Genesis 45:20 - সান্তালী বাইবেল

²⁰ Ar gharońj reakʼ jinisko lạgitʼ aloko bhabnakʼma, ente goṭa Misor disạm reakʼ bhage bhage jinisko do onkoakʼge hoyokʼa.”

Genesis 45:20 Referans Kwoze

Jesaea 1:19

Ape do tabe akan tahenpe aṅgocetʼ khan enḍekhan disạm reakʼ joto khon bhage phosolpe joma,

Luk 17:31

“Enhilokʼ okoe sạṛim coṭreye tahen uni do jãhãnakʼ hatao lạgitʼ aloe pheḍ hujukʼma. Onkage baṛgere okoeye tahen uni hõ aloe ruạṛ hijukʼma.

Jeheskel 20:17

Enhõ iń do daya reakʼ mẽtʼteń ńelketʼkote hahaṅkarre bạń marao utạrletʼkoa.

Jeheskel 9:5

Ona tayomiń ańjomkeda uni do onko turui hoṛe metakokana, “Ape do nagraha talate uni pańja idiyepe ar jãhãn daya mãyã baṅkate hoṛpe gocʼkoa, ar okoege alope aṛakʼkoa.

Jeheskel 7:9

Iń do mãyãte bạń beṅgetʼapea ar aṛakʼ hõ bạń aṛakʼpea; apeakʼ colon ar ape tala reakʼ hirkhạwakʼ kạmiko reakʼ kuṛạiyiń emapea. Ar unrepe baḍae daṛeakʼa, iń Probhu Isorgeń hạhạna mente.

Jeheskel 7:4

Iń do mãyãte hõ bạń beṅgetʼama ar aṛakʼ hõ bạń aṛakʼmea; amakʼ colon ar am bhitri reakʼ hirkhạwakʼ kạmiko iạte iń do khạṭigeń sạjạimea. Ar unrem baḍae daṛeakʼa, ińkangeạń Probhu Isor do. ’ ”

Jesaea 13:18

Onko do akʼte juạnkoko gocʼkoa; ar bale gidrạko cetanre bako mãyãkʼa ar gidrạko cetanre hõ bako dayakʼa.

Esra 9:12

Ona iạte aperen kuṛiko do onkoren hoponko sãote alope baplakoa se aperen koṛako lạgitʼ hõ onkoren kuṛiko alope hataokoa ar tishõ onkoakʼ bhạlại se rakapʼko reakʼ do alope kurumuṭuiya. Onate ape do daṛeankope hoyokʼa ar jumi reakʼ bhage bhage jiniskope jom daṛeakʼa ar jaejug ạidạri lekate disạm do aperen hopon ar hoponerako lạgitʼpe doho oṭo daṛeakʼa.’

1 Samuel 30:24

Apeakʼ niạko kathare okoehõ bako rạjikʼa. Okoe do lạṛhạiko senlen ar okoe do jinisko horhoyetʼ tahẽkan onko jotoge inạ mitʼ leka hạṭińko ńama.”

1 Samuel 25:13

Dạud do acʼren hoṛkoe metatʼkoa, “Ape mimitʼko ḍanḍare tarwaṛe toltape.” Onate onko do ḍanḍare tarwaṛeko tolkeda ar Dạud hõe onkakeda. Ar ona tayom Dạud do ponsae hoṛe soṅgewana ar barsae hoṛ do asbabko horhoe lạgitʼko tahẽyena.

1 Samuel 10:22

Unre hoṛko do Probhu Isorko kulikedea, “Nonḍe do cetʼ ar jãhãe menakʼkoa?” Probhu Isore menkeda, “Ńelpe, uni do asbabko talareye oko akana.”

Josuạ 7:11

Israelko doko kại akada; iń okaṭakʼ bondobos manao lạgitʼ iń metatʼko tahẽkan ona do bako pańja akada. Ar okako jinis do sarapakʼ tabe reakʼ kan ona reakʼ thoṛako hatao akada; arko kombṛo akada, eṛe kathako roṛakada ar akoakʼ jinisko sãote onako dohoakada.

Dosar Biboron 19:21

Uni hoṛ do daya hõ alope dayawaea, jiwi bodol jiwi, mẽtʼ bodol mẽtʼ, ḍaṭa bodol ḍaṭa, ti bodol ti ar jaṅga bodol jaṅga reakʼpe hala hạliya.

Dosar Biboron 19:13

Unre uni do alogepe dayawaea. Israelko tala khon bin dusạn hoṛkoakʼ mãyãm reakʼ dospe meṭao utạra. Ar onate bhạlại hoyokʼtapea.

Dosar Biboron 7:16

Aperen Probhu Isor apeakʼ tire okoe jạtrenkoe jimạko onko dope marao utạrkoa. Onko do daya hõ alope dayawakoa ar onkoren debotako hõ alope sewawakoa, ente ona do apeakʼ jhampa lekako hoyokʼa.

Exodus 22:7

Jãhãege ṭaka poesa se jinisko dohoy lạgitʼ jãhãeye emae ar uniyakʼ oṛakʼ khon ona kombṛokʼ enḍekhan kombṛoe sapʼlenre uni kombṛo do ona reakʼ pongel doboṛ ruạṛkakʼ hoyokʼtaea.

Genesis 45:18

ar onkoren baba ar onko gharońjren sanamkoante am ṭhenko hijukʼma. Ar Misor disạm reakʼ joto khon bhage bhageakʼ jiniskom emakoa ar disạm reakʼ joto khon bhage jomakʼkom jom ocokoa.

Mathae 24:17

Ar sạṛimre menaeicʼ do oṛakʼ khon jãhãnakʼ hatao lạgitʼ latarte aloe pheḍokʼma.

Genesis 20:15

Ar Abrahame metadea, “Ńelme, ińakʼ goṭa disạmge am samaṅre menakʼa. Jãhãregem kusikʼ onḍege am dom girobas daṛeakʼa.”

Genesis 45:19

Noa chaḍa am cetanre ińakʼ noa hukum tahẽyena, amren boehakom metakoa onko do akoren bạhuko ar kạṭicʼ gidrạko lạgitʼ Misor disạm khon gạḍiko idiyma, ar akoren apatko ạguyema.

Genesis 45:21

Israelren hoponko do onkageko kạmikeda. Pharaoakʼ hukum leka Joseph do onko lạgitʼ gạḍi ar horte lạgitʼ jomakʼe kolatʼkoa.

Genesis 47:6

Ar goṭa Misor disạmge am samaṅre menakʼa. Onate disạm reakʼ joto khon bhage utạrakʼ jaegare am baba ar boehatam girobasokʼ lạgitʼ jaega emakom. Onko do Gosenreko girobasokʼma. Ar onko modre lek lekan hoṛko ńamlen khan onko cetanre ińren mĩhũ-merom reakʼ bhar hõń emakoa.”