Genesis 43:29 - সান্তালী বাইবেল

²⁹ Joseph do beṛhaete beṅgetʼkate acʼren boeha Benjạmine ńelkedeteye menkeda, “Nui do cetʼ aperen huḍiń utạricʼ boeha kanae one okoe reakʼ kathape metadiń tahẽkan?” Ona tayom uni do Benjạmine metadea, “Isore dayawam ma!”

Genesis 43:29 Referans Kwoze

Numeri 6:25

Probhu Isor do acʼakʼ mẽtʼãhã am secʼe marsal ocoyma; are dayawam ma.

Genesis 42:13

Menkhan onkoko menkeda, “Amren golamko do jotote gelbar boehako kanale. Ale do Kanan disạmren mitʼhoṛ ren hopon kangeale. Aleren huḍiń utạricʼ boeha do ńitokʼ aleren baba ṭhen menaea, ar aleren armitʼ boeha do jiwetʼ bạnuitalea.”

Ibriko 13:1

Ape mimitʼko boeha leka dupulạṛpe.

1Timothi 1:2

Biswạsi lekate sạri gidrạtiń Timothi ṭhen noa ciṭhi doń oleda. Aboren Isor Baba ar Probhu Jisu Mạsi do daya, mãyã ar suluke dan am ma.

Mark 10:24

Khan celako do Jisuakʼ noa katha ańjomteko hahaṛayena. Jisu do arhõe metatʼkoa, “E bachako, okoe dhon-duribreko bhorsakʼkan onko lạgitʼ Isorakʼ rajte bolokʼ do muskilgea.

Mathae 9:22

Jisu do ạcurente uni ńel ńamkedeteye metadea, “E mạ̃i dil joṅme. Amakʼ pạtiạugeye bogeakatʼmea.” Ar inạ ghuṛi khonge maejiu doe boge utạrena.

Mathae 9:2

Unre hoṛko do jaṛao akan mitʼṭen mitʼkaṛ gocʼ rog hoṛ parkomte uni ṭhenko ạgukedea. Jisu do onko hoṛkoakʼ pạtiạu ńelte rugiye metadea, “Diljoṅ me, bacha amakʼ kạiko do ikạyen tama.”

Malaki 1:9

Ńitokʼ Isor ṭhen daya khojkate cetʼ lab? Apeakʼ tite nonkanakʼpe samaṅetʼ khan uni do cetʼ ape bae nihạ̃tpea? Ańjompe, phạdkoren Probhu Isor katha, uni okae menetʼ,

Jesaea 33:2

E Probhu Isor, alere dayakʼme; ale do am lạgitʼgele koyokʼ hor akada. Dinạmge setakʼ jokhecʼ ińren hoṛkoren daṛe baṛe hoyokʼme, ar muhinre bańcaoleme.

Jesaea 30:19

E Sionren hoṛko, okoe do Jerusalemrepe tahenkan, ape do ar bape raga. Goṛo ńam lạgitʼpe rakʼle khan uni do khạṭigeye dayawapea. Uni do ańjom torageye roṛ ruạṛapea.

Sereńko 112:4

Okoakʼ ontor khạṭige uni lạgitʼ do ńutre hõ marsalge tahena, ente uni do daya ar mãyãteye perecʼgea are dhoromgea.

Sereńko 111:4

Uni do acʼakʼ hahaṛa kạmikoe disạ ocokeda; uni do daya ar mãyãteye perecʼgea.

Sereńko 67:1

E Isor, dayawaleme ar bhoraleme baṛe; amakʼ daya do marsal leka alere paṛaokʼma; (Sela)

2 Bõsbudạ 29:11

E ińren hoponko, ape do ńitokʼ ar alope duṛupʼ hapekokʼa, ente Probhu Isor samaṅre teṅgokʼ ar uniren sapʼ sosoricʼ lekate kạmi ar dhup jered lạgitʼ uni do apegeye bachao dohoakatʼpea.”

Josuạ 7:19

Josuạ do unre Akhane metadea, “E bạbu, sạri katha menkate Israelkoren Isor sarhao ar ṭhonokʼ emaeme; ar am okam ceka akatʼ ona lạiyạńme, alom okoea.”

Genesis 45:8

Ape do bape kolakadińạ, menkhan Isorgeye kol akadińạ. Uni do pharaoren apatakʼ ṭhạ̃ireye dohoakadińạ ar acʼakʼ gharońj cetanre mạlike dohoakadińạ. Ona chaḍa uni do goṭa Misor disạm cetanre cakʼlaoicʼ menteye dohoakadińạ.

Genesis 42:11

Ale do jotoge mitʼ babaren hopon kanale. Kharap hoṛ dole baṅkana. Ale amren golam do disạm cikʼyạ hoṛ dole baṅkana.”

Genesis 35:24

Ar Rahelakʼ kukhire do Joseph ar Benjạmin tạkinkin janamlena.

Genesis 44:21

“Ona tayom am do amren golamkom metatʼle tahẽkana, ‘iń ṭhen ạguiyepe; iń do uniń ńelea.’