Genesis 47:26 - সান্তালী বাইবেল

²⁶ Tayomte Joseph do Misor disạm reakʼ jaega-jumi reaṅ noae ạnkeda, joto phosol reakʼ mõṛẽ hĩs reakʼ mitʼ hĩs do Pharaoakʼ hoyokʼa. Ar noa ạn do teheń hạbicʼ hõ Misor disạmre calakʼkana. Eken naekekoakʼ jumikoge Pharaoakʼ sompotti modre baṅ paṛaolena.

Genesis 47:26 Referans Kwoze

Genesis 47:22

Uni do eken naekekoakʼ jaega-jumi bae kirińleda. Noko naeke do Pharao ṭhen khon goṛoko ńametʼ tahẽkana ar onategeko calakʼkan tahẽkana. Onate onko do akoakʼ jumi bako ạkhrińleda.

Jeheskel 7:24

Onkoakʼ oṛakʼ-duạr dokhol lạgitʼ iń do jạt jạtrenko tala khon dusṭạmi jạtrenkoń ạgukoa. Iń do daṛeankoakʼ bạḍạiyiń rạpudtakoa, ar onkoakʼ sonot ṭhạ̃ikoń besapha ocoytakoa.

Genesis 47:25

Unre hoṛkoko menkeda, “Am do aleakʼ jiwim bańcao akatʼtalea. Onate hujurakʼ dayale ńam lekhan ale do Pharaoren golamle tahena.”

Genesis 14:20

Okoe do amren bạiriko amakʼ tireye jimạketʼko uni maraṅ Isorakʼ sarhao baṛe hoyokʼtae ma.” Unre Abram do acʼakʼ ruạṛ ạguakatʼ jinisko reakʼ gel hĩs khon mitʼ hĩs do Melkisedeke emadea.

Genesis 28:22

Ar noa dhiri oka do cinhạ khunṭi lekań teṅgoketʼ nonḍege Isorakʼ oṛakʼ do hoyokʼa. E Isor, jãhãnakʼgem imạń ona reakʼ gel hĩs reakʼ mitʼ hĩs do amiń emama.”

Genesis 41:34

Ona chaḍa eṭakʼ kạmiyạko hõ uni sãote dohokom. Disạmre eae bochor tinre bạ̃ṛti phosol hoyokʼa, unre jemon mõṛẽ hĩs reakʼ mitʼ hĩsko hatao.

Levitikus 27:30

“Jumi khon oka ńamokʼ ona reakʼ gel hĩs reakʼ mitʼ hĩs do Probhu Isorakʼ kana- ona do jumi reakʼ phosolge cetʼ ar dare reakʼ joge cetʼ. Ona do Probhu Isor ńutumte begar dohokakʼ hoyokʼa.

Numeri 18:21

“Israelkoakʼ gel hạṭiń reakʼ mitʼ hạṭiń okaṭakʼ do ińko imạń onage iń do Liwikoń ematʼkoa. Ńapamokʼ tạmbure sapʼdapʼ kạmi bodolte onko do onako ńama.

Dosar Biboron 14:22

“Jao bochor apeakʼ jumire okako phosol hoyokʼ ona reakʼ gel hạṭiń reakʼ mitʼ hạṭiń dope begar dohokakʼa.

Dosar Biboron 26:12

“Tesarakʼ bochor, metakʼme, gel hạṭiń reakʼ mitʼ hạṭiń emokʼ bochorre, apeakʼ arjaoakʼ sanam phosol reakʼ gel hạṭiń reakʼ mitʼ hạṭińpe begar sạtlere arpe tirpitlenre Liwiko, upriạko, ṭũạr amarko ar rạnḍi maejiukope emakoa. Onate onko do apeakʼ disạmre jom-ńũkateko tirpitokʼa.

Esra 7:24

Ale do arhõle metape kana je, Isorakʼ oṛakʼren jãhãe naekeko, Liwiko, gaenahako, rurukhiyạko, sapʼsosor kạmiko se eṭakʼ jãhãe kạmiyạko cetanre jãhãn khajna se bheja ladeako reakʼ ektiạri do okoeyakʼge bạnukʼtapea.