Genesis 47:7 - সান্তালী বাইবেল

⁷ Inạ tayom Joseph do Pharao ṭhen acʼren apate ạgukedea, ar Jakob do Pharao ạsirbade emadea.

Genesis 47:7 Referans Kwoze

Genesis 47:10

Inạ tayom Jakob do Pharaoe bhoradete onḍe khone calaoena.

1 Patras 2:17

Joto hoṛge manotkope, aperen biswạsi boehako dulạṛkope, Isor botoraepe, ar maharaj manotepe.

Luk 22:19

Ona tayom uni do piṭhạ halaṅkate Isore gun manao joharadea. Ar ona kecakʼkate celako ematʼkoteye metatʼkoa, “Noa do ińakʼ hoṛmo kana oka do apeko lạgitʼ emogokʼkan. Nonkaepe iń disạyiń lạgitʼ.”

Mathae 26:26

Adoko jojom kan tahẽkanre, Jisu do piṭhạ halaṅkateye bhorada. Ar kecakʼkate celako ematʼkoteye menkeda, “Ne ataṅpe ar jompe, noa do ińakʼ hoṛmo kana.”

2 Rapajko 4:29

Unre Elisae do Gehosiye metadea, “Am do paṭhe keṭejokʼme ar ińakʼ ṭheṅga hataokate ńir calakʼme. Ar jãhãe sãotem ńapam emanlen khan unim joharaea ar jãhãege ame joharam khan alom roṛ ruạṛaea. Ińakʼ ṭheṅga do gidrạwakʼ mẽtʼãhãrem dohoya.”

2 Samuel 19:39

Inạ tayom sanam hoṛ do gaḍako paromena, ar raj hõ gaḍae paromena. Raj do Barsilae cokʼadea are bhoradea ar Barsilae do arhõ gaḍae paromketʼte acʼakʼ oṛakʼteye ruạṛ calaoena.

2 Samuel 14:22

Ar Joab do otre ombakʼente raje ḍobokʼadea are sarhaokedea. Ona tayom Joabe menkeda, “E ińren mạlik, teheń amren golam doń baḍaekeda, iń do am ṭhen dayań ńamakada, ente maharaj do ińakʼ nehõr joṅakʼe ańjom akatʼtińạ.”

2 Samuel 8:10

Ar Dạud do Hadadeser sãoteye jitạu akante uni boge judạ ar johar emae lạgitʼ Toi do acʼren hopon Joram Dạud ṭhene kolkedea. Nui Hadadeser sãote Toi do aema dhaoe lạṛhạilena. Ar Joram do Dạud lạgitʼ sona, rupạ ar pitạl reakʼ jinisko soṅgeteye ạgudaraleda.

1 Samuel 2:20

Ar Eli do Elkana ar uniren bạhuttetʼe bhorakin jokhecʼe menetʼ tahẽkana, “Nui maejiu Probhu Isor ṭhen okoeṭakʼ hopone dan akade uni bodolte Probhu Isor do uniyakʼ kukhire arhõ gidrại emaea.” Ar inạ tayom onko do akoakʼ oṛakʼteko ruạṛ calakʼkan tahẽkana.

Josuạ 14:13

Niạ katha ańjomkate Josuạ do Jephunren hopon Kalebe bhoradea ar sompotti lekate Hebron nagrahae emadea.

Exodus 12:32

Abenakʼ katha lekage calakʼ jokhecʼ aperen ḍaṅgrako-bhiḍiko hõ iditorakope, ar iń hõ bhor oṭoạńpe.”

Genesis 35:27

Mucạtʼre Jakob do Kiriat-Arab, metakʼme Hebron ṭhenakʼ Mamre nagrahare acʼ apat Isạhak ṭhene hecʼena. Noa ṭoṭharege Abraham ar Isạhak dokin girobasokʼkan tahẽkana.

Genesis 47:8

Pharao do Jakobe kulikedea, “Amakʼ umer do tinạkʼ hoyena?”

Josuạ 22:6

Inạ tayom Josuạ do onkoe bhoratʼkoteye bidạkatʼkoa ar onko do akoakʼ jaegateko ruạṛ calaoena.

1 Rapajko 8:66

Ona dosar hilokʼ raj do hoṛkoe bidạ baṛakatʼkoa. Probhu Isor do acʼren guti Dạud ar uniren hoṛ Israelko okae bhạlại akatʼko ona lạgitʼ kusi ar rạskạte hoṛko do rajko sarhaokedea ar oṛakʼteko ruạṛ calaoena.

Genesis 14:19

Uni do Abram bhoradeteye metadea, “Serma ar ot okoeye sirjạu akatʼ uni maraṅ Isor do Abrame bhoraema.