Genesis 43:27 - সান্তালী বাইবেল

²⁷ Ar uni do boge judại kuliketʼkoa, “Aperen baba uni haṛam hoṛ do cetʼ bogege menaea? Uni do cetʼ ńitʼhõe jiwetʼgea?”

Genesis 43:27 Referans Kwoze

Genesis 42:13

Menkhan onkoko menkeda, “Amren golamko do jotote gelbar boehako kanale. Ale do Kanan disạmren mitʼhoṛ ren hopon kangeale. Aleren huḍiń utạricʼ boeha do ńitokʼ aleren baba ṭhen menaea, ar aleren armitʼ boeha do jiwetʼ bạnuitalea.”

1 Bõsbudạ 18:10

Unre uni do Dạud sarhaoe ar johar emae lạgitʼ acʼren hopon Hadaram do Dạud raj ṭhene kolkadea. Toy do nui Hoddesor tulucʼge ạḍi dhaoe lạṛhạilena.

1 Samuel 25:5

Unre Dạud do gel goṭen juạn koṛa uni ṭhen kolketʼkoteye metatʼkoa, “Karmelren Nabal ṭhen calakʼpe ar iń ńutumte johar emkate metaepe, ‘Am ar am gharońjren hoṛkoakʼ ar amakʼ jotowakʼge bhạlại hoyokʼtam ma.’

1 Samuel 17:22

Unre Dạud do acʼakʼ jinisko horhoicʼ ṭhen doho oṭokate lạṛhại phạdko talareye ńir boloyente dadatetʼtako boge judại kuli baṛeketʼkoa.

Bikʼcạrko 18:15

Niạ katha ańjomkate onko do Mikạwakʼ oṛakʼren uni Liwi koṛawakʼ oṛakʼteko boloyena ar boge bạṛicʼ reakʼ khoborko hataokeda.

Exodus 18:7

Khobor ańjomkate Mose do acʼren hońhartetʼ sãote ńapamokʼ lạgitʼe oḍok hecʼena. Uni do hońhartetʼe ḍobokʼadea are cokʼadea. Ar boge judạkin kuliyante tạmbu bhitriteye aderkedea.

Genesis 42:11

Ale do jotoge mitʼ babaren hopon kanale. Kharap hoṛ dole baṅkana. Ale amren golam do disạm cikʼyạ hoṛ dole baṅkana.”

Genesis 41:16

Joseph do Pharaoe metadea, “Ona reakʼ daṛe do bạnukʼtińạ. Menkhan Isor do Maharajakʼ kukmũ reakʼ manetetʼe lạiyaea ar uniyakʼ monre suluke danaea.”

Genesis 37:14

Israel do arhõe menkeda, “Amren dadamtako ar bhiḍi-meromko cetʼleka menakʼkoa senkate ona reakʼ khoborem ạguạńạ.” Ar noa menkate Joseph do Hebron reakʼ buru lodam khone kolkadea. Joseph do tinre Sikemteye seṭerena unre mitʼṭen hoṛ do bilạn ṭạnḍire ạcur baṛaekan ńelkedeteye kulikedea, “Cetʼem sendra baṛakana?”

Genesis 43:7

Onkoko menkeda, “Menkhan uni hoṛ do abo ar aboakʼ gharońj reaṅ ạḍiye kuliketʼlea, ‘Aperen baba do cetʼ ńitʼhõ jiwetʼ menaegea? Aperen do cetʼ arhõ boeha menakʼkotapea?’ Onatege ale do unile roṛ ruạṛade tahẽkana. Unre ale do cekatele baḍaea, uniye metalea, ‘aperen boeha ạguyepe’?”

Genesis 45:3

Joseph do acʼren boehakoe metatʼkoa, “Iń doń Joseph kana! Iń baba do cetʼ ńitʼhõ jiwetʼ menaegea?” Noa katha ańjomkate boehataeko do botorte thar tharaokʼko ehopʼena; onko do cetʼge bako roṛ ruạṛadea.

2 Rapajko 4:26

Am do ńir senkate kuliyem, uni, uniren jãwãe ar uniren gidrạ onko do bogege menakʼkoa se baṅa.” Maejiue menkeda, “Hẽ jotogele bogegea.”