Genesis 47:22 - সান্তালী বাইবেল

²² Uni do eken naekekoakʼ jaega-jumi bae kirińleda. Noko naeke do Pharao ṭhen khon goṛoko ńametʼ tahẽkana ar onategeko calakʼkan tahẽkana. Onate onko do akoakʼ jumi bako ạkhrińleda.

Genesis 47:22 Referans Kwoze

Esra 7:24

Ale do arhõle metape kana je, Isorakʼ oṛakʼren jãhãe naekeko, Liwiko, gaenahako, rurukhiyạko, sapʼsosor kạmiko se eṭakʼ jãhãe kạmiyạko cetanre jãhãn khajna se bheja ladeako reakʼ ektiạri do okoeyakʼge bạnukʼtapea.

1Timothi 5:17

Manḍerren maraṅ mukhiyạko okoe bes okocʼte manḍerko calaoetʼkan, ar okoe do Isorakʼ kathako porcaretʼkan ar lại cecetʼreko mehnotetʼkan, onko do dobṛa manot ocokʼ lek kanako.

2 Thessalonikiko 3:10

Ape ṭhen tahẽkan jokhecʼgele hukumatʼpe tahẽkana, jãhãe kạmi baṅ sanayede khan uni do jom hõ aloe jomma.

Galathiko lạgitʼ Pạul Apostolakʼ ciṭhi 6:6

Okoe Isorakʼ kathae cetʼ ocokʼkan uni do acʼren cecetʼicʼ do acʼakʼ sanam bhageakʼ reakʼe hạṭińae ma.

1 Korinthiko 9:13

Ape do cetʼ bape baḍaea, okoe mundil reakʼko kạmikan onko do mundil khonge jomakʼko ńama, ar okoe pinḍreko kạmikan onko do pinḍre jãhãnakʼge samaṅokʼkan ona reakʼ hạṭińko ńama mente?

Mathae 10:10

Horte lạgitʼ jãhã lekan thuli hõ alo, babar goṭecʼ aṅgrop hõ alo, panahi se ṭheṅga hõ alo, ente okoeye kạmikan uni do jojom ar ńũiyakʼ ńam lek kanae.

Nehemiạ 13:10

Iń do noa hõń baḍaekeda je, sereń dolko ar eṭakʼ liwiko do kuṛại bako ńamakatʼte akoakʼ kạmi bạgikate onko do nij nij khet baṛgeteko ruạṛ akana.

2 Samuel 8:18

Jehuyadaren hopon Benaya do Kerethi ar Pelethikoren mathakin tahẽkana, ar Dạudren hoponko do rajren sosolhako ar naekeko tahẽkana.

Dosar Biboron 12:19

Apeakʼ disạmre tinạkʼ dinpe girobasokʼ unạkʼ din ape do Liwikope ńel todarotkoa.

Genesis 41:50

Akal lahare On nagraharen naeke Poṭipheraren hoponera Asnatakʼ kukhire Josephren barea gidrạkin janamena.

Genesis 41:45

Pharao do Josephakʼ nãwã ńutum Sapnat Paneahe dohoketʼtaea. Ar On nagraharen naeke Poṭipheraren hoponerat Asnat tulucʼ Josephe baplakadea. Noa tayom Joseph do goṭa Misor disạm dãṛãn lạgitʼe oḍokena.

Genesis 14:18

Salemren raj Melkisedek do Abram lạgitʼ piṭhạ ar darkha rasae ạgukeda. Uni do maraṅ Isorren naekeye tahẽkana.

Genesis 47:21

Joseph do Misor reakʼ mitʼ simạ khon eṭakʼ simạ hạbicʼ tinạkʼ hoṛko tahẽkan onko sanamkoge nagrahateye ạguketʼkoa.

Genesis 47:23

Joseph do hoṛkoe metatʼkoa, “Ńelpe, Pharao secʼ khon iń do teheń apeakʼ ar apeakʼ jaega-jumiń kirińkeda. Ape do ńitokʼ itạ idiype, ar jumire erpe.

Genesis 47:26

Tayomte Joseph do Misor disạm reakʼ jaega-jumi reaṅ noae ạnkeda, joto phosol reakʼ mõṛẽ hĩs reakʼ mitʼ hĩs do Pharaoakʼ hoyokʼa. Ar noa ạn do teheń hạbicʼ hõ Misor disạmre calakʼkana. Eken naekekoakʼ jumikoge Pharaoakʼ sompotti modre baṅ paṛaolena.