Genesis 44:20 - সান্তালী বাইবেল

²⁰ Unre hujurle metade tahẽkana, ‘aleren baba doe jiwetʼgea ar haṛam umerre uniren do mitʼṭen hopon menaetaea. Uniren boeha doe gocʼena, ar mitʼ gogoren hopon lekate ńitokʼ do uni eskarge menaea. Onate uniren baba do ạḍiye dulạṛedea.’

Genesis 44:20 Referans Kwoze

Genesis 37:3

Haṛam umerren hopone tahẽkan iạte Israel do joto hoponko khon Josephge ḍhere dulạṛede tahẽkana. Ar mitʼṭecʼ tilpạṅ talpaṅ aṅgrope benaoade tahẽkana.

Genesis 42:38

Menkhan Jakobe menkeda, “Baṅ, ińren nui hopon do ape sãote bae calakʼa. Uniren boehae gocʼ ocoakana, ar nui do ńitokʼ eskarge menaea. Apeakʼ calakʼ horre nuiyakʼ jãhãn muhin hoylen khan enḍekhan noa haṛam umerre ạḍi duk ńamkate patal puritepe ãṛgo calakʼ hoyokʼtińạ.”

Luk 7:12

Ado ona ato reakʼ phaṭok-duạr ṭhene seṭeren khan mitʼṭen gocʼ hoṛ do bahreteko oḍok idiyede tahẽkana. Ar okoeye gocʼ akan tahẽkan uni do eṅgattetʼren sadher hopone tahẽkana, ar uni maejiu hõ rạnḍigeye tahẽkana. Ar atoren ḍher hoṛge uni rạnḍi maejiu sãoteko tahẽkana.

Genesis 49:8

“E Jihudạ, amren boeha do amko sarhaomea. Amakʼ ti do amren bạirikoakʼ hoṭokʼre tahena; ar amren boeha do amko ḍobokʼama.

Genesis 46:21

Benjạminren hoponko do Bela, Beker, Asbel, Gera, Naman, Ehi, Ros, Mupim, Hupim ar Ard.

Genesis 42:36

Uni do onkoe metatʼkoa, “Ape dope nirbõskedińa. Joseph hõ bạnuiya, Simeon hõ bạnuiya, ar ńitokʼ ape do Benjạmin hõ idiyepe meneda. Noako kosṭo reakʼ bojha do ińge gogokʼ hoyokʼtińạ.”

Genesis 42:13

Menkhan onkoko menkeda, “Amren golamko do jotote gelbar boehako kanale. Ale do Kanan disạmren mitʼhoṛ ren hopon kangeale. Aleren huḍiń utạricʼ boeha do ńitokʼ aleren baba ṭhen menaea, ar aleren armitʼ boeha do jiwetʼ bạnuitalea.”

Genesis 37:19

Onko do ako akoreko mepenena, “Hạni ńelepe, kukmũ gurui hijukʼ kana.

Genesis 35:18

Menkhan Rahel doe gocʼena. Gujukʼ jokhecʼ gidrạwakʼ ńutum do Benoniye dohoketʼtaea (Metakʼme “Ińakʼ dukren hopon”). Menkhan uniren apat do uniyakʼ ńutum Benjạmine dohoketʼtaea (metakʼme “Bhạganren hopon”).