Genesis 48:21 - সান্তালী বাইবেল

²¹ Ona tayom Israel do Josephe metadea, “Ńelme, ińakʼ gujukʼ okte do sorakana. Menkhan Isor do ape sãoreye tahena, ar aperen hapṛamkoakʼ disạmteye ruạṛ idipea.

Genesis 48:21 Referans Kwoze

Genesis 50:24

Joseph do acʼren boehakoe metatʼkoa, “Ińakʼ gujukʼ okte do seṭer akana, ar noa do khạṭi kana je, Isor do apeye ạsulpea. Uni do Abraham, Isahak ar Jakob okaṭakʼ disạm emako lạgitʼe gokʼatʼko tahẽkan ona disạmge nonḍe khone idipea.”

Genesis 46:4

Iń do am são sãote Misorteń calakʼa ar khạṭige arhõń ruạṛ ạgumea. Ar gujukʼre Joseph do acʼakʼ tite amakʼ mẽtʼkine hạrubtama.”

Genesis 28:15

Iń do am sãotege minạńa; ar jãhãtegem calakʼ iń do amiń rukhiyạmea. Noa disạmtege arhõń ruạṛ ạgumea. Ar okań galmarao akatʼme ona ạuriń purạu hạbicʼ iń do bạń bạgi giḍimea.”

Genesis 26:3

Ńitokʼ noa disạmre thoṛa din lạgitʼ tahẽ hataṛokʼme. Ar iń do am sãote tahẽkate amiń bhorama. Noako disạm do am ar am bõsren hoṛkoń emakoa. Ona chaḍa iń do amren baba Abraham ṭhen okań kiriạlen ona hõń disạ dohoya.

Ibriko 7:3

Melkisedek do eṅgat-apat se jãhãn bõs budạge baṅ tahẽkantaea. Isorren Hopon leka uniyakʼ jion reakʼ etohopʼ hõ baṅ tahẽkana, ar mucạtʼ hõ baṅ tahẽkana; uni do jaejug hạbicʼren naeke kanae.

2 Patras 1:14

ente ḍher din noa hoṛmo kumbạre bạń tahen ona do aboren Probhu Jisu Mạsi pusṭạuteye baḍae ocoakadińạ.

Ibriko 7:8

Nonḍema gujukʼ gobolren Lewikoge gel hạṭiń reakʼ mitʼ hạṭińko hataoetʼkan; menkhan, okoe do jiwetʼge menaea mente goha emakan uni, metakʼme Melkisedek do gel hạṭiń reakʼ mitʼ hạṭińe hataoakada.

2Timothi 4:6

Ente iń do ńit hoń coḍor ocokʼ kana; ar ińakʼ gujukʼ okte do seṭer akana.

Aposkạmi 13:36

“Dạud do ona piṛhiren hoṛko modre Isorakʼ monejoṅakʼe purạuketʼ tayome gocʼena. Ar uniren hapṛamko sãoteko topakede khan uniyakʼ hoṛmo do nosṭoyena.

Luk 2:29

“E Probhu Isor, amakʼ katha leka amren guti do ńitokʼ suluktem bidạkạń kana,

Sereńko 18:46

Probhu Isor doe jiwetʼgea. Ińakʼ asray cạṭạini do sarhao hoyokʼtae ma, ar ińakʼ bańcaokʼren Isor doe usulokʼma.

Josuạ 23:14

“Dhạrtiren sanamko okaṭakʼ horte senokʼ hoyokʼtako ona horte iń hõ ńitokʼ doń senokʼ kana. Ar noa katha do bhagegepe baḍaea, aperen Probhu Isor bhạlạiype reakʼ okae gokʼ akawatʼpe ona reakʼ mitʼṭecʼ hõ baṅ ạuṛiyakʼ akana. Mitʼke mitʼ gokʼakʼ do purạu akana, ar baṅ puruạuakʼ do mitʼṭecʼ hõ bạnukʼanaṅ.

Josuạ 3:7

Unre Probhu Isor do Josuại metadea, “Teheń khon sanam Israelkoakʼ mẽtʼre amakʼ manotiń ḍher ocoya, jemonko bujhạu daṛeakʼ, iń cetʼleka Mose sãoteń tahẽkan onkage am sãore hõ minạńa mente.

Josuạ 1:9

Iń do amiń hukum akatʼmea, onate daṛean hoyokʼme ar monre dil dohojoṅme. Ar alom botorokʼa se alom as chuṭạukʼa, ente jãhãtegem senokʼ onḍege amren Probhu Isor do am sãoteye tahena.”

Josuạ 1:5

Ar tinạkʼ din jiwetʼem tahen celege am upạrte do ohoko teṅgo daṛelena. Cetʼleka Mose sãoteń tahẽkan onkage am sãote hõń tahena; iń do tishõ bạń bạgi giḍimea ar bạń alaemea.

Dosar Biboron 31:8

Probhu Isor do acʼge am laha lahateye senokʼa ar am sãoteye tahena. Uni do tishõ bae bạgi giḍimea. Alom botorokʼa, ar alom torasokʼa.”

Genesis 37:1

Jakob do Kanan disạmrege girobasokʼe ehopʼena. Ar acʼren apat hõ onḍegeye tahenkan tahẽkana.

Genesis 15:14

Menkhan okoe onko golam menteko khaṭaoko onko jạtrenko doń sạjạikoa. Ar onko do ạḍi utạr dhon-duribante ona disạm khonko oḍok hijukʼa.

Genesis 12:5

Uni do acʼren bạhu Sạri ar bhạcạt koṛa Lote soṅgekedea are oḍok hecʼena. Ar acʼakʼ sanamakʼko soṅgekate ar tinạkʼ guti kạ̃ṛmĩko Haranreye ńamletʼko onko soṅgekate uni do Kanan disạmteye seṭerena.

Dosar Biboron 30:3

unre Probhu Isor do bondi dosa khone chaḍao ruạṛ ạgupea. Uni doe mãyãwapea ar okoe jạtrenko talareye pasnaope onko tala khon arhõe halaṅ samṭao ruạṛpea.

Genesis 15:16

Menkhan am bõsren pon piṛhiren hoṛ do nonḍeko ruạṛ hijukʼa, ente Amorikoakʼ ghạṭ do nonka ạuri hoyokʼa one onate onkoń sạjạiko.”

Genesis 47:29

Gujukʼ thoṛa din lahare Israel do acʼren hopon Joseph hohowadeteye metadea, “Am nońjorre dayań ńamakatʼ khan ińakʼ bulu latarre amakʼ ti dohoyme ar gokʼạńme, ińre am do biswạsem tahena. Misorre iń do alom topayińạ,

Genesis 50:6

Pharaoe roṛgotʼkada, “Uni okaṭakʼe kiriạ ocoakatʼme onkage senkate topayeme.”