Genesis 43:26 - সান্তালী বাইবেল

²⁶ Ado Joseph oṛakʼteye hecʼena khan onko do akoakʼ ona dan oṛakʼ bhitriteko ạgukeda ar uniko emadete ombakʼkateko ḍobokʼadea.

Genesis 43:26 Referans Kwoze

Genesis 42:6

Joseph do Misor disạmren disạm cakʼlaoicʼe tahẽkana. Uni cetanrege disạmren sanam hoṛko ṭhen anaj ạkhriń reakʼ bhar do tahẽkana. Onate Josephren dadattetʼtako hõ uni ṭhen senkate otre ombakʼkateko ḍobokʼadea.

Romiko lạgitʼ Pạul Apostolakʼ ciṭhi 14:11

Sonot sostorre olakana, “Probhu Isore meneda, ‘ińiń jiwetʼge iạte mitʼke mitʼ gunṭhi do iń samaṅre ikhṛumokʼa, ar mitʼke mitʼ alaṅ do Isore sarhaoea.’ ”

Genesis 27:29

Eṭakʼ jạtrenko do amko sapʼ sorama, ar sanam hoṛge amko ḍobokʼama. Am gusṭiren hoṛkoren mạlikkem hoyokʼa, onko do amko ḍobokʼama. Okoe amko sarapam onko cetanre hõ sarap paṛaokʼma; ar okoe amko bhoram onko hõ bhor hecʼakoma.”

Sereńko 72:9

Hahaṅkarren hoṛko do uni samaṅreko ombagokʼa. Ar uniren bạiriko do uniko ḍobokʼaea.

Genesis 43:28

Onkoko roṛ ruạṛkeda, “Amren golam aleren baba do ńit hõe jiwetʼgea ar bogege menaea.” Ar noa menkate ombakʼkateko ḍobokʼadea.

Genesis 33:3

Menkhan acʼ do onko laha lahateye sen idiyena. Ar sen idikʼ jokhecʼ uni do otre eae dhao ombakʼkate dadattetʼe ḍobokʼadea ar nonkate uni ṭhene seṭerena.

Genesis 43:11

Unre onkoren apate metatʼkoa, “Onkage hoyokʼ khan, enḍekhan mitʼṭecʼ kạmipe. Uni hoṛ lạgitʼ dan lekate noa disạm reakʼ bhage bhage jinisko reakʼ thoṛa thoṛa idi torawaepe, ona do noakoge, ran sunum, dumur rasa, jut so mosola, gondhoros, pesta jo ar badam.

Exodus 18:7

Khobor ańjomkate Mose do acʼren hońhartetʼ sãote ńapamokʼ lạgitʼe oḍok hecʼena. Uni do hońhartetʼe ḍobokʼadea are cokʼadea. Ar boge judạkin kuliyante tạmbu bhitriteye aderkedea.