jumi reakʼ bhag bako ńamleda, menkhan girobasokʼ lạgitʼ ar jinisko dohoy lạgitʼ adom adom atoko, nagrahako ar gại-ḍaṅgra ar bhiḍi merom ạtińko lạgitʼ beṛhaeteakʼ ạtiń ṭạnḍiko ńamkeda.

Genesis 46:20

Josephren hopon Manase ar Ephrayim do Misor disạmrekin janamlena. Nukinre eṅgat do On nagraharen naeke Poṭipheraren hoponera Asnate tahẽkana.

2 Korinthiko 6:18

Ona chaḍa “Phạdkoren Probhu Isore meneda, ińge aperen babań hoyokʼa, ar ape do ińren hopon ar hoponerakope hoyokʼtińạ.”

Josuạ 13:7

Israelkoren are gusṭi ar Manase gusṭiren adha hoṛge sompotti lekate onam hạṭińakoa.”

Malaki 3:17

Onko babotre phạdkoren Probhu Isore meneda, “Ińakʼ niṭ akatʼ dinre onko do ińren sompottiko hoyokʼa; onko do ińrengeko hoyokʼa. Mitʼṭen hoṛ cetʼleka acʼren sapʼsosoricʼ hopone mãyãwaekante sạjại khone sahaṛede onkage onko hõń sahaṛkoa.

Jeheskel 16:8

“ ‘Iń do am aṛeteń parom calakʼkan tahẽkanre am secʼ beṅgetʼkateń ńelkeda, amakʼ do dulạṛokʼ reakʼ okte hoyakantama; ona iạte ińakʼ kicricʼ reakʼ hĩs am cetanreń dapalketʼte amakʼ uluṅiń esetʼketʼtama. Iń do am ṭheniń kiriạyena ar am tulucʼ baplakʼ reakʼ iń bondoboskeda, ar onate ińrenem hoyena.

Jesaea 43:1

E Jakob, okoe ame sirjạu akatʼme, E Israel, okoe ame benao akatʼme, uni Probhu Isor do ńitokʼ niạ kathae meneda, “Alom botorokʼa, ente am doń chaḍao akatʼmea. Iń do amakʼ ńutum ńumkateń hohoakatʼmea, am dom ińren kana.

Numeri 1:10

Josephren hoponko modre Ephrayim gusṭikoren Amihudren hopon Elisama ar Manase gusṭiren Pedasurren hopon Gamaliel,

Levitikus 20:26

Iń Probhu Isor doń sonotgete ape hõ sonotko hoyokʼpe; ar ińge ińren hoṛ hoyokʼ lạgitʼ eṭakʼ jạtrenko khoniń begar akatʼpea.

Ibriko 11:21

Biswạs iạtege Jakob do gujukʼ jokhecʼ Josephren banar hopone bhoratʼkin tahẽkana ar ṭheṅgare tirupʼkate Isore sewawade tahẽkana.

Genesis 48:1

Niạ thoṛa din tayom Joseph do khobore ńamkeda, acʼ baba doe ruạkʼkana. Unre uni do acʼren banar hopon Manase ar Ephrayem soṅgekate onḍeye calaoena.

Genesis 48:6

Menkhan nukin tayom amren okoeko hoponko hoyokʼ onko do amren mentegeko lekhakʼa. Sompotti ạidạri jokhecʼ Manase se Ephrayem ńutumte onko doko ạidạrijoṅa.

Jeheskel 47:13

Ona tayom Probhu Isore menkeda, “Ape do sompotti lekate Israelren gelbar gusṭiko talare disạm do nonkage hạṭińakope. Ape sanamkoge somantepe hạṭińa menkhan Joseph do bar hạṭińe ńam daṛeakʼ. Noa disạm do aperen hapṛamko emako lạgitʼgeń kiriạlena ar noa disạm do apeakʼ sompottige hoyokʼa.

Sereńko 77:16

E Isor, jalapuri reakʼ dakʼ do amko ńeletʼmea; am ńelte dakʼko do botorena, ar ona athantar dakʼ do daldalaoena.