Genesis 44:18 - সান্তালী বাইবেল

¹⁸ Unre Jihudạ do Joseph ṭhen senkateye menkeda, “Hujur, am do Pharaoakʼ jaegare menama, onate amren golam am ṭhen thoṛa katha roṛ lạgitʼ aṛakʼạńme. Amren golam cetanre alom edrekʼa.

Genesis 44:18 Referans Kwoze

Exodus 32:22

Arone roṛ ruạṛkeda, “Alom edrekʼa, am dom baḍaegea noko hoṛ do bạṛicʼreko jobe akana.

Genesis 41:40

Onate amge raj oṛakʼ reakʼ sanamakʼ bhar do hataome. Ar ińren sanam porja do amakʼ hukum lekageko senokʼa. Iń do eken raj lekate am cetanreń tahena.”

Genesis 18:30

Abrahame menkeda, “Ińren Probhu Isor do ińakʼ kathate aloe ạṛisokʼma. Onḍe jodi pegel dhorom hoṛko ńamokʼ?” Uniye menkeda, “Pegel dhorom hoṛko ńamlen khan ona do bạń maraoa.”

Genesis 41:44

Tayomte uni do Josephe metadea, “Ńitʼ hạbicʼ raj minạńrehõ enhõ goṭa Misor disạmren hoṛ do amakʼ hukum lekage duṛupʼ arko teṅgona.”

Genesis 18:32

Unre Abrahame menkeda, “Ińren Probhu Isor do alo baṛeye ạṛisokʼma, iń do ar mitʼ dhaoiń meneda, onḍe eken gel hoṛko ńamokʼ?” Uniye menkeda, “Onko gel hoṛko iạte iń do ona nagraha bạń maraoa.”

Aposkạmi 2:29

“E boehako, noa katha do khạṭigeń men daṛeakʼa je, raj bõsren baba Dạud doe gocʼena ar topa hõe topa ocoakana ar uniyakʼ topa do teheń hõ nonḍe menakʼa.

Johan 5:22

Baba do okoe hõ bae bicạrkoa, menkhan joto bicạr reakʼ dạyik do Hopone emakawadea,

Daniel 5:19

Uni do daṛeye emocoyen khan sanam jạtrenko, disạmrenko ar pạrsirenko do uni samaṅre botorteko thar tharaokʼkan tahẽkana. Uni do acʼakʼ kusi lekae gocʼetʼko tahẽkana ar acʼakʼ kusi leka jiwetʼe dohoyetʼko tahẽkana ar jãhãege moneyae unige cetan hudại emaekan tahẽkana ar jãhãege moneyae unigeye copotʼede tahẽkana.

Daniel 3:15

Ńitokʼ ape do sakwa, tiriạ, binạ banam, peṛesaṅ, taranakʼ banam, joṛa murli ar sanam lekan bajna reakʼ saḍe ańjomkate ińren bekʼnaoicʼ murhutʼ ḍobokʼae lạgitʼ sapṛao akaepe tahen enḍekhan ma bhagege. Ar jodi bape ḍobog enḍekhan jolokʼkan bhaṭare unregepe khadle ocokʼa. Unre cele debota hõ ińakʼ ti khon do bako bańcao daṛeapea?”

Kạhtukko 19:12

Rajakʼ raṅgao do gondraokʼkan dhạcri kul leka, menkhan uniyakʼ daya do ghãsre ńur akan sisir dakʼ leka.

Sereńko 79:5

E Probhu Isor, ar tinạkʼ din? Am do cetʼ jaejugge edre akanem tahena? Ar tinạkʼ din amakʼ ãṭokʼ reakʼ jala do seṅgel leka jolokʼtege tahena?

Jobakʼ 33:31

“E Job, moneyakʼme ar ińakʼ katha atentińme hape akae tahenme, adoń roṛa.

Ester 1:12

Rajren sapʼdapʼko do rajakʼ hukum rạniko baḍae ocokede khan Bạsti rạni do onko sãote hijukʼ bae rebenlena. Onate raj do edreteye seṅgelena.

2 Samuel 14:12

Unre maejiue menkeda, “Ińren kisạ̃ṛ maharaj ṭhen mitʼṭecʼ katha baṛe roṛ ocowạńme.” Uni doe menkeda, “Ma roṛme.”

Genesis 37:7

Ona do nonka, abo do khetre getʼakatʼ phosol reakʼ ạṭi bon toleda; menkhan hahaṛa do noage je, ińakʼ ạṭi do sojhete teṅgo akana. Ar ona tayom apeakʼ ạṭiko do ińakʼ ạṭi beṛhaete teṅgokate ińakʼ ạṭiko ḍobokʼada.”

Genesis 37:8

Unre uniren boeha do uniko metadea, “Am do cetʼ sạrigem hudiseda rajem hoyokʼa ar ale cetanre hukumem calaoa?” Uniyakʼ kukmũ ar kathate uniren dadattetʼtako do arhõ bạ̃ṛti hiskạwaeko ehopʼena.

Genesis 44:17

Menkhan Josephe menkeda, “Iń khon sahaṛ akan tahen ma onka kạmi do. Okoe ṭhen ona bạṭi ńamlen eken unige ińren golame hoyokʼa. Menkhan ape do nirạite aperen baba ṭhen ruạṛ calakʼpe.”

Genesis 37:6

Joseph doe metatʼko tahẽkana, “Ańjompe, iń do mitʼṭecʼ kukmũń ńel akada.