Genesis 46:34 - সান্তালী বাইবেল

³⁴ Unre unipe metaea, ‘amren golamko ar onkoren hapṛamko do huḍiń khon ńit hạbicʼ mĩhũ-meromkogele gupi ạguyetʼkoa.’ Onate ape do Gosenre girobasokʼ lạgitʼ hukumpe ńama. Ente Misriko ṭhen bhiḍi-merom gukʼpi do hirkhạwakʼ kạmikana”

Genesis 46:34 Referans Kwoze

Exodus 8:26

Moseye menkeda, “Menkhan noa do cetʼ ṭhikakʼ hoyokʼa? Aleren Probhu Isor ńutumte ale okaṭakʼle samaṅ ona do Misorrenko ṭhen hirkhạwakʼkana. Misorren okaṭakʼko hirkhạwakʼ ona dãṛẽ onkoakʼ mẽtʼãhã samaṅrele samaṅ khan onko do cetʼ dhirite bako tińlea?

Genesis 43:32

Emokʼicʼ do Joseph, ar uniren boehako mitʼ ṭhene jom ocoketʼkoa ar Josephakʼ oṛakʼre okoe Misrikoko jom ńũiyetʼ tahẽkan onko do eṭakʼ jaegareye jom ocoketʼkoa. Ente misriko do Ibriko sãote bako jom ńũiyetʼ tahẽkana, ente onko ṭhen do hirkhạwakʼge tahẽkana.

Genesis 46:32

Onkoakʼ kạmi do gukʼpi kạmikana; onko do bhiḍi-merom gukʼpi hoṛ kanako, onate onko do soṅgete bhiḍi, merom, ḍaṅgra ar sanamakʼ jinisko ạgudara akada.’

Genesis 37:12

Tayomte Josephren boehako do akoren apattetʼren merom ar bhiḍi gupiko lạgitʼ Sikemteko calaoena.

Genesis 45:10

Ar hecʼkate am do Gosen ṭoṭhare girobasokʼme. Onate am do, amren hoponko, amren goṛom gidrạko, amren ḍaṅgra ar bhiḍi palko, ar jãhãnakʼge menakʼtam ona sanamakʼko soṅgekate iń ṭhen tahẽhataṛokʼpe.

Genesis 30:35

Ar Laban do enhilokʼge acʼren mĩhũ-merom palko khon Jakob lạgitʼ lạṭu ar kạṭicʼ kabra chapan merom eṅga, metakʼme okoekoakʼ hoṛmore jaega jaegare ponḍ upʼ tahẽkan onko ar bhiḍikoren hõ hende hende hoponkoe begarketʼkoa. Onko ńel todarotko reakʼ bhar do acʼren hoponkoe ematʼkoa.

Genesis 34:5

Jakob doe ańjomkeda Sikem do acʼren kuṛi Dinai bạṛicʼ akadea. Unre uniren hoponko do ṭạnḍire palren mĩhũ-merom gupiko lạgitʼko calao akan tahẽkana, ar onko ạuriko ruạṛ hijukʼ hạbicʼ uni do hapegeye tahẽyena.

Genesis 13:7

Onate Abram ar Lotren gutiko talare jaoge jhogṛa hoyokʼkan tahẽkana. Ona chaḍa onako oktere Kananrenko ar Pheresiko hõ ona disạmreko girobasokʼ kan tahẽkana.

Genesis 13:8

Unre Abram do Lote metadea, “Ńelme, sor peṛa kanalaṅ. Onate alaṅ talare ar alaṅren gutiko talare jhogṛakʼ do baṅ ṭhika.

Genesis 26:20

Menkhan Geraren gutiko do Isahakren gutiko sãote jhogṛakʼko ehopʼketʼteko menkeda, “Noa dakʼ do aleakʼ kana.” Noa jhogṛa iạte Isahak do ona kuń reakʼ ńutum Esoke dohokeda (metakʼme “jhogṛa”).

Genesis 37:2

Noa do hoyokʼ kana Jakob gharońjrenko reakʼ kạhini. Joseph do acʼren boehako sãote bhiḍi ar meromkoe gupikan tahẽkana. Ar uniren boehako doko tahẽkana acʼren kạki eṅgat Bilhạ ar Silpạren hoponkoge. Uniyakʼ umer gel eae bochor tahẽkanre uni do acʼren noko boehakoakʼ bạṛicʼ colon reakʼ katha acʼ apate lạiyadea.

Genesis 45:18

ar onkoren baba ar onko gharońjren sanamkoante am ṭhenko hijukʼma. Ar Misor disạm reakʼ joto khon bhage bhageakʼ jiniskom emakoa ar disạm reakʼ joto khon bhage jomakʼkom jom ocokoa.

Genesis 47:3

Khan Pharao do onkoe kuliketʼkoa, “Ape do cetʼpe kạmiya?” Onkoko menkeda, “Amren golamko do bhiḍi-meromkole gupi baṛakoa. Ente aleren hapṛamko hõ inạgeko onkayetʼ tahẽkana.”

Genesis 47:4

Onko do arhõko menkeda, “Ale do noa disạmre thoṛa din lạgitʼ tahenle hecʼakana. Kanan disạmre ńitokʼ do ạḍi akal calakʼkana ar onḍe aleren bhiḍi-meromko ạtińko lạgitʼ jãhãn ghãsko hõ bạnukʼa. Onate dayakate amren golamko do Gosenre tahen lạgitʼ hukum emalem.”

Genesis 47:6

Ar goṭa Misor disạmge am samaṅre menakʼa. Onate disạm reakʼ joto khon bhage utạrakʼ jaegare am baba ar boehatam girobasokʼ lạgitʼ jaega emakom. Onko do Gosenreko girobasokʼma. Ar onko modre lek lekan hoṛko ńamlen khan onko cetanre ińren mĩhũ-merom reakʼ bhar hõń emakoa.”

Genesis 47:11

Joseph do acʼren apattetʼ ar boehako tahen lạgitʼe bebostakeda. Ar Pharaoakʼ hukum leka Misor disạm reakʼ joto khon bhageakʼ jaega uni do sompotti lekae danatʼkoa. Ona jaega reakʼ ńutum do Ramses tahẽkana.

Exodus 8:22

Menkhan enhilokʼ do Gosen disạmiń begara, ente onḍe do ińren hoṛko girobasokʼ kana. Onḍe do jãhãn kãṛa loṭocʼge bako tahena. Ar onatepe baḍae daṛeakʼa, iń Probhu Isorge noa disạmre minạńa.