Genesis 41:42 - সান্তালী বাইবেল

⁴² Ona tayom Pharao do acʼakʼ ti khon mohor chapakatʼ mundạm bocʼkate Josephe horokʼadea. Ar mońj utạrakʼ kicricʼe emadea ar hoṭokʼre sona reakʼ mala hõe horokʼadea.

Genesis 41:42 Referans Kwoze

Daniel 5:29

Unre Beltsasarakʼ hukum leka Daniel do beguni kicricʼko horokʼadea ar uniyakʼ hoṭokʼre sona reakʼ mala hõ. Ar rajosṭiren pea rajko talare mitʼ hoṛakʼ hudạ emae reakʼ hõ lại sodorena.

Daniel 5:7

Unre raj do ãṭ aṛaṅte hohoate gonokko, gunidarko, kạldiko ạguko lạgitʼe hukumkeda. Uni do Babelren ạkilankoe metatʼkoa, “Jãhãege noa olakʼ paṛhaokate ona reakʼ bhede lại daṛeạń enḍekhan uni do beguni kicricʼ ar hoṭokʼre sona reakʼ mala hõe emocokʼa ar rajosṭiren pea rajko modre uni hõ mitʼṭecʼ hudại emocokʼa.”

Ester 3:10

Unre raj do chap emakʼ lạgitʼ acʼakʼ kạṭupʼ khon mundạm totʼkate Jihudikoren bạiri Agag Hamadathren hopon Hamane emadea.

Daniel 5:16

Ińiń ańjomkeda, am do okoakʼko reaṅ manekom lại daṛeakʼa ar muskilakʼko hõm alga daṛeakʼa. Am do ńitokʼ noa ol akanakʼem paṛhao daṛeakʼ ar ona reakʼ bhedem bhaṅgao daṛeạń enḍekhan am do beguni kicricʼem horokʼ ocokʼa ar hoṭokʼre sona reakʼ mala hõm ńama ar rajosṭiren pea rapajko modre am hõ mitʼṭecʼ hudạm ńama.”

Ester 8:2

Raj do acʼakʼ chap akatʼ mundạm Haman ṭhen khon okae hatao ruạṛletʼ ona totʼkate Mordekaiye emadea. Ar Ester do Hamanakʼ sompotti cetanre Mordekaiye dohokadea.

Ester 8:15

Mordekai do mĩhĩ musnạ sutạm reakʼ beguni kicricʼ cetanre lil ar ponḍ roṅ reakʼ raj kicricʼ horokʼkate ar sona reakʼ mitʼṭecʼ mukuṭ bohokʼre horokʼkate raj samaṅ khone oḍok calaoena. Ar Susan nagraharen hoṛko do ãṭ aṛaṅteko hulạsena.

Ester 8:10

Mordekai do unre Ahasberos raj ńutumte ciṭhikoe olketʼte rajakʼ mundạme chapada. Ar ona tayom do rajren khacaṛ sadomre decʼkate aswarikoakʼ tite ciṭhikoe kolkeda.

Jeheskel 27:7

Misor reakʼ likạn goṛhon mĩhĩ mushnạ kicricʼte amakʼ jahaj reakʼ badam do benaolena ar onatege hoṛko do amko orom daṛeamkan tahẽkana. Elisa khon ạguwakʼ nil ar beguni roṅakʼ kicricʼ do amakʼ dapalakʼ tahẽkana.

Soros sereń 1:10

Cemkecʼ getama amakʼ johakin ar galaṅ upʼtam ar amakʼ hoṭokʼre mạnik mala do mońjge ńelokʼkana.

Kạhtukko 31:24

Uni maejiu do musnạ kicricʼ benao kateye ạkhrińeda; ar ḍanḍa paṭheakʼ kicricʼ do bạnij beparikoe emako kana.

Kạhtukko 31:22

Uni do pichạuṛikoe tearjoṅ kana; acʼhõ musnạ ar beguni roṅakʼ kicricʼe bandeyeda.

Ester 8:8

Menkhan rajakʼ ńutumte olakʼ ar rajakʼ mundạm reakʼ chapakʼ jãhãn hukumge baṅ bạtilokʼa. Onate ńitokʼ bhage ben hudisetʼ khan Jihudiko lạgitʼ raj ńutumte ar mitʼṭecʼ parwana ol ocoyben ar onare rajakʼ mundạm reakʼ chap emakʼben.”

Ester 3:12

Ona tayom pạhil cando reakʼ gelpeyakʼ dinre raj do olokʼkoe hohowatʼkoa. Onko do mitʼke mitʼ tabe disạm reakʼ horop ar mitʼke mitʼ jạtrenkoakʼ pạrsi leka Hamanakʼ hukum do disạm cakʼlaoko ar judạ judạ mukhiyạko ṭhen ol kateko baḍae ocoyena. Ciṭhiko do Ahasberosakʼ ńutumtege ol hoyena ar raj do acʼakʼ mundạmte onako cetanreye chapada.

Luk 15:22

“Menkhan apattetʼ do acʼren gutikoe metatʼkoa, ‘den usạrate mońj utạrakʼ kicricʼ ạguiype ar uni horokʼaepe. Tire mundạm ar jaṅgare panahi horokʼaepe,

Kạhtukko 1:9

Onako do amakʼ bohokʼ lạgitʼ ṭhosok mukuṭ ar hoṭokʼ reakʼ do mala kana.

Ester 10:3

Ahasberos raj tayom do Mordekaige dosaricʼe tahẽkana. Uniren sanam jạt-boehako do uniko manotkedea arko bạsutae kan tahẽkana, ente uni do acʼren hoṛko lạgitʼ bhạlạiyakʼgeye kạmiyetʼ tahẽkana ar sanam Jihudiko rukhiyạko reakʼgeye kurumuṭuyetʼ tahẽkana.

Genesis 38:18

Jihudại menkeda, “Cetʼ iń doho oṭokakʼa?” Uniye menkeda, “Baber sudhạ amakʼ mohor chap akatʼ amakʼ ti reakʼ ṭheṅga.” Unre Jihudạ do onako uni ṭhene doho oṭokatʼte uni tulucʼe giticʼmitʼena, ar onate Tamor doe bhạrti hoṛmoyena.

Genesis 41:43

Noa tayom Joseph do acʼakʼ rajosṭi reakʼ dosarakʼ rãt gạḍireye duṛupʼkedea. Ar gạḍi calakʼ oktere Joseph laha lahateko roṛ sodorkeda, “Ikhṛumokʼpe, ikhṛumokʼpe.” Ar nonkate Pharao do goṭa Misor disạm reakʼ bhar Joseph cetanreye dohokeda.

1 Samuel 18:4

Uni do acʼakʼ aṅgrop bocʼkate Dạude horokʼadea, ar acʼakʼ lạṛhại reakʼ sapapʼakʼ, acʼakʼ tarwaṛe, acʼak akʼ-sar ar ḍanḍa paṭhekʼakʼ hõe emadea.

Sereńko 73:6

Onate bạḍại do onkoakʼ hoṭokʼ reakʼ mala leka, ar santao do onkoakʼ hoṛmo reakʼ kicricʼ kana.

Soros sereń 4:9

E dulạṛiạtiń, E bạhutiń, amakʼ beṅgetʼte iń dom mạluṅ kedińạ; ar amakʼ hoṭokʼ reakʼ mitʼ goṭecʼ sikṛi malate ińakʼ mon dom tolketʼtińạ.

Jirimiạ 52:33

Jehoyakin do jel khana reakʼ kicricʼe bocʼkeda ar jion reakʼ sarecʼ dinko do raj sãote jom ńũkateye paromkeda.

Jesaea 3:23

ạrsiko, mĩhĩ musnạ kicricʼko ar jhińjri ṭuṭurikoge.