Genesis 47:6 - সান্তালী বাইবেল

⁶ Ar goṭa Misor disạmge am samaṅre menakʼa. Onate disạm reakʼ joto khon bhage utạrakʼ jaegare am baba ar boehatam girobasokʼ lạgitʼ jaega emakom. Onko do Gosenreko girobasokʼma. Ar onko modre lek lekan hoṛko ńamlen khan onko cetanre ińren mĩhũ-merom reakʼ bhar hõń emakoa.”

Genesis 47:6 Referans Kwoze

Exodus 18:21

Ona tayom sanam hoṛko tala khon nonkan lekman hoṛ ben bachaokoa okoe do Isorko batorae ar sạriyakʼreko tahenkan ar behokakʼko hirkhạwakʼ kan. Onkoge aben do mukhiyạ lekate ben bahalkoa, adom do hajarko cetanre, adom do saeko cetanre, adomko do mõṛẽgelko cetanre ar adomko do gelko cetanre.

Genesis 47:11

Joseph do acʼren apattetʼ ar boehako tahen lạgitʼe bebostakeda. Ar Pharaoakʼ hukum leka Misor disạm reakʼ joto khon bhageakʼ jaega uni do sompotti lekae danatʼkoa. Ona jaega reakʼ ńutum do Ramses tahẽkana.

Kạhtukko 22:29

Am do cetʼ nonkan jãhãe hoṛem ńel akatʼkoa oko do gạkhuṛ titeye kạmikan? Uni do rajko lạgitʼe kạmiya, ar hoṛko tabere do baṅa.

2 Bõsbudạ 26:10

Uniren do latar buru ṭoṭhakore ar bilạn ṭạnḍikore ạḍi utạr ạsul janwarko tahẽkantaea; ar onate uni do hahaṅkarre usul usul pahra oṛakʼkoe benaokeda ar aema kuńkoe la ocokeda. Uniren hoṛko do bhage hasareko cas abadetʼ tahẽkana ar burure darkha bagwanko benaoetʼ tahẽkana, ente uni do cas baskoe kusiyakʼkan tahẽkana.

Exodus 18:25

Uni do sanam Israelko tala khon lekman hoṛkoe bachaoketʼkote mukhiyạko lekateye bahalketʼkoa- adomko do hajarko cetanre, adomko do saeko cetanre, adomko do mõṛẽgelko cetanre ar adomko do gelko cetanre.

Genesis 47:4

Onko do arhõko menkeda, “Ale do noa disạmre thoṛa din lạgitʼ tahenle hecʼakana. Kanan disạmre ńitokʼ do ạḍi akal calakʼkana ar onḍe aleren bhiḍi-meromko ạtińko lạgitʼ jãhãn ghãsko hõ bạnukʼa. Onate dayakate amren golamko do Gosenre tahen lạgitʼ hukum emalem.”

Johan 17:2

Am do sanam manwako cetanre ektiạriyem emakawadea, jemon okoekom emakawade onko sanamko jaejug jione emako.

Kạhtukko 21:1

Probhu Isorakʼ tire rajakʼ mon do gaḍa dakʼ leka; Probhu Isor jãhã secʼge monae ontegeye mohnaḍayede kana.

1 Samuel 21:7

Doeg ńutuman Sạulren mitʼṭen Edomren guti do enhilokʼ Probhu Isor ńutumte mitʼṭecʼ kạmi lạgitʼ onḍeye tahẽkana. Uni do Sạulren gutikoren sordare tahẽkana.

Exodus 9:21

Menkhan okoe ona bako luturatʼ onko do akoren golamko ar gại-ḍaṅgrako ṭạnḍiregeko dohokatʼkoa.

Exodus 9:10

Unre Mose ar Aron do bhaṭa khon torocʼ hataokate Pharao samaṅre kin teṅgoyena. Ar Mose do coṭ secʼ onae uḍiạuketʼ khan manwa ar janwarkore ojoko rakapʼena.

Genesis 47:16

Josephe menkeda, “Enḍekhan aperen ḍaṅgrako- bhiḍiko joto imạńpe. Enḍekhan onko bodolte jomakʼ iń emapea.”

Genesis 34:10

Ape do ale talare girobasokʼpe. Ente goṭa disạm do ape samaṅrege menakʼa. Nonḍege tahenpe, ar apeakʼ kusi leka dãṛã baṛaepe ar dhon sompottiren mạlik hoyokʼpe.”

Genesis 20:15

Ar Abrahame metadea, “Ńelme, ińakʼ goṭa disạmge am samaṅre menakʼa. Jãhãregem kusikʼ onḍege am dom girobas daṛeakʼa.”

Genesis 13:9

Goṭa disạmge am samaṅre menakʼa. Onate dela, laṅ begarlenge. Am do leṅga secʼem bachaoan khan iń do jojom secʼ iń calakʼa ar jojom secʼem bachaoan khan iń do leṅga secʼ iń calakʼa.”

Genesis 13:10

Unre Lot do Jordan reakʼ bilạn ṭạnḍire ḍher dakʼko ar jaega hõ mońjgeye ńelkeda, metakʼme Probhu Isorakʼ bagwan leka, ar onka baṅre hõ Soyer calakʼ hor reakʼ Misor leka. Probhu Isor do un hạbicʼ hõ Sodom ar Gomora do bae ḍahao marao akatʼ tahẽkana.

Genesis 45:10

Ar hecʼkate am do Gosen ṭoṭhare girobasokʼme. Onate am do, amren hoponko, amren goṛom gidrạko, amren ḍaṅgra ar bhiḍi palko, ar jãhãnakʼge menakʼtam ona sanamakʼko soṅgekate iń ṭhen tahẽhataṛokʼpe.

Genesis 46:34

Unre unipe metaea, ‘amren golamko ar onkoren hapṛamko do huḍiń khon ńit hạbicʼ mĩhũ-meromkogele gupi ạguyetʼkoa.’ Onate ape do Gosenre girobasokʼ lạgitʼ hukumpe ńama. Ente Misriko ṭhen bhiḍi-merom gukʼpi do hirkhạwakʼ kạmikana”

Genesis 47:5

Pharao do Josephe metadea, “Am baba ar amren boeha do am ṭhengeko hecʼakana.

1 Rapajko 11:28

Unre Jerobiam do onḍeye kạmikan tahẽkana ar kạmi reakʼ ạḍi ńutum tahẽkantaea. Solomon do uni koṛa metakʼme Jerobiam do bes kạmiyạ hoṛ kanae menteye ńelkede khan uni do Josephakʼ bõsren sanam gutiko ńel todarotko reakʼ bhare emadea.

Jirimiạ 40:4

Menkhan teheń iń do amakʼ ti reakʼ tonol baber khoniń chaḍaoketʼmea. Amem khoj khan iń sãote Babeltem sen daṛeakʼa, iń do amiń ńel sãohamea; ar iń tulucʼ calakʼ bam menetʼ khan alom calakʼa. Ńelme, goṭa disạmge am samaṅre menakʼa; amakʼ kusi lekam tahẽ daṛeakʼa.”