Genesis 42:18 - সান্তালী বাইবেল

¹⁸ Tesar hilokʼ Joseph do onkoe metatʼkoa, “Iń okań metatʼpe ona onkaepe, ente iń do Isoriń botoraea.

Genesis 42:18 Referans Kwoze

Levitikus 25:43

Okoe cetanre hõ alope jor juluma; ape do aperen Isor botoraepe.

Nehemiạ 5:15

Menkhan iń lahate okoe disạm cakʼlaokoko tahẽkan onko do hoṛko cetanre hamal bojhako ladeyatʼko tahẽkana ar jomakʼ ar darkha rasa chaḍa hõ onko ṭhen khon mõṛẽ sae bargel gram rupạko hataoetʼ tahẽkana. Onkoren gutiko hõ disạm hoṛko cetanre mạlikiko calaoetʼ tahẽkana. Menkhan iń do Isoriń botoraekante ona leka bạń kạmi akada,

Luk 18:2

Uni do Isor bae botoraekan tahẽkana ar hoṛko hõ bae moneyako kan tahẽkana.

Genesis 20:11

Abrahame roṛ ruạṛkeda, “Iń doń hudisleda, noa jaegaren hoṛko do Isorre botor bạnukʼtakoa. Onate hoedaṛeakʼa onko do ińren bạhu ńame lạgitʼte ińko gocʼ botejińạ.

Luk 18:4

Menkhan hạkim do thoṛa din hạbicʼ cetʼge bae cekawadea. Ado mucạtʼre mone moneteye menkeda, ‘iń do Isor bạń botoraekanre hõ ar manwako bạń moneyakokanre hõ,

Nehemiạ 5:9

Iń do arhõń metatʼkoa, “Ape okape cekakan ona do ṭhikakʼ do baṅkana. Be-Jihudi bạiriko jemon aloko henosta daṛeabon onate aboren Probhu Isor botorae seletʼ calakʼ do cetʼ lek baṅkan tabona?

Genesis 39:9

Noa oṛakʼre iń cetante ar celege bạnukʼkoa. Ar am do uniren bạhu kanam, onate eken am chaḍa ar sanamkoge iń tabereye dohoakatʼkoa. Ar iń do cekate nonkan bạṛicʼ kạmiń kạmite Isor upạrteń kại daṛekea?”

Genesis 42:19

Arpe dhorom hoṛkan khan enḍekhan ape modre mitʼ hoṛ noa hajotre bondi akane tahenma, ar sarecʼ eṭakʼko do apeakʼ upạs akatʼ gharońj lạgitʼ anajko idiyma.

Exodus 18:21

Ona tayom sanam hoṛko tala khon nonkan lekman hoṛ ben bachaokoa okoe do Isorko batorae ar sạriyakʼreko tahenkan ar behokakʼko hirkhạwakʼ kan. Onkoge aben do mukhiyạ lekate ben bahalkoa, adom do hajarko cetanre, adom do saeko cetanre, adomko do mõṛẽgelko cetanre ar adomko do gelko cetanre.

Jobakʼ 1:1

Kus disạmre Job ńutuman mitʼṭen hoṛe tahẽkana. Uni do bindusạn ar dhorom hoṛgeye tahẽkana. Uni do Isore botorae kan tahẽkana ar bạṛicʼakʼ khon sạṅgińreye tahenkan tahẽkana.

Exodus 1:17

Menkhan unkin dhạ̃i buḍhi do Isor kin botoraekan tahẽkana. Onate unkin do Misor rajakʼ hukum leka kạmi baṅkate koṛa hoponko jiwetʼkin dohoketʼkoa.

Levitikus 25:17

Okoe cetanre hõ alope behoka. Ar sanamkoge aperen Isor botoraepe, ente iń Probhuge aperen Isor do.