Genesis 46:20 - সান্তালী বাইবেল

²⁰ Josephren hopon Manase ar Ephrayim do Misor disạmrekin janamlena. Nukinre eṅgat do On nagraharen naeke Poṭipheraren hoponera Asnate tahẽkana.

Genesis 46:20 Referans Kwoze

Genesis 41:45

Pharao do Josephakʼ nãwã ńutum Sapnat Paneahe dohoketʼtaea. Ar On nagraharen naeke Poṭipheraren hoponerat Asnat tulucʼ Josephe baplakadea. Noa tayom Joseph do goṭa Misor disạm dãṛãn lạgitʼe oḍokena.

Genesis 48:20

Ona tayom Israel do unkin banar hopone bhoratʼkinạ are menkeda, “Israelko jãhãegeko bhorako jokhecʼ abenakʼ ńutum ńumkateko mena, ‘Isor do Ephrayem ar Manase lekae hoyocomema.’ ” Noa menkate uni do Manase khon Ephrayemge lahareye dohokedea.

Genesis 46:19

Jakobren bạhu Rahelren hoponkin do Joseph ar Benjạmin.

Josuạ 14:4

Manase ar Ephrayim ńutuman Josephren hoponkin hotete barea gusṭi benaolena. Liwiko do jumi reakʼ bhag bako ńamleda, menkhan girobasokʼ lạgitʼ ar jinisko dohoy lạgitʼ adom adom atoko, nagrahako ar gại-ḍaṅgra ar bhiḍi merom ạtińko lạgitʼ beṛhaeteakʼ ạtiń ṭạnḍiko ńamkeda.

Josuạ 17:1

Manase do Josephren maraṅicʼ hopone tahẽkante gulibãṭ hotete uniren gusṭiko hõ mitʼṭecʼ jaegako emocolena. Manaseren maraṅicʼ hoponakʼ ńutum do tahẽkana Makir. Makir do Gileadren apate tahẽkana. Makir do mitʼṭen maraṅ birbanṭa hoṛe tahẽkante Gilead ar Bason reakʼ ạidạri do laharegeye ńamakatʼ tahẽkana.

Jeheskel 30:17

Ona ar Pibesethren juạn hoṛ do lạṛhạireko gujukʼa ar eṭakʼ hoṛko do bondikateko idiocokʼa.

Genesis 48:1

Niạ thoṛa din tayom Joseph do khobore ńamkeda, acʼ baba doe ruạkʼkana. Unre uni do acʼren banar hopon Manase ar Ephrayem soṅgekate onḍeye calaoena.