Genesis 42:6 - সান্তালী বাইবেল

⁶ Joseph do Misor disạmren disạm cakʼlaoicʼe tahẽkana. Uni cetanrege disạmren sanam hoṛko ṭhen anaj ạkhriń reakʼ bhar do tahẽkana. Onate Josephren dadattetʼtako hõ uni ṭhen senkate otre ombakʼkateko ḍobokʼadea.

Genesis 42:6 Referans Kwoze

Johan sodor 3:9

Okoe apnarte Jihudiko ńumogokʼkan, menkhan Jihudiko baṅkan, onko Soetanakʼ dolren eṛe hoṛko am ṭheniń ạgukoa ar amakʼ jaṅga ṭheniń sewa ocokoa, ariń baḍae ocokoa, iń do amiń dulạṛetʼmea.

Genesis 45:8

Ape do bape kolakadińạ, menkhan Isorgeye kol akadińạ. Uni do pharaoren apatakʼ ṭhạ̃ireye dohoakadińạ ar acʼakʼ gharońj cetanre mạlike dohoakadińạ. Ona chaḍa uni do goṭa Misor disạm cetanre cakʼlaoicʼ menteye dohoakadińạ.

Genesis 44:14

Jihudạ ar uniren boehako do tinre Josephakʼ oṛakʼteko ruạṛena unre Joseph hõ onḍeye tahẽkana. Onko do senkate ombakʼkateko ḍobokʼadea.

Genesis 19:1

Enhilokʼge ạyupʼ jokhecʼ unkin serma goḍet do Sodom nagrahatekin seṭerena. Lot do unre nagraha reakʼ phaṭok duạr ṭhene duṛupʼ akan tahẽkana. Unkin ńelte uni doe beretʼena ar otre ombakʼkate ḍobokʼatʼkinteye menkeda,

Genesis 18:2

Ar unreye beṅgetʼ rakapʼketʼ khan, acʼ khon thoṛa sạṅgiń ńokʼre pe hoṛ teṅgo akane ńel ńamketʼkoa. Uni do onko ṭhene ńir senente otre ombakʼkateye joharatʼkoa ar ona tayom doe metatʼkoa, “Ńelpe, jãhãn osubida bạnukʼtape khan dayakate aperen guti khon do alope sahaṛokʼa.

Genesis 33:3

Menkhan acʼ do onko laha lahateye sen idiyena. Ar sen idikʼ jokhecʼ uni do otre eae dhao ombakʼkate dadattetʼe ḍobokʼadea ar nonkate uni ṭhene seṭerena.

Genesis 41:43

Noa tayom Joseph do acʼakʼ rajosṭi reakʼ dosarakʼ rãt gạḍireye duṛupʼkedea. Ar gạḍi calakʼ oktere Joseph laha lahateko roṛ sodorkeda, “Ikhṛumokʼpe, ikhṛumokʼpe.” Ar nonkate Pharao do goṭa Misor disạm reakʼ bhar Joseph cetanreye dohokeda.

Genesis 48:12

Unre Joseph do acʼren apatakʼ gunṭhikin aṛe khon acʼren hoponkine ocokʼketʼkinte otre ombakʼkate apattetʼe ḍobokʼadea.

1 Samuel 20:41

Uni koṛae calaoen khan Dạud do ona ḍạṅ akatʼ dhiri reakʼ dạkhin secʼ khone rakapʼ hecʼena. Uni do Jonathan samaṅre otreye ombakʼente pe dhaoe ḍobokʼadea. Ona tayom unkin dokin cokʼana ar rarakʼkin ehopʼena, tobe Dạud do ḍhergeye rakʼkeda.

Kạhtukko 11:26

Okoe hoṛ phosole dohobaekakʼ uni doko sarapaea, menkhan okoe onae ạkhriń uni do bhoranicʼe hoyokʼa.

Jesaea 60:14

Okoe amko santaoetʼme tahẽkan onkoren hoponko do am ṭhen tumbutʼkateko hijukʼa; ar okoeko nihạ̃tetʼme tahẽkan onko jotoge amko ḍobokʼama ar Probhu Isorakʼ nagraha, Israelren uni sonoticʼakʼ Sion menteko bikạumea.

Genesis 41:54

Ar ona tayom do akal reakʼ eae bochor ehopʼena. Ar Josephakʼ katha lekage jotowakʼ hoyena. Aḍe pase disạmko hõ noa akal khon rukhiyạ bae ńamleda, menkhan Misorre do okare hõ jomakʼ reakʼ okulạn baṅ tahẽkana.

Genesis 41:57

Ar eṭakʼ disạmkore hõ maraṅ akal hoyena, onḍenko hoṛ hõ Joseph ṭhen khon jomakʼ kiriń idijoṅ lạgitʼ Misorte hijukʼko ehopʼena.