Genesis 43:28 - সান্তালী বাইবেল

²⁸ Onkoko roṛ ruạṛkeda, “Amren golam aleren baba do ńit hõe jiwetʼgea ar bogege menaea.” Ar noa menkate ombakʼkateko ḍobokʼadea.

Genesis 43:28 Referans Kwoze

Genesis 37:7

Ona do nonka, abo do khetre getʼakatʼ phosol reakʼ ạṭi bon toleda; menkhan hahaṛa do noage je, ińakʼ ạṭi do sojhete teṅgo akana. Ar ona tayom apeakʼ ạṭiko do ińakʼ ạṭi beṛhaete teṅgokate ińakʼ ạṭiko ḍobokʼada.”

Genesis 43:26

Ado Joseph oṛakʼteye hecʼena khan onko do akoakʼ ona dan oṛakʼ bhitriteko ạgukeda ar uniko emadete ombakʼkateko ḍobokʼadea.

2 Bõsbudạ 24:17

Jehoyada gujukʼ tayom Jihudạren mukhiyạko do hecʼkate rajko ḍobokʼadea ar raj do onkoakʼ kathae ańjomkeda.

1 Rapajko 1:16

Bethseba do raje joharadea. Raj do uniye kulikedea, “Jãhãnakʼem khojkana?”

2 Samuel 14:4

Tekoaren uni maejiu do unre raj ṭhen senkate otre ombakʼente uni ḍobokʼadeteye menkeda, “E maharaj, rukhiyạyińme baṛe!”

2 Samuel 1:2

Ar tesar hilokʼ Sạulren lạṛhại phạdkoakʼ ḍera khon mitʼṭen hoṛ do Dạud ṭhene hecʼena. Uniyakʼ kicricʼ do oṛecʼ oṛecʼ ar bohokʼre do dhuṛi tahẽkantaea. Uni do Dạud ṭhen hecʼkate otre ombakʼkateye ḍobokʼadea.

Exodus 18:7

Khobor ańjomkate Mose do acʼren hońhartetʼ sãote ńapamokʼ lạgitʼe oḍok hecʼena. Uni do hońhartetʼe ḍobokʼadea are cokʼadea. Ar boge judạkin kuliyante tạmbu bhitriteye aderkedea.