Genesis 43:30 - সান্তালী বাইবেল

³⁰ Boehae ńelkede khan Josephakʼ ontor do bhak bhakaoentaea. Uni do usạrate onḍe khone oḍokena ar acʼakʼ kandhare bolokate rarakʼe dhurạuena.

Genesis 43:30 Referans Kwoze

Genesis 42:24

Unre Joseph do onko ṭhen khon oḍok senkateye rakʼkeda, ar ona tayom do ruạṛ hecʼkate onko sãote arhõ galmaraoe ehopʼena. Ar Simeone bachaokedete onko samaṅrege tole reakʼe hukumkeda.

Jirimiạ 31:20

Ephrayim do cetʼ ińren sadher hopon doe baṅ kantińạ? Nui do cetʼ uni hopon doe baṅ kantińạ one uni ńelteń kusikʼkan? Uni upạrte jao okte kathań roṛ akatʼrehõ enhõ iń do jaogeń disạyede kana. Ona iạte ińakʼ jiwi do uni lạgitʼe rakʼeda; uni lạgitʼ ińakʼ daya do menakʼgetińạ.

Philipiko lạgitʼ Pạul apostolakʼ ciṭhi 2:1

Enḍekhan Mạsi tulucʼpe kolom mitʼakan iạte uskur mon ńamokʼkan khan, ar Mạsiyakʼ dulạṛ iạte jiwire juḍạsi ńamokʼkan khan, sonot Jiu ar ape talare helmel menakʼ khan, apeakʼ ontorre mãyã ar daya menakʼ khan,

Philipiko lạgitʼ Pạul apostolakʼ ciṭhi 1:8

Mạsi Jisuakʼ mãyã monte ape tinạkʼ iń dulạṛetʼpe ona reakʼ goha do Isorge.

Hosea 11:8

“E Ephrayim, am do cekateń bạgimea? E Israel, cekate am do eṭakʼ hoṛakʼ tireń jimạmea? Cekate iń do Adma ar Seboyim lekań marao utạrmea? Am lạgitʼ ińakʼ ontor do ahkaokʼkantińa; ińakʼ daya do amre rakabokʼkana.

1 Rapajko 3:26

Ado okoeren gidrạ jiwetʼgeye tahẽkan uni do gidrạ lạgitʼ mon khad badaoentaete raje metadea, “E ińren mạlik, nehõram kạnạń, gidrạ do alogem gojea; unige emaeme baṛe.” Menkhan eṭakʼ maejiu doe menkeda, “Uni do ińren hõ baṅ ar amren hõ aloe hoyokʼma. Uni do talate paṛage hoyokʼa.”

Genesis 45:2

Uni do nunạkʼ ãṭ rarakʼe ehopʼena, ona do misriko hõko ańjom tiyokʼkeda ar Pharaoakʼ oṛakʼren hõko baḍae ocoketʼkoa.

1 Johan 3:17

Noa dhạrtire jiwetʼ tahen lạgitʼ okoeyakʼ ạsulokʼakʼko menakʼtae, ar acʼren boehawakʼ reṅgecʼ ńelkate hõ bae beṅgetʼae enḍekhan cekate uniyakʼ ontorre Isorakʼ dulạṛ do tahẽ daṛekokʼa?

2Timothi 1:4

Ar amakʼ mẽtʼ dakʼ disạkate am tulucʼ ńapamokʼ iń cuṭ cuṭokʼ kana, jemon ińakʼ mon rạskạte perejokʼtiń.

Kolossiko lạgitʼ Pạul Apostolakʼ ciṭhi 3:12

Onate Isor okoekoe bachao akawan onko sonotko ar dulạṛiạko lekate mãyãkʼ mon, dulạṛ, mạ̃hir, nindhạn ar soborite apnar sajokʼpe.

Aposkạmi 20:37

Ar manḍerren sanam mukhiyạko do Pạul hạṛupʼ kedeteko cokʼadea ar rarakʼko ehopʼena.

Aposkạmi 20:31

Onate ape do sontor akae tahenpe. Disạipe, iń do pe bochor khon siń ńindạ mẽtʼ dakʼ joro joroteń sontor akatʼpea, ar tisge bạń thirakana.

Aposkạmi 20:19

Jihudikoakʼ ạḍi lekan phor phundi iạte bạṛicʼ biḍạukoreń paṛaolena, menkhan iń do nindhạn monte mẽtʼ dakʼ joro jorote Probhu Isorren sapʼ dapʼicʼiń hoyakana.

Genesis 46:29

Joseph do acʼren apat Israel tulucʼ ńapamokʼ lạgitʼ acʼakʼ rãt gạḍiye sapṛaoketʼte Gosenteye calaoena. Ar apattetʼ sãote ńapam torage uni do hoṭokʼre hạṛupʼkedete ạḍi ghạṛicʼe rakʼkeda.