Genesis 45:15 - সান্তালী বাইবেল

¹⁵ Ona tayom Joseph do acʼren boehakoe cokʼatʼkoa ar hạṛupʼketʼkoteye rakʼkeda. Unre uniren boehako do uni tulucʼko galmaraokeda.

Genesis 45:15 Referans Kwoze

Luk 15:20

“Noa menkate uni doe beretʼente acʼ apat ṭhene calaoena. Ado sạṅgińreye tahẽkanrege uniren apattetʼ doe ńel ńamkedea ar ạḍi mãyã hecʼadea. Ar ńir senkate uniye hạṛupʼkedea are cokʼ cokʼadea.

Aposkạmi 20:37

Ar manḍerren sanam mukhiyạko do Pạul hạṛupʼ kedeteko cokʼadea ar rarakʼko ehopʼena.

Sereńko 77:4

Amge ińakʼ mẽtʼ do beṅgetʼem dohoyetʼtiń tahẽkana; ar iń do ạḍiń ạndukʼ mạndugok ʼkan tahẽkana, ar onate katha hõ bạń roṛ daṛeakʼkan tahẽkana.

2 Samuel 14:33

Unre Joab do raj ṭhen senkate ona kathae lạiyadea. Ar raj do Absalome hohoade khan uni do raj samaṅre otreye ombakʼena. Unre raj do Absalome cokʼadea.

1 Samuel 20:41

Uni koṛae calaoen khan Dạud do ona ḍạṅ akatʼ dhiri reakʼ dạkhin secʼ khone rakapʼ hecʼena. Uni do Jonathan samaṅre otreye ombakʼente pe dhaoe ḍobokʼadea. Ona tayom unkin dokin cokʼana ar rarakʼkin ehopʼena, tobe Dạud do ḍhergeye rakʼkeda.

1 Samuel 10:1

Ona tayom Samuel do mitʼṭecʼ sunum reakʼ botol ạgukate Sạulakʼ bohokʼreye dulkeda. Ar cokʼadeteye metadea, “Probhu Isor do acʼren hoṛko cetanre mukhiyạ menteye ojokʼ bahalketʼmea.

Rut reakʼ kạhini 1:14

Niạ katha ańjomkate onko do arhõ ãṭ aṛaṅte rarakʼko ehopʼena. Ona tayom Orpa do acʼren hanhartetʼe cokʼadete bidại hataokeda menkhan Rut do uni tulucʼe tahẽyena.

Rut reakʼ kạhini 1:9

Probhu Isor do abene bhora ben ma jemon arhõ sulukte jãwãe tulucʼ ben soṅsar daṛeakʼ.” Ar noa menkate uni doe cokʼatʼkinạ ar onko do ãṭ aṛaṅte rarakʼko ehopʼena.

Exodus 4:27

Inạ tayom Probhu Isor do Arone metadea, “Hahaṅkarre senkate am do Mose tulucʼ ńapamokʼme.” Unre uni doe calaoena ar Isorakʼ burure Moseye ńamkedea are cokʼadea.

Genesis 45:2

Uni do nunạkʼ ãṭ rarakʼe ehopʼena, ona do misriko hõko ańjom tiyokʼkeda ar Pharaoakʼ oṛakʼren hõko baḍae ocoketʼkoa.

Genesis 33:4

Unre Esau do uni ṭhen ńir hecʼenteye hạṛupʼkedea are kokekedeteye cokʼadea. Ar ona tayom do bana hoṛkin rakʼana.

Genesis 29:13

Laban do acʼ misratren hopon Jakobakʼ hijukʼ reakʼ khobore ńamketʼ khan ńir oḍokente uni sãote ńapamokʼe calaoena. Ar hạṛupʼkedeteye cokʼ adea ar acʼakʼ oṛakʼteye ạgukedea. Unre Jakob do acʼakʼ joto katha Labane lạiyadea.

Genesis 29:11

Ona tayom do Rahele cokʼadete ãṭ aṛaṅte rarakʼe ehopʼena.

Genesis 42:24

Unre Joseph do onko ṭhen khon oḍok senkateye rakʼkeda, ar ona tayom do ruạṛ hecʼkate onko sãote arhõ galmaraoe ehopʼena. Ar Simeone bachaokedete onko samaṅrege tole reakʼe hukumkeda.

Genesis 45:14

Niạ tayom Joseph do acʼren boeha Benjạmine hạṛupʼkedete rarakʼe ehopʼena ar Benjạmin hõ hạṛupʼkateye rakʼkeda.

Genesis 45:16

Josephren boehakoakʼ hijukʼ reakʼ khobor Pharaoakʼ oṛakʼte seṭeren khan Pharao ar uniren kạmiyạko do ạḍiko kusiyena.

Genesis 46:29

Joseph do acʼren apat Israel tulucʼ ńapamokʼ lạgitʼ acʼakʼ rãt gạḍiye sapṛaoketʼte Gosenteye calaoena. Ar apattetʼ sãote ńapam torage uni do hoṭokʼre hạṛupʼkedete ạḍi ghạṛicʼe rakʼkeda.