Genesis 47:30 - সান্তালী বাইবেল

³⁰ ente iń do ińren hapṛamko talare topa ocokʼiń khojkana. Am do ińakʼ mạ̃ṛĩ Misor disạm khon oḍokkate ińren hapṛamko okareko topa ocoakan onḍe idikatem topayińạ.” Josephe menkeda, “Iń do amakʼ katha lekageń kạmiya.”

Genesis 47:30 Referans Kwoze

Genesis 25:9

Mamre nagraha reakʼ purub secʼ Sohar hopon Ephronakʼ jumire Makpela reakʼ danderre acʼren hopon Isahak ar Ismael do unikin topakadea.

Genesis 23:19

Noa tayom Abraham do Kanan disạm reakʼ Mamre nagraha ṭhen, metakʼme Hebron ṭhen Makpela reakʼ danderre acʼren bạhui topakedea.

Nehemiạ 2:5

Ona tayom rajiń roṛ ruạṛadea, “Maharaj amem kusige khan ar amren guti amakʼ mẽtʼre dayae ńamakatʼ khan enḍekhan ińren hapṛamkoakʼ topa oka do Jihudạre menakʼ ona nagrahate calakʼ reakʼ hukum baṛe imạńme jemon arhõ onań benao rakapʼ daṛeakʼ.”

Nehemiạ 2:3

enhõ rajiń metadea, “Maharaj do jaejug jiwetʼ baṛeye tahenma. Ińren hapṛamko oka nagrahareko topa ocoakan ona nagraha doko dhaṅ dhaser akada ar ona reakʼ phaṭok duạrko do seṅgelteko jeretʼ akada ar ona ańjomkate ińakʼ mẽtʼãhã do mulin baṅkhan cekakʼtińa?”

1 Rapajko 13:22

Oka jaegare jom-ńũi reakʼe manaletʼme onḍege am do ruạṛ senkatem jom-ńũkeda. Onate amren hapṛamkoakʼ topare am do bam topa ocokʼa.”

2 Samuel 19:37

ar ona tayom do ruạṛ ocoạńme jemon ińakʼ oṛakʼre ińren go-babakinakʼ topa ṭheniń gujukʼ. Nũkʼũe ńeleme amren guti Kimham; unige am sãote jordan gaḍae parom ocoge. Ar unire oka bhagem hudis onage onkawaeme.”

Genesis 50:25

Ona tayom Joseph do Israelkoe kiriạ ocoketʼkoteye metatʼkoa, “Isor do khạṭige apeye jotonpea. Nonḍe khonpe calakʼre ińakʼ jaṅko hõ iditoraetińpe.”

Genesis 15:15

Ar am do ona laharege ḍher umerre suluktem topa ocokʼa ar amren hapṛamko ṭhenem calakʼa.

Genesis 23:17

Mamre nagraha ṭhen Makpelare Ephronakʼ oka jumi tahẽkan ona jumi ar ona reakʼ dander ar jumi beṛhaeteakʼ dareko do Abraham ṭhen sompotti lekateye ạkhrińkeda. Ar okoe Hethrenko nagraha reakʼ phaṭok duạr ṭhenko tahẽkan onko samaṅrege uni do onae kirińkeda.

Genesis 25:10

Noa jumige uni do Hittiko ṭhen khone kiriń hataoleda. Ar nonḍege acʼren bạhu Sara ar acʼ hõe topa ocoakana.

Genesis 35:29

Ar purạ jion khemaokate uni doe haṛamena are gocʼente acʼren hapṛamko ṭhene calaoena. Uniren hopon Esau ar Jakob do unikin topakadea.

Dosar Biboron 31:16

Probhu Isor do Moseye metadea, “Am do amren hapṛamko ṭhen giticʼ lạgitʼem calakʼkana, menkhan noko hoṛ okaṭakʼ disạmko bolo lạgidokʼkan onḍe onko do ạnạṛi deb debi ṭhenko ạkhrińokʼa arko laṭghaṭa. Onko do ińko bạgiyińạ ar oka bondobosiń doholetʼ ona hõko rạpuda.

2 Samuel 2:32

Onko do Asahelko kuṭuṅ idikedete Bethlehemteko senena ar uniren apatakʼ topareko topakedea. Ona tayom Joab ar uniren hoṛko do goṭa ńindạko taṛam idiketʼte setakʼ jokhecʼ Hebronteko seṭerena.