Genesis 42:37 - সান্তালী বাইবেল

³⁷ Unre Ruben do acʼ apate metadea, “Benjạmin am ṭhen bạń ạgu ruạṛ daṛeae khan ińren banar hopon gocʼkinme. Am do Benjạmin ińakʼ tire jimạyem, iń do arhõ am ṭheniń ạgu ruạṛkaea.”

Genesis 42:37 Referans Kwoze

Mikạ 6:7

Probhu do cetʼ hajar hajar bheḍakoteye kusikʼa, uni do cetʼ sunumte perecʼ gaḍakoe bạsutakʼa? Ińakʼ ghạṭko ńutumte iń do cetʼ ińren pạhil janamicʼ hoponiń emaea, ińakʼ kại gunạkʼte cetʼ ińakʼ kukhi reakʼ jogeń samaṅaea?

Genesis 46:9

Rubenren hoponko do Hanok, Palu, Hesron ar Karmi.

Genesis 43:9

Ińge uni lạgitʼ jạmin iń teṅgoyena. Uni lạgitʼ ińge dạyiń tahena. Am ṭhen baṅ ruạṛ ạgu daṛeae khan jaejug hạbicʼ am ṭhen dusi akaniń tahenma.

Genesis 42:36

Uni do onkoe metatʼkoa, “Ape dope nirbõskedińa. Joseph hõ bạnuiya, Simeon hõ bạnuiya, ar ńitokʼ ape do Benjạmin hõ idiyepe meneda. Noako kosṭo reakʼ bojha do ińge gogokʼ hoyokʼtińạ.”

Genesis 42:38

Menkhan Jakobe menkeda, “Baṅ, ińren nui hopon do ape sãote bae calakʼa. Uniren boehae gocʼ ocoakana, ar nui do ńitokʼ eskarge menaea. Apeakʼ calakʼ horre nuiyakʼ jãhãn muhin hoylen khan enḍekhan noa haṛam umerre ạḍi duk ńamkate patal puritepe ãṛgo calakʼ hoyokʼtińạ.”