Genesis 47:23 - সান্তালী বাইবেল

²³ Joseph do hoṛkoe metatʼkoa, “Ńelpe, Pharao secʼ khon iń do teheń apeakʼ ar apeakʼ jaega-jumiń kirińkeda. Ape do ńitokʼ itạ idiype, ar jumire erpe.

Genesis 47:23 Referans Kwoze

2 Korinthiko 9:10

Cacasicʼ lạgitʼ itạ ar jom lạgitʼ piṭhạ okoeye kulạu juṛạuetʼ, uni do erokʼ lạgitʼ itạ hõe kulạuapea are baḍhao ocoytapea; ar apeakʼ dhorom reakʼ phosole borket ocoytapea.

Mathae 24:45

“Uni pạtiạricʼ ar budanicʼ guti doe okoe kana, one okoe acʼren kisạ̃ṛ do guti ar kạ̃ṛmĩko okte nạpitre jomakʼ emakoa mente acʼ gharońjrenko cetanreye dohokede?

Jesaea 55:10

Dakʼ ar him do serma khon cetʼleka ńurokʼkante ote hemal ocoyetʼkan ar onḍe baṅ ruạṛkan, bickom ona iạte jo ar bahakʼkan, ar erokʼ icʼ do itạ ar jojomicʼ do jomakʼe emaekan,

Sosolhayic̕ 11:6

Am do setakʼ jokhecʼ itạ er me, ar ạyupʼ jokhecʼ hõ amakʼ ti doe onkaema, ente oka okte reakʼ kạmi jo bahakʼa se banarge soman hoyokʼa, ona do bam baḍaea.

Kạhtukko 13:23

Reṅgecʼkoakʼ jumire do aema phosol arjaokʼa, menkhan behokʼ iạte ona doe recʼocokʼa.

Kạhtukko 12:11

Okoe hoṛ acʼakʼ jumireye khaṭaokʼkan uni do bạ̃ṛti jomakʼ tahentaea, menkhan okoe do ạuṛiyakʼkoe khudạu baṛeyetʼkan uni do bud reakʼ okulạn menakʼtaea.

Kạhtukko 11:26

Okoe hoṛ phosole dohobaekakʼ uni doko sarapaea, menkhan okoe onae ạkhriń uni do bhoranicʼe hoyokʼa.

Sereńko 112:5

Okoe dayate pańcae emokʼkan ar dhoromte jotowakʼe kạmikan uniyakʼ bhạlại do hoyokʼgea.

Sereńko 41:1

Bhạgangeae uni hoṛ, okoe do nacarko lạgitʼe dạndikʼkan; akalre Probhu Isor do uniye bańcaoea.

Genesis 45:6

Akal calakʼ kana bar bochor khon. Noa do arhõ mõṛẽ bochor hạbicʼ tahena. Unre phosol hõ baṅ erokʼa ar irhõ baṅ irokʼa.

Genesis 41:27

Tayomte oneko rakapʼ hecʼen eae goṭecʼ roga, ar ńelokʼte hirkhạ gạiko ar purub reakʼ hoete tolmocʼ akan eae goṭecʼ copa gele, noa banar reakʼ mane do hoyokʼkana akal reakʼ eae bochor.

Genesis 47:22

Uni do eken naekekoakʼ jaega-jumi bae kirińleda. Noko naeke do Pharao ṭhen khon goṛoko ńametʼ tahẽkana ar onategeko calakʼkan tahẽkana. Onate onko do akoakʼ jumi bako ạkhrińleda.

Genesis 47:24

Ar Phosol ir tayom do mõṛẽ hĩs reakʼ mitʼ hĩs Pharaope emaea, ar sarecʼ pon hĩs do jumi reakʼ itạ lạgitʼ ar gharońjren hoṛko ar gidrạko lạgitʼ jomakʼpe dohojoṅa.”