Genesis 42:10 - সান্তালী বাইবেল

¹⁰ Onko do uniko metadea, “Baṅa, hujur, amren golam do anaj kiriń lạgitʼgele hecʼakana.

Genesis 42:10 Referans Kwoze

Genesis 37:8

Unre uniren boeha do uniko metadea, “Am do cetʼ sạrigem hudiseda rajem hoyokʼa ar ale cetanre hukumem calaoa?” Uniyakʼ kukmũ ar kathate uniren dadattetʼtako do arhõ bạ̃ṛti hiskạwaeko ehopʼena.

1 Rapajko 18:7

Obediạ do horteye calakʼkan tahẽkanre Eliạ sãoteye ńapamena. Obediạ do uniye ńel oromkede khan otre ombakʼkate joharadeteye menkeda, “E ińren mạlik Eliạ, sạrigem am kangea?”

1 Samuel 26:17

Sạul do Dạudakʼ aṛaṅe oromketʼteye menkeda, “E jãwãe, noa do cetʼ abenakʼ aṛaṅkangea?” Dạude menkeda, “Hẽ, maharaj, noa do abenren gutiyakʼ aṛaṅkangea.”

Genesis 44:9

Ona bạṭi amren golamko ṭhen ńamlen khan enḍekhan uni doe gocʼ ocokʼma, ar alehõ amren kisạ̃ṛren golam akanle tahena.”

Genesis 27:37

Isahake roṛ ruạṛkeda, “Ńelme, uni do amren mạlik iń hoyoco akadea ar uniyakʼ gusṭiren sanamko do acʼren gutiń hoe ocoakatʼkoa. Iń do uni lạgitʼ phosol ar nãwã darkha rasań bondobos akada. Am lạgitʼ do ńit cetʼ iń cekaea?”

Genesis 27:29

Eṭakʼ jạtrenko do amko sapʼ sorama, ar sanam hoṛge amko ḍobokʼama. Am gusṭiren hoṛkoren mạlikkem hoyokʼa, onko do amko ḍobokʼama. Okoe amko sarapam onko cetanre hõ sarap paṛaokʼma; ar okoe amko bhoram onko hõ bhor hecʼakoma.”

Genesis 42:11

Ale do jotoge mitʼ babaren hopon kanale. Kharap hoṛ dole baṅkana. Ale amren golam do disạm cikʼyạ hoṛ dole baṅkana.”