Genesis 42:28 - সান্তালী বাইবেল

²⁸ Unre uni do acʼren boehakoe metatʼkoa, “Ma ńelpe, ińakʼ ṭaka do em ruạṛ akana. Ińakʼ ṭaka do bostarege menakʼa.” Noa ńelte onko do botorteko keklesetʼena. Onko do thar tharaokʼ tulucʼ apan ạpinko beṅgetʼ baṛawana arko menkeda, “Isor abo cetanre noa do cetʼe cekakeda?”

Genesis 42:28 Referans Kwoze

Luk 21:26

Ar dhạrtire darakanakʼko reakʼ botorte hoṛko doko keklesedokʼa, ente siń cando, ńindạ cando ar ipilko do ar bako ṭarhao tahena.

Amos 3:6

Nagrahare sakwa reakʼ saḍe ańjomle khan hoṛ do cetʼ bako botorokʼa? Probhu Isor bae hoyocole khan nagrahare cetʼ muhin do paṛaokʼa?

Rak̕joṅ 3:37

Probhu Isor hukum bae emokʼ khan moca roṛte jãhãe jãhãnakʼe hoyoco daṛekea?

Rak̕joṅ 2:17

Probhu Isor do acʼakʼ goṭawakʼ lekageye kạmi akada; one okaṭakʼ katha ḍher laha khongeye roṛletʼ uni do ona kathae purun akada. Uni do begor mãyãtegeye lebda giḍi akatʼmea; bạiriko hõ am upạrteye rạskạ ocoyetʼkoa, uni do am upạrtenkoakʼ daṛeye ḍher ocoyetʼtakoa.

Jesaea 45:7

Ińge marsal ar ńutiń benao akada; ińge bhạlạiyiń ạguiyeda ar ińge ghoṭnań sirjạueda. Iń Probhu Isorge niạkoń nonkayeda.

Soros sereń 5:6

Dulạṛiạtiń lạgitʼ iń do duạriń jhicʼkeda, menkhan uni doe gusạu senena. Uni do tinre kathae roroṛkan tahẽkana unre ińakʼ jiwi do oṭaṅ lentińạ. Iń doń sendra baṛakedea, menkhan bạń ńamledea; hohowạdiyạń, menkhan bae goṅledeńa.

Sereńko 61:2

Ińakʼ mon loraolen tińre hõ ar dhạrti reakʼ mucạtʼ simạkoreń tahenre hõ iń do onḍe khon hõ amiń hohowama. Ar nonkan usul aotan burure ạyur rakabińme okaṭakʼ do iń khon ḍher pharakre menakʼ.

1 Rapajko 10:5

Uni do arhõe ńelkeda uniyakʼ ṭebil reakʼ jomakʼ, uniren kạmiyạkoakʼ tahen jaega, mońj mońj horokʼ bande akatʼ uniren sapʼsosorko, uniren darkha rasa dudulko ar ona siṛhi, one okaṭakʼ siṛhite uni do Probhu Isorakʼ oṛakʼteye rakapʼ calakʼkan tahẽkan. Ar noako ńelte uni doe ṭhak utạrena.

Dosar Biboron 28:65

Onko jạtrenko talare suluk do bape ńama, ar jirạukʼ lạgitʼ apnarakʼ jãhãn ṭhạ̃ige baṅ tahentapea. Onḍe Probhu Isor do dhak dhakaokʼkan mon ar loraokʼkan jiwi ar as akan koyokʼ horakatʼ mẽtʼe emapea, ar apeakʼ ontor do be asteye perecʼ ocoytapea.

Levitikus 26:36

Aperen okoe do bạirikoakʼ disạmre jiwetʼko tahen onkoakʼ ontorre nonkan botor iń caṛhao ocoya, onko do hoete sakam reakʼ saḍeko ańjomlere hõ botorteko ńir pharakokʼa. Lạṛhại botorte cetʼleka manwako ńir pharakokʼ onkage onko hõko ńirjoṅa. Ar bako lagalekore hõ onko doko ńir pharakokʼa arko tohotʼ bhindạṛokʼa.

Genesis 43:23

Uni ńel todaroticʼ doe menkeda, “Jotoge ṭhikgea, alope botorokʼa. Ape ar aperen babaren Isorge ona dan do apeakʼ bostareye doholeda. Apeakʼ ṭaka doń ńam akada.” Ar noa menkate Simeon do onko ṭhene oḍok ạgukedea.

Genesis 42:36

Uni do onkoe metatʼkoa, “Ape dope nirbõskedińa. Joseph hõ bạnuiya, Simeon hõ bạnuiya, ar ńitokʼ ape do Benjạmin hõ idiyepe meneda. Noako kosṭo reakʼ bojha do ińge gogokʼ hoyokʼtińạ.”

Genesis 27:33

Noa katha ańjomkate Isahak doe thar tharaoena. Uni doe menkeda, “Enḍekhan sendra jel do okoeye ạguạdińa? Iń do am hijukʼ laharege onań jomkeda ar uni hõń bhoradea, ar ona bhor reakʼ jo do unigeye ńama.”

Genesis 42:29

Onko do Kanan disạmte ruạṛ senkate noako reakʼ sanamakʼ akoren apatko lạiyadea,