Genesis 46:29 - সান্তালী বাইবেল

²⁹ Joseph do acʼren apat Israel tulucʼ ńapamokʼ lạgitʼ acʼakʼ rãt gạḍiye sapṛaoketʼte Gosenteye calaoena. Ar apattetʼ sãote ńapam torage uni do hoṭokʼre hạṛupʼkedete ạḍi ghạṛicʼe rakʼkeda.

Genesis 46:29 Referans Kwoze

Luk 15:20

“Noa menkate uni doe beretʼente acʼ apat ṭhene calaoena. Ado sạṅgińreye tahẽkanrege uniren apattetʼ doe ńel ńamkedea ar ạḍi mãyã hecʼadea. Ar ńir senkate uniye hạṛupʼkedea are cokʼ cokʼadea.

Genesis 33:4

Unre Esau do uni ṭhen ńir hecʼenteye hạṛupʼkedea are kokekedeteye cokʼadea. Ar ona tayom do bana hoṛkin rakʼana.

Aposkạmi 20:37

Ar manḍerren sanam mukhiyạko do Pạul hạṛupʼ kedeteko cokʼadea ar rarakʼko ehopʼena.

Genesis 45:21

Israelren hoponko do onkageko kạmikeda. Pharaoakʼ hukum leka Joseph do onko lạgitʼ gạḍi ar horte lạgitʼ jomakʼe kolatʼkoa.

Genesis 45:19

Noa chaḍa am cetanre ińakʼ noa hukum tahẽyena, amren boehakom metakoa onko do akoren bạhuko ar kạṭicʼ gidrạko lạgitʼ Misor disạm khon gạḍiko idiyma, ar akoren apatko ạguyema.

Genesis 41:43

Noa tayom Joseph do acʼakʼ rajosṭi reakʼ dosarakʼ rãt gạḍireye duṛupʼkedea. Ar gạḍi calakʼ oktere Joseph laha lahateko roṛ sodorkeda, “Ikhṛumokʼpe, ikhṛumokʼpe.” Ar nonkate Pharao do goṭa Misor disạm reakʼ bhar Joseph cetanreye dohokeda.

Genesis 43:30

Boehae ńelkede khan Josephakʼ ontor do bhak bhakaoentaea. Uni do usạrate onḍe khone oḍokena ar acʼakʼ kandhare bolokate rarakʼe dhurạuena.

Genesis 45:2

Uni do nunạkʼ ãṭ rarakʼe ehopʼena, ona do misriko hõko ańjom tiyokʼkeda ar Pharaoakʼ oṛakʼren hõko baḍae ocoketʼkoa.

Genesis 46:30

Tayomte Israel do Josephe metadea, “Ńit hõ jiwetʼ menam ona do nij mẽtʼteń ńelkeda. Ar ńit do gujukʼ hõń sapṛaogea.”

Genesis 50:9

Ạḍi utạr rãt gạḍiko ar aswarikoante onko do mitʼṭecʼ maraṅ phạdge Joseph sãoteko calaoena.