Genesis 41:33 - সান্তালী বাইবেল

³³ “Ona iạte Maharaj ńitokʼ nonkan mitʼṭen akelan ar bujhạntar hoṛ bachao joṅme. Ar uni cetanre Misor disạm reakʼ bhar dohoyme.

Genesis 41:33 Referans Kwoze

Genesis 41:39

Niạ tayom Pharao do Josephe metadea, “Isorge jotowakʼkoe baḍae ocoakatʼmea ar am lekan bujhạntar ar ạkilan hoṛ do celege bạnukʼkoa.

Aposkạmi 6:3

E boehako, ape modkhon Jiu ar akelte perecʼ akan ar sanam hoṛko manotko nonkan eae goṭen hoṛ bachao joṅpe. Ale do onkoge noa sapʼdapʼ kạmi reakʼ bharle emakoa ar ale do koejoṅ ar Isorakʼ katha porcar lạgitʼ jamaṛ akanle tahena.”

Daniel 4:27

Onate E maharaj, am do ińakʼ solha ańjomme. Am do bhageakʼ kạmime ar reṅgecʼ-orecʼko dayawakome ar amakʼ behokakʼ ar kại reakʼ kạmiko do bạgime; pasere pase amakʼ nirại dinko do jhạl idikʼtamge.”

Dosar Biboron 1:13

Ape do apeakʼ gusṭiko khon ạkilanko, bujhạntar hoṛko, namḍak hoṛko bachaokope; jemon onko cetanre ńel todarot reakʼ bhariń em daṛeakʼ.’

Genesis 41:34

Ona chaḍa eṭakʼ kạmiyạko hõ uni sãote dohokom. Disạmre eae bochor tinre bạ̃ṛti phosol hoyokʼa, unre jemon mõṛẽ hĩs reakʼ mitʼ hĩsko hatao.