Genesis 42:2 - সান্তালী বাইবেল

² Uni do arhõe metatʼkoa, “Ańjompe, ińiń ańjomakada Misor disạmre jomakʼ menakʼa. Onate ape do onḍe senokʼpe ar abo lạgitʼ jomakʼ kiriń ạguipe jemon jiwetʼbon tahen ar alobon gujukʼ.”

Genesis 42:2 Referans Kwoze

Genesis 43:8

Unre Jihudạ do acʼ babae metadea, “Uni do ale sãote sen ocoaeme baṛe. Ale do usạrate senkatele ruạṛ hijukʼa jemon am ar ale aleren gidrạko jiwetʼko tahen ar alo bon gujukʼ.

Mathae 4:4

Jisui roṛ ruạṛkeda, “Sonot sostorre ol menakʼa, eken piṭhạ motote manwa do jiwetʼ bako tahena, menkhan Isorakʼ moca khon oḍokokʼ kan mitʼke mitʼ kathatege jiwetʼko tahena.”

Jesaea 38:1

Onako dinre Hiskiạ do gujukʼ dạkhile ruạ kạhil akan tahẽkana. Unre Amosren hopon Jesaea nạbi do uni ṭhen senkateye menkeda, “Probhu Isore meneda, amakʼ oṛakʼ duạr sạriạutam, ente am dom gujukʼgea, ar bam bogekʼa.”

Sereńko 118:17

Iń do bạń gujukʼa, jiwetʼgeń tahena, ar Probhu Isor okae kạmi akatʼ onań lại jạhira.

Genesis 45:9

“Ape do ńitokʼ usạrate baba ṭhen senkate lạiyaepe, uniren hopon Joseph do noae meneda, ‘Isor do goṭa Misor disạmren cakʼlaoicʼe hoyoco akadińa. Ar begor bilomte am do iń ṭhen hijukʼme.

Genesis 43:4

Aleren boeha ale sãotem sen ocoae khan enḍekhan ale do arhõ senkate anajle kiriń ạguiya.

Genesis 43:2

Misor disạm khon Israelren, metakʼme Jakobren hoponko okaṭakʼ anajko ạguletʼ ona cabayentako khan onkoren apat doe menkeda, “Ape do arhõ senokʼte anaj kiriń ạgui tabonpe.”

Aposkạmi 7:12

Menkhan Jakob do Misorre jomakʼ menakʼa menteye ańjomketʼ khan aboren hapṛamko pạhil dhao onḍeye kolletʼkoa.

Genesis 42:3

Unre Josephren gel boeha do jomakʼ kiriń ạgui lạgitʼ Misorteko calaoena.

Sereńko 33:18

Menkhan Probhu Isorre okoeyakʼ botor menakʼ, ar uniyakʼ dulạṛre okoe asko dohoyetʼ, onko cetanre uniyakʼ daya do tahẽnkana;

Sereńko 33:19

jemon moron khon onkoakʼ jiwi rukhiyạkʼtako ar akalre jiwetʼe doho daṛeako.