Genesis 44:30 - সান্তালী বাইবেল

^30-31 “Ona iạte ńitokʼ amren golam ṭhen, metakʼme iń baba ṭheniń ruạṛ calaolen khan ar uniren hopon iń sãote bae ńel ńamle khan khạṭige uni doe gujukʼa, ente hopontetʼ tulucʼ uniyakʼ jiwi do tol akantaea. Ar nonkate amren golamko do akoren baba, metakʼme amren golam do ạḍi duk salakʼ patal purite calakʼ hoyokʼtaea.

Genesis 44:30 Referans Kwoze

1 Samuel 18:1

Sạul tulucʼ Dạudakʼ galmaro mucạtʼen khan Jonathanakʼ jiwi do Dạudakʼ jiwi tulucʼ tolentaea. Onate Jonathan do acʼakʼ jiwi leka Dạude dulạṛkedea.

2 Samuel 18:33

Niạ katha ańjomkate rajakʼ mon do dukte perecʼentaea. Uni do phaṭok-duạr cetan reakʼ kandhate senkate rarakʼe ehopʼena. Uni do niạ katha men menteye rakapʼ calaoena, “Hae, ińren hopon Absalom, hae ińren hopontiń, hae ińren hopontiń do!”

1 Samuel 25:29

Ińren mạlik goje lạgitʼ jãhãeye khudạulere hõ ińiń baḍaea Probhu Isor do uniyakʼ jiwiye poṭom okokataea are rukhiyạyea. Menkhan amren bạirikoakʼ jiwi do ginḍwạrite dhiri ghiriyạ giḍikakʼ lekageye capatʼ giḍikoa.

Genesis 44:34

Nui koṛa begorte iń do cekate iń baba ṭheniń ruạṛ calakʼa? Ariń onkae khan uniyakʼ duk do ińakʼ mẽtʼte ńeńel hoyokʼtińạ.”

Genesis 44:17

Menkhan Josephe menkeda, “Iń khon sahaṛ akan tahen ma onka kạmi do. Okoe ṭhen ona bạṭi ńamlen eken unige ińren golame hoyokʼa. Menkhan ape do nirạite aperen baba ṭhen ruạṛ calakʼpe.”

Genesis 44:20

Unre hujurle metade tahẽkana, ‘aleren baba doe jiwetʼgea ar haṛam umerre uniren do mitʼṭen hopon menaetaea. Uniren boeha doe gocʼena, ar mitʼ gogoren hopon lekate ńitokʼ do uni eskarge menaea. Onate uniren baba do ạḍiye dulạṛedea.’

Genesis 44:22

Menkhan ale do hujurle metade tahẽkana, ‘apattetʼ bạgikate uni do bae hecʼ daṛeakʼa. Are hijukʼ khan apattetʼ doe gujukʼa.’