Genesis 41:46 - সান্তালী বাইবেল

⁴⁶ Joseph do tinre Misorren raj Pharaoakʼ kạmireye bahal ocoyena unre uniyakʼ umer do pegel bochor tahẽkana. Uni do Pharaoakʼ raj dorbar khon oḍokkate Misor disạm reakʼ sanam jaegae dãṛã ạcurkeda.

Genesis 41:46 Referans Kwoze

Daniel 1:19

Raj do onko sãote katha roṛkateye bujhạu daṛeada je, Daniel, Hananiạ, Misayel ar Asariạ soman do okoe hõ bạnukʼkoa; onate noko pon hoṛ do rajakʼ kạmireko bahal ocoyena.

1 Rapajko 12:6

Okoe murubbiko acʼren apattetʼ Solomon oktereko sapʼ soraekan tahẽkan Rehobiam do onko sãote galmaraoketʼteye menkeda, “Ma solha emạńpe onko hoṛ do cetʼ iń roṛ ruạṛakoa?”

2 Samuel 5:4

Dạud do tinre raje hoyena unre uniyakʼ umer do pegel bochor tahẽkantaea; ar pongel bochor hạbicʼ raje calaokeda.

1 Samuel 16:21

Dạud do Sạul ṭhene hecʼen khan acʼakʼ kạmireye dohokedea. Ar Sạul do uni ạḍitetʼe dulạṛede tahẽkana ar Sạulren khanḍa bhanḍa asenicʼe hoyena.

Numeri 4:3

Kohatren pegel khon mõṛẽgel bochor umerren okoeko herel hoṛ do ńapamokʼ tạmbu reakʼko kạmi daṛeakʼ eken onko ben lekhakoa.

Genesis 37:2

Noa do hoyokʼ kana Jakob gharońjrenko reakʼ kạhini. Joseph do acʼren boehako sãote bhiḍi ar meromkoe gupikan tahẽkana. Ar uniren boehako doko tahẽkana acʼren kạki eṅgat Bilhạ ar Silpạren hoponkoge. Uniyakʼ umer gel eae bochor tahẽkanre uni do acʼren noko boehakoakʼ bạṛicʼ colon reakʼ katha acʼ apate lạiyadea.

Jihudạwakʼ ciṭhi 1:24

Eken mitʼ goṭen Isor menaea, okoe doe aboren babańcaoicʼ kan uni do apepe tohodokʼ khon bańcaokate niphuṭge acʼakʼ ṭhonok samaṅre rạskạteye hạjir daṛeapea. Sanam jugko reakʼ pạhil khon cetʼ leka tahẽkan onkage ńit hõ ar jaejug hạbicʼ aboren Probhu Jisu Mạsi hotete Isorakʼge ṭhonok, mạhima, daṛe ar ektiạri tahentae ma. Amen.

Luk 21:36

Onate jagwar tahenpe ar koejoṅpe jemon jãhãnakʼge hecʼape onakope parom idite Manwa Hopon samaṅrepe teṅgo daṛeakʼ.”

Luk 3:23

Jisu do pegel serma umer tahẽkantaere acʼakʼ kạmiye ehopʼkeda. Hoṛkoakʼ bujhạure uni do Josephren hopone tahẽkana. Ar Joseph do Eliren hopone tahẽkana;

Kạhtukko 22:29

Am do cetʼ nonkan jãhãe hoṛem ńel akatʼkoa oko do gạkhuṛ titeye kạmikan? Uni do rajko lạgitʼe kạmiya, ar hoṛko tabere do baṅa.

1 Rapajko 12:8

Menkhan Rehobiam do murubbikoakʼ solha bae hetawatʼte juạn koṛako tulucʼe solhawana, one okoe do acʼ sãoteko haralen ar uniko sapʼ soraekan tahẽkan.

Genesis 41:47

Ar ona eae bochor Misor disạmre asambheṛ phosol hoyena.

Genesis 42:8

Joseph do acʼren boehakoe ńel oromketʼkoa menkhan onko do bako orom daṛeadea.

Genesis 45:6

Akal calakʼ kana bar bochor khon. Noa do arhõ mõṛẽ bochor hạbicʼ tahena. Unre phosol hõ baṅ erokʼa ar irhõ baṅ irokʼa.

Daniel 1:4

Onko juạnko do ńelokʼte mońj, ạkilan, niphuṭ, cecetʼakʼte perecʼ ar raj dorbarre kạmi lạgitʼ lek lekako hoyokʼ. Aspenas doe hukum ocoyena jemon uni do onko juạnko Babel reakʼ pạrsi ar sahitto reaṅe cetʼako.